Светско Првенство – Мундијал во Русија 2018

Светското фудбалско првенство кое во 2018 година ќе се одржи во Русија ќе биде 21-то Светско првенство под покровителство на ФИФА. Мундијалот во Русија ќе стартува на 14-ти јуни, а ќе трае до 15-ти јули 2018 година. Во наредниот период ќе се обидеме да го доближиме до вас овој мундијал и ќе ги пренесуваме сите информации поврзани со овој шампионат.

Прв пат Светско Првенство во Источна Европа

Ова ќе биде првото Светско првенство одржано во Европа по 2006 година кога мундијалот се играше во Германија. Воедно ова е прво Светско Првенство кое ќе се одржи во Источна Европа. На финалниот турнир ќе учествуваат 32 репрезентации. Ќе се одиграат вкупно 64 натпревари на 12 стадиони во 11 градови. Финалето ќе се одржи на 15-ти јули во Москва на стадионот Лужники. На овој шампионат ќе има две земји дебитанти и тоа Исланд и Панама.

Сите групи со посебен шмек, некои поинтересни, некои понеизвесни

Светско Првенство - Мундијал во Русија 2018 - групи

Кои се 11-те стадиони во 12 градови каде ќе се играат натпреварите на Мундијалот во Русија

Мундијалот ќе се одигра на 12 стадиони во 11 градови. Москва е единствениот град во кој ќе се играат натпревари на два стадиони и град кој ќе биде домаќин на финалето. Првичниот план беше да се игра во 13 градови и 16 стадиони, но подоцна Русите одлучија најголемата фудбалска смотра да се одржи на 12 стадони.

Светско Првенство - Мундијал во Русија 2018 - Стадиони

Москва
Лужники стадион (отварање, полуфинале и финале) 81.000 мест
Стадионот на Спартак – 45.360 места

Санкт Петерсбург
Крестовски стадион (полуфинале и за трето место) 68.134 места

Калининград
Калининград стадион 35.212 места

Казан
Казан Арена 45.370

Нижји Новгород
Нижји Новгород стадион 44.899

Самара
Космос Арена 44.918

Волгоград
Волгоград Арена 45.568

Саранск
Мордовија Арена 45.015

Ростов
Ростов Арена 45.000

Сочи
Олимпијски стадион 47.659

Екатеринбург
Централ стадион 35. 696

 

Забивака ( сибирски волк ) е главната маскота на мундијалот

Маскотата на Светското првенство 2018  е волкот Забивака, а за тоа одлучија навивачите со гласање на интернет. Организаторите потврдија дека гласале повеќе од милион луѓе.

Светско Првенство - Мундијал во Русија 2018 - Маскота

Волкот со околу 52,8 отсто победи пред мачката и амурскиот тигар во астронаутска опрема, а победникот заедно го прогласија претседателот на Руската фудбалска федерација, Виталиј Мутко, и поранешната бразилска фудбалска ѕвезда Роналдо.

Така волкот Забавика стана наследник на Закуми од мундијалот во Јужна Африка во 2010 и кутрето Фулеш од минатиот мундијал во Бразил во 2014 година.

Познати барабаните за ждребот во Кремљ

По добивањето на конечните 32 репрезентации кои ќе земат учество на Светското првенство во Русија 2018 година, ФИФА го објави распоредот на барабаните. Главната ждрепката  за СП ќе се одржи на 1.декември на свечена манифестација во Кремљ.

Ова се четирите барабани според кои ќе се формираат групите

Светско Првенство - Мундијал во Русија 2018 - Барабани

 

Како ќе изгледа ждребот во Кремљ

Неизвесноста околу изгледот на групите на Светското Првенство во Русија ќе не држи до 1-ви декември 2017 година. Тогаш во познатата палата во Москва, Кремљ ќе се одржи жрепката за групната фаза.

Репрезентациите се распределени во четири шешири врз основа на ФИФА ранг листата од октомври 2017 година. Во првиот шешир се најде и домаќинот, Русија (кои автоматски ќе бидат поставени на позицијата А1) како и најдобрите седум тимови според ранкингот. Оваа жрепка ќе биде различна од претходните, каде што само првиот шешир одреден според ФИФА ранкингот, додека останатите шешири се базираа според географска гледна точка. Сепак жребот ќе биде полидиригиран. Според тоа исто како и на претходните мундијали, репрезентациите од иста конфедерација нема да можат да се најдат во иста група со исклучок на УЕФА од каде што во секоја група може да се најдат до две репрезентации.

