Зависник од обложување, обложување за забава или сериозно обложување?

Секој играч треба да се погледне во огледало и да се запраша: „Што сум јас-зависник, играм за забава или сериозен играч?“

Зависникот троши премногу време и пари на обложување: Доколку ова сте вие, можете да го прочитате овој прирачник, но подобро за вас е да престанете со обложување.

Ако играте за забава, тогаш ова ви е само хоби, а секое хоби чини пари. Знаете дека долгорочно гледано губите, но секако трошите пари на цигари, весник, нова облека-зошто да не тргнете малку пари и за забава? Но, се додека имате контрола. Се додека не трошите премногу време и пари на обложување.

За сериозните играчи, ова можеби нема да ви е интересно да го читате, но ви препорачуваме да го погледнете, барем 10-те главни совети. Доколку ги употребите некои од овие совети, не може да добиете повеќе, но можете побавно да ги изгубите парите. Овој прирачник е за новите играчи, но и за сериозните играчи кои сакаат да го намалат дефицитот.

Ова не е пократок пат до богатство

Не ви ветуваме златни и зелени шуми. Прирачникот нуди корисни алатки, но не е пократок пат до богатство. Доколку сакате да се подобрите, потребно е време и енергија. Ретко кој живее само од оваа заработка, така што заборавете ги нереалните амбиции, започнете полека, па понатаму ќе видете дали можете да го промените темпото.

10 ЗАПОВЕДИ ЗА ОБЛОЖУВАЊЕ

1. Веројатноста е секси

Астрологија, гледање на кафе, Нострадамус – сето тоа е лаги и измама. Не можете да ја предвидете иднината. Освен ако не сте некој мафијаш кој ги поткупил судијата и гоманот на едниот тим, тогаш не може да знаете како ќе заврши еден натпревар. Дури и најголемите фаворити може да погрешат, ништо не е сигурно. Затоа, не се обложувајте пред да ги видете коефициентите, во спротивно, губите. Не секој пат, но на подолг рок, дефицитот е неизбежен. Мора да ги земете коефициентите и да ги ставите во однос со веројатноста на исходот. Со други зборови, основно пресметување на веројатноста. ОК, можеби не е секси, но нема друг начин ако сакате да победите: Искористете ја пресметката на веројатноста и играјте ги само облозите со повисока вредност.


2. Знаењето е моќ

Кога се обложувате, знаењето е се. Мора да знаете што правите и да имате енергија да ги пронајдете сите потребни информации. Доколку немате увид во спортот/лигата/натпреварот, најдобро е да ги слушате оние кои имаат, односно експертите. Потребна е и пресметката на веројатноста. Секој може да пресмета лесна математика, но дали се тие бројки реални?


3. Статистиката не е доволна

Статистиката е неопходна алатка за обложување. Но, креаторите на коефициентите вработени во обложувалниците, не ги креираат коефициентите само врз основа на статистиката. Така што ако само се потпирате врз статистиката, немате предност, напротив, вие сте чекор или два назад. Креаторите прават дополнителни истражувања и ги прилагодиваат коефициентите врз основа на други важни фактори. Можете и да ги проверите овие фактори, може ќе ги погодите креаторите во лош ден, па ќе знаете повеќе од нив.


4. Мислете на новчаникот

Можете да пресметувате веројатности, да ги откриете облозите со повисока вредност и да собирате информации. Но ако немате контрола врз финансиите, тогаш се ќе тргне на лошо. Управување со пари, самото по себе е доволен израз. Мора да знаете колку можете и колку треба да вложите на одреден облог, и мора да водите евиденција.


5. Бидете неверни

Користете повеќе обложувалници, за да имате поголем избор и да ги најдете повисоките и подобрите коефициенти. Кога барате нова обложувалница: барајте ја онаа со најдобри бонуси, но нека не биде тоа единствениот критериум. Најважно е да биде обложувалница која ќе ја користите.


