Светско Првенство 2026: Група Д – САД, Паргвај, Австралија, Турција

Група Д е комбинација од четири доста квалитетни селекции. Турција и Парагвај влегуваат како најискусни на Мундијалите, САД се надева на својата млада и талентирана генерација, додека Австралија е селекција која е доста физички подготвена и важи исто така за сериозен конкурент во оваа скоро изедначена група.

САД

Селекцијата на САД е еден од домаќините на овој Мундијал. Тие имаат одличен тренер кој знае да го координира, а тимот е составен со играчи од сите најјаки европски лиги. Стилот на игра им е модерен и динамичен, а на Мундијалот овој пат влегуваат со големи амбиции и се надеваат дека ќе остварат историски резултат.

Парагвај

После долга пауза, селекцијата на Паргвај се враќа на светската сцена. Оваа селекција се одликува со цврста одбрана и беспрекорна физичка подготвеност. Во своите редови имаат доста искусни играчи, но и нова генерација таленти, па таа комбинација се надеваат дека ќе ги одведе во најмала рака до нокаут фазата.

Австралија

Селекцијата на Австралија е тим кој не се предава воопшто и кој игра до последна минута. Кај нив владее тимски дух и играчите се одлично „синхронизирани“. Австралијанците важат за тим кој е крајно дисциплиниран и се исклучително опасни при воздушни дуели.

Турција

Историјата „вели“ дека Турција во моментов ја има својата најталентирана генерација. Се издвојуваат како супериорни во делот на средината и креирањето на играта, а во поглед на духот може да кажеме дека оваа селекција е доста борбена. Со оглед на сите овие факти, очекуваме Турците да ги гледаме во нокаут фазата.