 

Која е најскапа репрезентација на мундијалот

Бразил, Шпанија, Франција, Германија, Аргентина, Белгија, Англија… ова се дел од репрезентациите со голем број светски имиња и сите со ред се фаворити за освојување на Мундијалот.

Токму по ваков редослед би можеле да се редат најдобрите тимови на СП. Играчите на Бразил вкупно вредат 671,5милиони евра според проценките на Трансмаркт.

Втората најскапа репрезентација е Шпанија, а таму играчите вредат 643,5 милиони, Французите 636,5, Германците 636,5милиони, Аргентинците 528,5, Белгијците 502,25 милиони. Следуваат Англија 33, Хрватска 294,75, Португалија 27,05, Полска 220,33 милиони.

Во долниот дел на оваа табелата се Костарика со 21,8, потоа Саудиска Арабија со 18,83 милиони, па Панама чии играчи вредат само 5,25 милиомни, што е 250 илјади во просек.

Не играат милионите туку играчите, но Панама во секој случај тешко дека ќе направат некое чудо со така скромен играчки кадар.

 

Како до билет за Светското Првенство ???

Вториот период од продажбата на влезници за натпреварите на Светското првенство стартува на 16-ти ноември во 12:00 по московско време, објави прес-службата на ФИФА.

Билетите од четврта категорија, наменети само за руски државјани овој пат нема да бидат достапни за купување. Тие беа имплементирани во првиот сегмент на продажба кој заврши на 12-ти октомври.
Според ФИФА во првиот продажен период биле дистрибуирани 622.177 билети. Вкупно биле поднесени 3.496.204 барања за билети. Потоа, по случаен избор беа избрани среќниците, па веќе на 57 отсто од руските навивачи им се пратени билетите. Меѓу странските обожаватели, највеќе билети добија навивачите од САД, Кина, Германија, Бразил и Израел. Интересно но три од овие земји нема да учестуваат на шампионатот: САД, Кина и Израел.

Светско Првенство - Мундијал во Русија 2018 - Карти

-“Беше охрабрувачки да се види колку е голем интересот за следење на турнирот од страната на руските и странските навивачи. Овој пат картите беа распределени рандом, но кога ќе бидат познати групите, кога ќе се знае каде ќе играат репрезентациите очекуваме вистински бум”. – изјави шефот на одделот за продажба на билети на ФИФА, Фалк Елер.

Сите земји учеснички ќе бидат овластени во следните жрепки и ќе добијат одреден број на карти. Секако, ќе може да се аплицира и од Македонија. За периодот кога ќе се примаат апликации од тука ќе бидете благовремено известени.

Фановите кои сакаат да купат билети, повеќе информации можат да добијат преку онлајн платформата на FIFA.com/bilet каде и може да се аплицира за билетите.

 

Изборот на Русија за домаќин на СП беше проследен со “милион” контроверзии

Русија во изминатиот период се соочуваше со слични притисоци како и пред Зимските олимписки игри во 2014 година, кога веднаш по изборот на Русија за домаќин, тој беше беше оспорен. Контроверзните прашања се многу гласни пред се поради високото ниво на расизам во рускиот фудбал. Поради дискриминацијата на ЛГБТ луѓето во руското општество. Тука е и вклученоста на Русија во тековниот конфликт во Украина, особено по анексијата на Крим па веќе се создаваат групи за бојкот на мундијалот.

Претседателот на ФИФА, Сеп Блатер во едно интервју рече: “Светското првенство и е доделено на Русија на регуларно гласање и нас ни останува само да си ја вршиме нашата работа, односно да помогнеме во организацијата на турнирот”.

Сепак горенаведените обвинувања и проблеми не се ништо во споредба на следниве обвинувања. Имено, обвинувањата за корупција во процесите на наддавање за светските првенства во 2018 и 2022 година го растресоа светскиот фудбал. Беше сменет претседателот на ФИФА. Имаше истраги и од ФБА, а беа уапсени и високи функционери на ФИФА. Во еден момент скандалите предизвикаа и закани од ФА на Англија кој најавија дека ќе го бојкотираат турнирот. За таа цел ФИФА го назначи Мајкл Ј. Гарсија, американски адвокат, за истражување и изготвување на извештај (Извештајот на Гарсија) околу наводите за корупција.