6. Не верувајте во Дедо Мраз и други идоли

Престанете со потрагата по системот кој носи сигурна победа. Не постои, без разлика дали се вика Казино систем, Мартинггејл систем итн. Тие не гарантираат ништо. До добивката се стигнува со поставување облози со повисока вредност и истражување.


7. Игра на аутсајдери

Аутсајдер со високи коефициенти е добар облог исто како и облог на фаворитот, некогаш може и подобар. Голем број на луѓе слепо и несвесно играат на фаворитот, иако коефициентите на аутсајдерите можеби се подобри.


8. Азиски хендикеп

Азиски хендикеп: што е тоа? Тоа е вид на обложување, кој најчесто има подобри коефициенти од стандардното 1X2 обложување. Генерално, добра идеја е да навлезете во номенклатурата на обложувањето. Има многу изрази и странски фрази, како обложување на повисока вредност, сигурен облог, сплит топка…

Прочитајте повеќе за Азиски хендикеп: овде


9. Сингл облозите се позабавни

Во суштина тоа е препорачливо, да се игра на сингл (односно еден натпревар на тикетот) и да се избегнуваат двојки и други мулти облози. Причината е едноставно дека во одредена обложувалница може да биде тешко да се најдат доволно натпревари со повисока вредност за да се направи добар комби тикет.


10. Без паника

Избегнувајте да играте импулсивно и од очај: никогаш не играјте за да ги надокнадите загубите. Обложувањето е трка на долга стаза, не спринт. Важно е на крајот што ќе добиете, така што не паничете за една или две загуби. Играјте паметно и со план.


 

Обложување на повисока вредност и проценка на веројатноста

Има само два начини за добивка при обложување: чиста среќа и здрав разум. Чиста среќа, веднаш го пречкртуваме тоа, бидејќи има мал број на успешни обложувачи кои погодуваат на среќа. Многу малку се оние кои добиваат милиони без да знаат ништо и би било наивно доколку мислите дека вие сте еден од нив. Напротив, осудени сте на загуба доколку ги игнорирате основните елементи на обложувањето.

Во суштина, треба да сфатите дека обложувањето е математика. Да, има и други работи, но математиката е најважна.

Основната теорија на веројатност

Математиката е основниот инструмент за креаторите на коефициентите. И исто така мора да биде за вас, ако сакате да се подобрите во обложувањето. Всушност, основната теорија на веројатност.

Кога една обложувалница ги креира коефициентите, прво ја оценува веројатноста на исходот, на пример, за 2 во натпреварот помеѓу Копенхаген и Монтгомери. Веројатноста се проценува на 20% (фиктивнен пример). И од таа бројка започнува креирањето на коефициентот за победа на Монтгомери.

Со теоретски процент на исплата од 100%, коефициентот ќе биде 5.0 (100/20). Во реалниот свет, исплатата ќе бидат нешто пониска, на пример 90% – и тогаш шансите ќе бидат: 4.5.

Направете проценка на веројатноста

Шт треба да направите? Мора да направите ваша проценка на веројатност (или да послушате некој кој знае), и врз основа на тоа да препознаете дали коефициентите на обложувалницата се реални. Се работи за откривање дали коефициентите се добри или лоши, а тоа го правите со поставување на коефициентите во однос на веројатноста на исходот.

И тука почнува да се развува науката. Како ги пресметувате веројатностите? Ќе го направиме и тоа, не се грижете-но прво мора да ги поставиме основите.

Обложување на повисока вредност

Основата е во тоа коефициентите и веројатноста да се споредат. Ова ви овозможува да видете дали некој облог има вредност, со други зборови, дали вреди да се обложите на него.

Не се обложувајте на коефициенти што се премногу ниски, со тоа го саботирате вашиот буџет. Добиените облози мора да ги надополнат загубите од изгубените. А бидејќи однапред не знаете кои ќе ги добиете а кои ќе ги загубите, треба да се обложувате на разумни коефициенти, за сите облози.

