НАЈАВА МУНДИЈАЛ: Панама – симпатичниот дебитант кој со голем стил пристигна во Русија

јуни 11, 2018 Petar K. Светско Првенство - Мундијал во Русија 2018

Од 14-ти јуни до 15-ти јули фудбалот ќе биде главна тема во целиот свет, а се останато ќе биде споредно. Мундијалот се враќа на Стариот континет и ќе се одржи во Русија, поточно на 12 стадиони во 11 градови.

Натпреварите во групната фаза на Мундијалот 2018 ќе се играат од 14:00, 16:00, 17:00 и 20:00 часот по македонско време, а ќе има и еден кој ќе започнува од 12:00 часот.

Како што знаете нашата редакција секој ден ви претставува „лична карта“ на по една репрезентација. Моментално сме во Групата Г и ќе ви ја преставиме последната селекција од оваа група која воедно важи и за аутсајдер – Панама.

ПАНАМА

Селекцијата на Панама јасно е аутсајтер во група со Тунис, Англија и Белгија. Оваа селекција е вториот дебитант на Мундијалот (после Исланд), но за разлика од Исланѓаните се многу послабо рангирани на ФИФА ранг листата, на 55-тата позиција, Исланд се наоѓа на 33 места пред нив (22).

Мундијалот оваа селекција ќе го стартува на 18 јуни и тоа против силната Белгија која во својот состав има голем број ѕвезди. После Белгија ги очекува уште еден исклучително тежок натпревар против „Гордиот Албион“, а за крај на групната фаза ќе се сретнат со Тунис кој исто така е фаворит во овој натпревар.

Панама место на Мундијалот обезбеди преку КОНКАКАФ зоната каде што завршија на третата позиција пред Хондурас, САД и Тринидад и Тобаго, а зад Мексико и Костарика. Остварија учинок од три победи, четири нерешни и три порази со гол разлика 9 (постигнати) 10 (примени) погодоци.

Панамците на Мундијалот ќе настапат во гарнитура дизајнирана од компанијата „Њу Баланс“.

Селекторот Хернан Диего Гомез како и останатите колеги го објави официјалниот список на играчи на кои ќе смета на Мундијалот. Во репрезентацијата најмногу се очекува од капитенот, Роман Торес.