И покрај тоа што извештајот никогаш не беше објавен, ФИФА објави резиме од 42 страници на своите наоди утврдени од германскиот судија Ханс-Јоаким Екерт. Резимето на Екерт ги ослободи Русија и Катар од какво било погрешно работење или поткупување, но критичарите го критикуваа тоа резиме и го нарекоа порачано. И Гарсија го критикуваше резимето и го нарече “материјално нецелосно” со “погрешни претстави на фактите и заклучоците”, и поднесе жалба до Апелациониот комитет на ФИФА. Комитетот одби да ја разгледа и сослуша неговата жалба, па Гарсија поднесе оставка во знак на протест поради однесувањето на ФИФА, наведувајќи го “недостатокот на лидерство” и недовербата во независноста на Екерт. Тоа беше и причината што Извештајот на Гарсија никогаш не беше објавен.

Светско Првенство - Мундијал во Русија 2018 - Скандали

На 3 јуни 2015 година, ФБИ потврди дека федералните власти ги испитуваат тендерите и доделувањето на организациите за Светското првенство во 2018 и 2022 година. Голем корупциски скандал ја стресе ФИФА само неколку дена подоцна. Тогаш во Цирих беа уапсени 14 лица, од кои шестмина беа високи функционери на Светската фудбалска федерација. Под притисокот на јавноста, иако беше реизбран на функцијата по само четири дена од реизборот оставка си поднесе и првиот човек на ФИФА, Сеп Блатер.

Веднаш потоа, извршниот директор на Мундијалот во 2018 година, Алексеј Сорокин за CNN изјави „Се беше чисто, не прекршивме ниту едно правило на ФИФА за време на постапката кога се кандидиравме за домаќини на СП во 2018 година. Што друго можам да кажам?“, истакна Сорокин.

Во интервјуто објавено на 7-ми јуни 2015 година, Доменико Скала, шеф на Комитетот за ревизија и усогласување на ФИФА, изјави “Треба да има докази дека наградите кој ги давале Катар и Русија биле поради поткупување на гласови”. Неговата изјава беше пренесена низ целиот свет и предизвика бурни реаквии, а веќе беше и јасно дека дел од гласачите добиле некаков вид на награди од Русија и Катар. Сепак, тоа не можеше да се докаже никогаш и обвинувањата паднаа во вода.

Изјавата на Доменико Скала дојде во време на засилена кампања во САД и Велика Британија против корупцијата во ФИФА, како и по „политичката“ кампања во британската јавност да се казни Русија, со одземање на организацијата на првенството, поради интервенцијата во Украина.

Кои се фаворити според обложувалниците?

Репрезентацијакоефициентдатумобложувалница
Германија6.0016.11.2017bet365
Бразил6.0016.11.2017bet365
Франција7.0016.11.201710bet
Шпанија9.0016.11.201710bet
Аргентина9.5016.11.20171xbet
Белгија13.0016.11.2017coinbet24
Англија21.0016.11.20171xbet
Португалија23.0016.11.2017bet365
Хрватска29.0016.11.201710bet
Русија41.0016.11.201710bet
Уругвај41.0016.11.201710bet
Колумбија51.0016.11.20171xbet
Полска51.0016.11.20171xbet
Мексико67.0016.11.20171xbet
Швајцарија67.0016.11.20171xbet
Данска81.0016.11.2017bet365
Шведска81.0016.11.2017bet365
Србија101.0016.11.201710bet
Нигерија151.0016.11.201710bet
Сенегал151.0016.11.201710bet
Исланд201.0016.11.2017bet365
Мароко251.0016.11.2017bet365
Австралија251.0016.11.2017bet365
Перу251.0016.11.2017bet365
Јапонија301.0016.11.2017bet365
Египет301.0016.11.2017bet365
Иран301.0016.11.2017bet365
Јужна Кореја351.0016.11.2017coinbet24
Костарика351.0016.11.2017coinbet24
Тунис451.0016.11.20171xbet
Панама751.0016.11.20171xbet
Саудиска Арабија751.0016.11.20171xbet

 

Кои се фаворити за поминување на групната фаза на Bet365 ?