Доколку секогаш се обложувате на облози со повисока вредност, секогаш ќе имате и добивка.

Дали е навистина толку лесно?

Дали е навистина толку лесно? Да и не. Затоа што не е лесно да се направи реална проценка на веројатност и да се идентификува облогот со повисока вредност. Треба да бидете трпеливи и да знаете што правите.

Прочитајте повеќе за обложување на повисока вредност: овде

Знаењето е моќ

Не е доволно само да знаете на пример „Манчестер Јунајтед е проклето многу добар тим…” Потребно е време и енергија за да навлезете во еден спорт. Да го следите и да истражувате. Колку помалку знаете, толку понереална ќе биде вашата проценка на веројатност.

За да бидете компетентен во обложување, треба да бидете способни да се движите низ океанот од информации на интернет. Да имате контрола врз онлајн весници, страни со препораки за игри, вебстрани на клубови, страни со статистика итн.

Експерти (не заборавајте на критичко мислење)

Не смеете да заборавите на критичкото мислење. Дали можете да верувате на одредена информација? Доколку е возможно, проверете ја два пати, и запомнете: Ништо не е сигурно. Тренерот може да блефира, експертот може да е погрешно информиран…се може да се случи.

Невозможно е да знаете се за се. Не можете да имате целосно познавање од сите спортови и лиги, и доколку сакате да играте нешто за кое немате многу познавање, треба да ги слушате т.н. експерти-луѓе кои се занимаваат интензивно и сериозно во таа област.

Но, и не верувајте на секого, проверете ги нивните исплати и анализи. Дали имаат добивка (на подолг рок, бидејќи секој може да оствари добивка во краток рок)? И цело време пратете ги. Но, и експертите се луѓе. И тие може да имаат падови. Можеби затоа што ја изгубиле желбата да истражуваат внимателно, како што треба, или затоа што потсвесно наиделе на криза, па нивните совети повеќе не се толку објективни и добри. Секогаш бидете објективни кога читате анализа.

За крај, треба да бидете свесни дали експертот вклучува проценка на веројатност во својата анализа. Често нема да има, и тоа е проблем. Добра работа е експертот да има добивка, но не е секогаш возможно да се играат истите коефициенти кои ги препорачува. Доколку не прикаже проценка на веројатност во анализата, тогаш не можете да бидете сигурни дека тоа е облог со повисока вредност. Па затоа, бидете внимателни доколку следите одреден експерт кој не прикажува проценка на веројатност, особено ако коефициентите се многу ниски.

Внимавајте ако коефициентите паднат, иако следите експерт кој прикажува и профит и проценка на веројатност. Споредете ја неговата просечна вредност на облог со неговиот процент на добивка. 

Идеално е да ги комбинирате експертите. Имајте увид, но во исто време користете и страни за сугестии за да добиете инспирација и да ги споредите со вашите мислења. Така што, слушајте ги другите, но селективно и внимателно.

Купување на совети

Купувањето на совети е опција. Но сепак, проверете добро дали тој што продава совети има солидна историја и добивка. Дали можете да сметае на него? И проверете го вашиот капитал за обложување. Ако треба да платите за совет, ќе треба да вложите многу за да заработите.

Статистиката не е доволна

Кои фактори се важни кога проценивате дали вреди да се обложите на одреден коефициент? Различно е за секој спорт, но некои работи се исти.

Статистиката очигледно е неопходна. Добро е да знаете на пример кој тенисер е најдобар на трева кој на тврда подлога. За фудбал пример, добро е да знаете како тимот игра на домашен терен, колку погодоци обично се постигнуваат итн.

Но тоа не е доволно. Овие работи се одлични за креаторите на коефициентите, тие се платеи да ги проверат статистиките. Како играч, потребни ви се повеќе информации, за да можете да ги стигнете и надминете креаторите. Дополнително, треба да се обрнете внимание на:

Општата сила

Имате статистика, но не секогаш ја прикажува целата вистина за општата сила на еден спортист/тим, особено во почетокот на сезоната.

