Веројатно оваа Група А е една од најнеатрактивните на Светското Првенство во Русија. Сепак, тоа не значи дека нема да гледаме интересни натпревари. Освен тоа, речиси сигурно е дека ќе следиме тесна битка за втората позиција на табелата а ние во оваа група го очекуваме и првото изненадување.
Единствена предност за Русија е домашниот терен
Русија ќе ја има поддршката од домашните навивачи на Светскиот куп оваа година, но нема гаранција дека домаќините ќе успеат да стигнат до втората фаза. Нивната неодамнешна историја не гарантира успех, а ниту моменталната форма на репрезентацијата. Русија не успеа да ја помине групната фаза во сите три настапи од 1994 година.
Овој “најнов” тим на Русија не беше убедлив ниту во последните две години кога се спремаше за Мундијалот. На Купот на Конфедерации минатото лето, повторно разочара и не ја помина групата, а нема победа на последните 7 пријателски натпревари.
Во тимот на Станислав Черчесов, напаѓачот Федор Смолов и плејмејкерот Алексеј Миранчук се клучни во нивните шанси за прогресија, но дури и во релативно слаба група, Русија е далеку од сгурна дека ќе стигне до вториот круг.
Уругвај има и квалитет и искуство
Уругвај има одлично педигре од Светските првенства, а двократните победници изгледаат како да имаат многу лесен пат до вториот круг. Јужноамериканците повторно се предводени од искусниот тренер Оскар Табарез кој ги водеше до четвртото место во 2010 година. Уругвај ќе се надева дека ќе оди подалеку од пред четири години, кога тие беа елиминирани од Колумбија во нокаут рундата.
Овој тим е благословен со неколку играчи од светска класа и има толку многу искуство со што може да се очекува многу на Мундијалот. Нападот им е најмоќна линија со Луис Суарез и Единсон Кавани. Во одбраната командува извонредниот дефанзивец Диего Годин, додека во средината ја имаат една од најгоемите млади ѕвезди или таленти, Бентакур. Во квалификациите се се пласираа на второто место пред Аргентина, па не попусто Уругвај ќе се смета за фаворит во групата А.
Во Египет се зависи од Салах
Египет се појавува само трет пат на едно Светско првенство или прв пат од 1990 година, но за фараоните тоа не би требало да биде хендикеп.
Несомнено, се во оваа репрезентација ќе зависи од фитнесот на Мохамед Салах кој сеуште се опоравува од повредата на рамото здобиена во финалето на ЛШ. Салах, кој постигна 44 гола за својот клуб оваа сезона, сепак се очекува да одигра барем два меча од групната фаза, а неговиот настап ќе биде од клучно значење за шансите на Египет.
Поранешниот тренер на Интер и Валенсија, Хектор Купер, од 2015 година е предводник на селекцијата. Од тогаш тој и помогна да се изгради тим со посебен фокус на одбранбената цврстина. Минатогодишните финалисти од Купот на нации во Африка сигурно нема да бидат лесни противници. Веројатно дуелот против Русија ќе биде клучен за прогрес во елиминациската фаза.
Саудиска Арабија веројатно нема да напредува
Саудиска Арабија е еден од најголемите аутсајдери на турнирот и речиси и да нема шанси за прогерс, без разлика што игра во лесна група. Нивното најдобро достигнување на Светските Првенства бешекога стигна до 1/16 во 1994 година. Сепак шпанскиот селектор на клупата на оваа селекција Пизи прави добра работа со тимот. И покрај трите порази во подготовките, Саудиска Арабиба одигр солидни мечеви со Италија и Германија од кои загубисо по 2:1. Токму тие дуели даваат барем некаква надеж за можно изненадување.
Дуелот Русија – Египет ќе одлучува за второто место
Уругвај е јасен фаворит во групата А. Речиси сите сегменти на фудбалската игра, па дури и на традицијата се на нивна страна. Токму затоа тие се фаворити според букмејкерите за пласман во следната фаза со коефициент 1.15. Русија според букмејкерите е втор фаворит со коефициент 1.36. Сепак, за второто место веројатно ќе одлучува дуелот Русија – Египет, а ние им даваме предност на фараоните за кои коефициентот е 2.60. Саудиска Арабија има коефициент 8.00.
Наш предлог:
Be the first to comment