НАЈАВА МУНДИЈАЛ: Швајцарија – Селекцијата на „странци“ може да биде изненадување на СП

Од 14-ти јуни до 15-ти јули фудбалот ќе биде главна тема во целиот свет, а се останато ќе биде споредно. Мундијалот се враќа на Стариот континет и ќе се одржи во Русија, поточно на 12 стадиони во 11 градови.

Натпреварите во групната фаза на Мундијалот 2018 ќе се играат од 14:00, 16:00, 17:00 и 20:00 часот по македонско време, а ќе има и еден кој ќе започнува од 12:00 часот.

Како што знаете нашата редакција секој ден ви претставува „лична карта“ на по една репрезентација. Моментално сме во Групата Е и ќе ви ја претставиме Швајцарија.

ШВАЈЦАРИЈА

Швајцарската репрезентација е сместена во Групата Е заедно со репезентациите на Бразил, Србија и Коста Рика.

Ова за Швајцарија ќе биде 10-то учество на Светските првенства, па иако високо котира на ФИФА ранг листата (6-то место), сепак не и се даваат големи шанси за позначаен успех во Русија.

Швајцарците визата за Русија ја обезбедија преку бараж, откако квалификациите ги завршија како втори во групата Б со исти бодови како Португалија. Во баражот ја добија Северна Ирска и доволен беше еден гол во гости за пласман во Русија.

Швајцарците во првиот натпревар го играат дербито со Бразил на 17-ти јуни во Ростов. На 22-ри јуни го играат најважниот меч во групата против Србија во Калининград, а на 27-ми ќе ги одмерат силите со Коста Рика.

Швајцарија уште ја нарекуваат и „репрезентација на светот“, бидејќи во својот тим имаат натурализирани играчи од целиот свет, а меѓу нив и двајца Македонци.

Првиот е Блерим Џемаили кој е роден на 12 април 1986 година во Тетово. Како многу мал ја напуштил Македонија и родното Боговиње, и се иселил во Швајцарија заедно со своето семејство. Фудбалската кариера ја започнал во младинските екипи на нисколигашите во Швајцарија.

Покрај Џемаили во швајцарската репрезентација настапува и Адмир Мехмеди кој е роден во Гостивар, како многу други „Балканци“, како Гранит Џака, Џевдат Шаќири, Харис Сеферовиќ…

Швајцарците во Русија ќе играат во дресови изработени од „Пума“ во традиционалната црвена боја. Втората гарнитура е во бела боја со црвени детали.

Селекторот Владимир Петковиќ ги објавил конечниот список од 23-та фудбалери кои ќе патуваат на Мундијалот, па ќе ви го прикажеме поширокиот список.

Голмани: Роман Бурки (Дортмунд), Грегор Кобел (Хофенхајм), Ив Мвого (Лајпциг), Јан Зомер (Менхенгладбах)

Одбрана: Мануел Аканџи (Дортмунд), Јохан Џуру (Анталија), Нико Елведи (Менхенгладбах), Михаел Ланг (Базел), Стефан Лихштајнер (Јувентус), Жак Франсоа Мубанѓе (Тулуз), Рикардо Родригез (Милан), Фабијан Шер (Депортиво), Силван Видмер (Удинезе)

Среден ред: Валон Бехрами (Удинезе), Блерим Џемаили (Болоња), Едмилсон Фернандес (Вест Хем), Желсон Фернандес (Ајнтрахт), Ремо Фројлер (Аталанта), Џердан Шаќири (Стоук), Гранит Џака (Арсенал), Денис Закарија (Менхенгладбах), Стивен Зубер (Хофенхајм)

Напад: Брил Емболо (Шалке), Харис Сеферовиќ (Бенфика), Јосип Дрмиќ (Менхенгладбах), Марио Гавриновиќ (Динамо Загреб).

Обложувалницата Coinbet24 веќе ги има коефициентите за сите натпревари од групната фаза.

Швајцарија е аутсајдер против Бразил. Коефициентот за победа во Coinbet24 изнесува 8.20 за реми 4.74, додека за победа на „кариоките“ коефициентот е 1.39.

Се очекува израмнет натпревар протов Србија. Коефициентот за победа во Coinbet24 изнесува 2.56 за реми 3.20 додека за победа на нашиот сосед коефициентот е 2.86.

Во последниот меч Швајцарија е фаворит против Коста Рика. Коефициентот за победа во Coinbet24 изнесува 1.88 за реми 3.45 додека за победа на Коста Рика коефициентот е 4.35.

Be the first to comment

Leave a Reply

Your email address will not be published.


*