Форма

Ова значи вистинската форма, не само онаа која може да се види во статистиката. Како игра тимот? Победија со 1-0 во последниот натпревар, но можеби беше на среќа?

Мотивација

Последно коло од сезоната. Едниот тим се бори за да не испадне, а другиот се наоѓа на добро место на табелата. Едниот тим најверојатно ќе има поголема мотивација од другиот. Внимавајте да не ја прецените или погрешно да ја интерпретирате мотивацијата. Дури и тим на кој не му менува тој натпревар, може да игра до крај и да победи.

Повреда/суспензија

Доколку тенисер е повреден, тоа може да игра важна улога во исходот на натпреварот. И доколку на фудбалски тим му недостасува првиот голман, или капитен или главниот стрелец, најверојатно ќе биде послаб. Затоа важно е да проверите дали има отсутни играчи, и дали за нив тимот има добри замени.

Внатрешни работи

Дали има некаква криза во тимот, дали играчите имале проблеми со тренинг, или не го сакаат тренерот/претседателот/менаџерот?

Други услови

На пример, ризикот за местење на натпревар. Дали има гласини дека натпреварот е наместен, односно дека резултатот е претходно договорен?

Мислете на новчаникот: управување со пари

Земете пенкало, калкулатор и почнете да пресметувате. Доколку сакате да добивате, за да продолжите да се обложувате, мора да имате контрола врз финансиите.

Ова значи дека мора да имате одреден буџет, треба да пресметате колку пари можете и колку сакате да вложите во обложување.

Најчесто се случува следново: играч става да речеме 500 денари на сметката на обложувалницата и ги поставува облог со сите пари. И што се случува? Доколку изгуби, тогаш е на нула. Доколку победи, најлесто се чуствува толку самоуверен што повторно ги става сите пари на еден натпревар. Оваа тактика е осудена на пропаст.  

Капитал

Прво, мора да пресметате колку капитал имате за обложување. Оваа сума е почетната точка. Ова е сумата која ја тргате настрана за обложување. Сума на пари која може да ја зголемите, но која и можете да си дозволите да ја изгубите.

Не е добро да ја ставите куќата под хипотека само за оваа сума биде повисока. Најдобро е да започнете со малку, па полека да го зголемувате износот со добивки. Потребно е трпение, но со тек на време можете да достигнете поголеми суми со кои ќе можете да се обложувате.

Е-новчаник?

Можете да управувате со капиталот на разни начини. Можете целата сума да ја уплатите на една обложувалница или да ја распределите на повеќе обложувалници. Но, доколку сумата е прилично голема, може да користите банкарска сметка или е-новчаник. Преку нив префрлувате пари во обложуваницата, и повлекувате.

Проблемот со ова е што може да имате високи надоместоци, па најдобро е да ја дознаете максималната сума на пари која може да ја чувате на сметката на обложувалницата која ја користите, па кога ќе ја достигнете таа сума, повлечете ги парите.

Најпознати е-новчаници се Skrill (Moneybookers) и Neteller.

Облози

Штом го одредите капиталот, треба да ја одредите големината на облозите. Основно правило е: Не ставајте висок облог на сингл! Но, колку точно треба да вложувате на облог? Треба да имате во предвид дека ќе имате успони и падови во обложувањето, понекогаш подолго време само падови. А вашите облози треба да бидат толку ниски за да вашиот капитал ги преживее овие падови, дури и ако траат подолг период.

Можете да бирате помеѓу обложување со иста сума или со различна сума.

Обложување со иста сума (најлесен начин)

Со овој вид на обложување, поставувате облози со иста сума. Оваа сума треба да биде ниска, на пример 2% од вкупниот капитал (да не е повеќе од 2-3%, за новите играчи дури и помалку,1%). Со други зборови, ако имате капитал од 10.000 денари и одлучивте да поставувате облози од 2%, тогаш, на секој облог мора да поставувате 200 денари. Со капитал од 1000 денари, влогот е 20 денари.