По само 2 часа откако беше одржана ждрепката за Светското првенство во Русија, светските букмејкери ги оформија коефициентите за поминување на групата. Во прилог ќе ви ги доставиме коефициентите од најголемата онлајн обложувалница на светот Bet365.

Светско Првенство - Мундијал во Русија 2018 - ждрепка фаворити

Дати и сатници за сите натпревари од групната фаза

Натпреварите во групната фаза на Мундијалот 2018 ќе се играат од 14:00, 16:00, 17:00 и 20:00 часот по македонско време, а ќе има и еден кој ќе започнува од 12:00 часот.

Светското првенство ќе биде отворено со натпреварот Русија – Саудиска Арабија од 17:00 часот на 14 јуни.

Група А
14 јуни Русија – Саудиска Арабија, Москва, Стадион Лужнички, 17 часот
15 јуни Египет – Уругвај, Екатеринбург, 14 часот

19 јуни Русија – Египет, Санкт Петербург, 19 ч
20 јуни Уругвај – Саудиска Арабија, Ростов, 17 ч

25 јуни Уругвај – Русија, Самара, 16 ч
Саудиска Арабија – Египет, Волгоград, 16 ч

Група Б
15 јуни Мароко – Иран, Санкт Петербург, 17 ч
Португалија – Шпанија, Сочи, 19 ч

20 јуни Португалија – Мароко, Москва, Лужники, 13 ч
Иран – Шпанија, Казан, 20 ч

25 јуни Иран – Португалија, Саранск, 20 ч
Шпанија – Мароко, Калининград, 20 ч

Група Ц
16 јуни Франција – Австралија, Казан, 12 ч
Перу – Данска, Саранск, 18 ч

21 јуни Франција – Перу, Екатеринбург, 14 часот
Данска – Австралија, Самара, 17 ч

26 јуни Данска – Франција, Москва, Лужники, 16 ч
Австралија – Перу, Сочи, 16 ч

Група Д
16 јуни Аргентина – Исланд, Москва, Спартак, 15 ч
Хрватска – Нигерија, Калининград, 20 ч

21 јуни Аргентина – Хрватска, Нижни Новгород, 20 ч
22 јуни Нигерија – Исланд, Волгоград, 17 ч

26 јуни Нигерија – Аргентина, Санкт-Петербург, 20 ч
Исланд – Хрватска, Ростов, 20 ч

Група Е
17 јуни Коста Рика – Србија, Самара, 14 часот
Бразил – Швајцарија, Ростов, 20 ч

22 јуни Бразил – Костарика, Санкт Петербург, 14 часот
Србија – Швајцарија, Калининград, 20 ч

27 јуни Србија – Бразил, Москва, Спартак, 20 ч
Швајцарија – Костарика, Нижни Новгород, 20 ч

Група Ф
17 јуни Германија – Мексико, Москва, Лужники, 17 ч
18 јуни Шведска – Република Кореја, Нижни Новгород, 14 ч

23 јуни Германија – Шведска, Сочи, 17 ч
Република Кореја – Мексико, Ростов, 20 ч

27 јуни Република Кореја – Германија, Казан, 16 ч
Мексико – Шведска, Екатеринбург, 16 ч

Група Г
18 јуни Белгија – Панама, Сочи, 17 ч
Тунис – Англија, Волгоград, 20 ч

23 јуни Белгија – Тунис, Москва, Спартак, 14 часот
24-ти јуни Англија – Панама, Нижни Новгород, 14 ч

28 јуни Англија – Белгија, Калининград, 20 ч
Панама – Тунис, Саранск, 20 ч

Група Х
19 јуни Полска – Сенегал, Москва, Лужни, 14 часот
Колумбија – Јапонија, Саранск, 17 ч

24 јуни Јапонија – Сенегал, Екатеринбург, 17 ч
Полска – Колумбија, Казан, 20 ч

28 јуни Јапонија – Полска, Волгоград, 16 ч
Сенегал – Колумбија, Самара, 16 ч

Поврзани статии за Светското првенство во фудбал – Русија 2018 :

Кој ќе го освои Светското првенство? Обложувалниците веќе имаат свои фаворити

Светско Првенство: Анализа на групната фаза, фаворити, изненадувања, коефициенти !

Сподели