Треба да бидете свесни дека капиталот се менува со тек на време. Да се надеваме во плус, но некогаш може и да се намалува. Што да направите во врска со тоа?

Поставете си временски период, на пример еден месец. После еден месец, пресметајте колкав треба да биде новиот влог. Сеуште 2%-но сега со нов износ.

Предноста на обложување на иста сума е тоа што е едноставно. Играчот утврдува сума за облог, и ја користи само таа сума се додека не заврши поставениот временски период.

Обложување со различна сума или коефициенти (најдобар начин)

Со ова обложување користите различна сума за поставување облог или поставувате облог на различни коефициенти, или пак комбинација од двете.

„Обложување на различни коефициенти“-поставување помал влог на „несигурните облози“, односно на оние со повисоки коефициенти и поставување на поголем влог на „сигурните облози“, односно на оние со пониски коефициенти.

„Обложување на различна сума“- висока сума дава голем облог, ниска сума дава мал облог.

Не го препорачуваме ниту овој пристап.

Трета, и најдобр опција, е комбинација од двете, на пример, поставување поголема сума на пониски коефициенти, а помала сума на високи коефициенти.

Потенцијалната добиква е повисока отколку со обложување на иста сума. Доколку успеете да најдете формула која ќе ви одговара, тогаш ќе можете да ги оптимизирате вашите добивки во однос на обложувањето со иста сума.

Сметководство

Сега имате контрола врз вашиот капитал и вашите облози. И се обложувате само на виски вредности. Така? Или пак не?

Имате ли преглед на вашите игри и промени? Може да победувате во едно, а да губите на друго.

Решението е да водите евиденција. Па на тој начин ќе имате увид колку пари сте потрошиле на обложување, и да го проверете вашиот капитал и висината на влогот. Но исто така ќе имате преглед на областите на кои се обложувате и ќе видете дали е потребно да престанете со обложување на одреден спорт/настан.

Доколку секогаш губите во обложување на Англиски фудбал- тоа е затоа што не сте доволно добри во тоа, или поради експертите кои ги слушате. Но можете да станете подобри, со почесто истражување или пак престанете со обложување на Англиски фудбал.

Обложувалници, берза (exchange) обложувалници и споредба на коефициенти

Конкурентноста е добра за корисниците: овозможува подобри цени и пошироки понуди. Поради големата конкуренција, обложувалниците се приморани да го зголемуваат процентот на теоретска исплата.

Процентот на теоретска исплата може да се види од коефициентите. Со теоретска исплата од 100%, коефициентите за тениски натпревар се сметаат за еднакво добри 2.00-2.00, односно има веројатност од 50-50. Со теоретска исплата од 90%, коефициентите ќе бидат 1.80-1.80.

Странски обложувалници: подобри коефициенти

Повеќето обложувалници нудат обложување на сингл натпревари како почетна точка и висока исплата во некои делови, а пониска во други. Некаде, теоретскиот процент на исплата може да биде висок, пример 98%, а во други делови (обично за инфериорните лиги, односно помалку популарните) може да биде под 90%.

Затоа, се препорачува да проверите колкав е процентот на теоретска исплата кога отварате корисничка сметка.

Бонус

Еден аспект, кој не е толку важен е бонусот за нови корисници, односно бонусот кој го нуди обложувалницата за да привлече нови корисници…

Пред да се одлучите на која обложувалница ќе станете корисник, добро е да проверите и дали има бонуси, кои се условите за тие бонуси итн. Идеална ситуација е кога ќе најдете обложувалница што ги задоволува вашите потреби и сакате да ја користите, а исто така нуди и бонус, тоа ви е само плус.

Ако обложувалницата не е добра, не нуди тоа што барате, но има одличен бонус за нови корисници, размислете дали тој бонус е доволна причина за да отворите сметка.

Секој бонус има одредени услови за да го добиете, пример да се изигра толку и толку пати, минимален коефициент на кој може да се изигра итн. Со други зборови, добро прочитајте ги условите за бонус.

Лимит

Лимитите ги има кај сите онлајн обложувалници, но кај некои се премногу високи, а некои имаат пониски лимити.

Има општ лимит кој важи за сите играчи. Најчесто може да биде на помали спортови или инфериорни лиги, односно каде обложувалницата смета дека нема голема можност за проверка на коефициентите. Тогаш, обложувалницата ќе го намали ризикот од загуба со тоа што ќе го намали лимитот на добивка.

Тука се и личните лимити кој ги засега одредени корисници. Причината може да биде ако на пример обложувалницата го смета шаблонот на игра на корисникот за сомнителен. На пример, ако корисникот сака да ги искористи очигледните грешки, како печатна грешка, или задоцнување во ажурирањето на игра во живо (пример, гледате фудбалски натпревар и се обложувате, едниот тим постигнува погодок, но коефициентот за погодок сеуште е повисок). Во овие случаи, обложувалниците според нивните правила може да ги откажат облозите, но ги нервира доколку корисникот се обиде да „ги измами“, и тоа може да доведе до неои рестрикции.

Може да имате лимит, доколку сте играч на Сигурен облог, односно се обидувате да ги искористите две обложувалници кои имаат голема разлика во коефициентите за да поставите облози на двете и да имате добивка без разлика на исходот на натпреварот.

И за крај, а одредени места, може да ви постават лимит доколку сте одличен и имате многу добивки (сепак треба да е прилично висок износот на добивките). Ова е фрустрирачки за корисниците, особено кога овие лимити се ниски.

Берза обложувалници

Доколку сакате да ги избегнете лимитите, можете да ги користите берза обложувалниците. Овде, коефициентите не се креираат од страна на обложувалницата, туку од вас и другите корисници.

Споредба на коефициенти

Имате голем избор на обложувалници и берза обложувалници, и со тоа имате можност да избирате, односно да ги најдете најдобрите коефициенти. Но како? Треба да ги проверувате сите една по една? За среќа, не. Можете да ги користите страните за споредба на коефициенти.

Отворање на корисничка сметка на обложувалница

За да отворите корисничка сметка, потребно е да имате 18 години. Уплатата се врши со дебитни картички, кредитни картички или банкарски трансфер. Исто така, можете да користите и е-новчаник како Neteller.

Сигурност

Повеќето обложувалници се веродостојни, зависат од нивната репутација од довербата која ја имаат во нив нивните корисници.

Кој е ризикот? Доколку компанијата банкротира, може да ги изгубите парите кои сте ги имале на вашата сметка. Ова може да го избегнете со тоа што ќе бидете во тек со тоа што се случува со компанијата, дали е стабилна, сигурна, каде е регистрирана. На многу места, како на пример Малта или Англија, надлежните органи имаат голем број на барања и услови кои треба да ги исполнува една обложувалница, влучувајќи ги и парите на корисниците. Но не е вака кај компаниите регистрирани на некои поегзотични места.

Исто така, обидете се да не оставате многу пари на вашата сметка.

Друг страв помеѓу корисниците е безбедноста на податоците: дали е безбедно да ги дадете податоците од кредитната картичка? Најчесто, да. Само бидете сигурни дека не отварате сметка во некоја лажна компанија, за која никој не ни слушнал.

Документација

Често се случува да треба да испратите разни документи за идентификација на обложувалницата. Некои обложувалници бараат документација кога отварате корисничка сметка, некои кога вршите прва уплата, а некои при подигнување на средства од сметката.

Секоја обложувалница има различни начини за идентификација, копија од пасош, дебитна картичка, осигурителна картичка, извод од банка итн. 

Главната причина позади целата оваа процедура е да се обезбеди безбедност и да се заштитат корисниците, а и обложувалниците. Ниту една обложувалница нема корист доколку некоја корисничка сметка е злоупотребена, на пример преку украдена кредитна картичка или детали од банкарска сметка, или да исплаќаат пари на погрешен примател.

Кога една обложувалница бара документи за идентификација при исплата, тоа е за да се осигура дека лицето на кое исплаќаат е истото лице кое ја отворило сметката и уплатило пари.

Имајте во предвид дека кога праќате извод од банка, на пример, можете да ги покриете непотребните делови, односно да се гледаат само името на корисникот, адресата и името на банката. Другите информации не им се потребни. Кога пак испраќате копија од картичка, може да ги покриете дел од бројот на картичката. Всушност, на обложувалниците им се потребни само првите и последните 4 цифри.

Не верувајте во Дедо Мраз: пазете се од паметните системи

Во средниот век имало теорија дека вистинската направа и точната формула можат да произведат злато. Науката се викала алхемија, а оптимистите кои се обиделе да создадат злато се викале алхемичари…

Во обложувањето има некоја сличност со алхемијата-идејата дека правиот систем може да донесе сигурна заработка. Треба само да го најдете правиот систем, да го исклучите мозокот, да уклучите автоматско управување, да се потпрете и да гледате како заработката сама си доаѓа. Заборавете го тоа. Таков систем не постои.

Престанете со потрагата по системот кој носи сигурна победа. Не постои, без разлика дали се вика Казино систем, Мартинггејл систем итн. Тие не гарантираат ништо.

Играј само сингл облози

Во суштина тоа е препорачливо, да се игра на сингл (односно еден натпревар на тикетот) и да се избегнуваат двојни (дупли) и други мулти облози. Ако сте корисник со одреден лимит наметнат од обложувалницата тогаш треба да играте мулти облози.

Влијание врз исплатата

Мулти облозите не се толку лоша работа. Може да имаат позитивно и негативно влијание врз вредноста на облогот. Во случај облогот да нема висока вредност, ќе ја намали вредноста. Во случај на облог со повисока вредност, ќе ја зголеми.

Пример:

Челзи-Виган имаат 90% вредност на облог. Бетис-Осасуна имаат 105%. Њукасл-Тотенхем имаат 102%.

Доколку ги играте само Бетис-Осасуна, ќе имате позитивен облог, односно облог со повисока вредност, но ако ги додадете Челзи-Виган, тогаш се намалува вредноста (90% x 105% = 94.5%). Од друга страна, ако ги комбинирате Бетис со Њукасл, вредноста ќе се зголеми: 105% x 102% = 107%

Тешко е да најдете доволно настани

Од гледна точна на вредност на облог, мулти облозите се супер. Но, проблемот е да се најдат доволно настани со повисока вредност. Во спротивно, ризикувате еден настан кој нема повисока вредност да ја намали вредноста на целиот тикет.

Мулти облог и управување со пари

Друга работа која треба да се земе во предвид е управувањето со пари. Дури и ако мулти облогот се состои само од облози со висока вредност и на тој начин се предвидува повисока вредност, тоа не значи дека тоа е правилна игра, во однос на управувањето со пари.

Повеќе натпревари на тикет нудат повисоки коефициенти и на тој начин поголема добивка. Сепак, тие коефициенти е подобро да се изиграат на сингл тикет, освен ако вредноста на облогот е толку висока што вреди да се изигра на мулти тикет.

Мулти облози како оружје против лимити

Ако сте добар во пронаоѓање на облози со високи вредности, и доволно дисциплиниран да не поставувате облог кога вредноста е негативна, можете да се почестите со мулти тикет од време на време. Всушност, препорачуваме да го правите тоа.

Многу обложувалници поставуваат лични лимити за одредени корисници, и тоа е најчесто поради шаблон на игра од страна на корисникот. Ако секогаш играте облози со висока вредност и сингл облози, вие сте ризик за обложувалницата и може да ви постават лимит.

Но ако понекогаш изиграте дупли, тогаш отстапувате од шаблонот и изгледате помалку сомнителни. Со други зборови: играјте сингл како почетна точка, и играјте мулти од време на време.