Шпанија и Португалија се фаворити во оваа Група Б. Сепак против себе ќе имаат две селекции кои играат извонредно во одбраната Мароко и Иран. Ако мора да избереме едно изненадување на Светското Првенство, би го избрале Мароко кој може да биде нагазна мина за еден од фаворитите.
Шпанија оди по златото во Русија
Шпанија е еден од главните фаворити на Светското Првенство. Шпанија игра неверојатно добро, но како сите да го заборавија последниот мундијал во 2014 година. Тогаш Шпанија на првиот меч доживеа дебакл од Холандија од 1:5 и не ја помина групата. Сега фуријата ќе сака финале, а според многумина патот до таму им е отворен.
Имаат одлична квалификациска кампања, добар и искусен менаџер, силни почетни 11, многу опции на клупата, мешавина на младост и искуство. Уште поважно кога се знае дека играчите како Серхио Рамос, Џерард Пике, Давид Силва и Андрес Иниеста беа дел од три големи победи на Мундијалите во 2010, 2012 и 2014 година.
Ако постои една област што може да биде загрижувачка, таа е Диего Коста кој знае или да се повреди или да наседне и да биде казнњт поради дисциплински причини. Алваро Мората беше изоставен, што значи дека двете природни замени за Коста се Аспас и Родриго кои немаат меѓународно искуство. Сепак, талентите на Реал Мадрид, Марко Асенсио и Лукас Васкез, можат да играат напред ако навистина тоа е потребно. Друга опција е воопшто да не се игра со напаѓач. Тоа им одеше одлично кога победија на Евро 2012.
Португалија тешко дека ќе може да стигне далеку
Никој не очекува Португалија да дојде блиску до нивниот последен успех на Евро 2016 година кога станаа европски шампиони. Но, ниту тогаш никој не го очекуваше тоа од нив. Тие тргнаа по неверојатни патгеки на тоа првенство, имаа лесен пат до финалето, добија два гола во екстра време и имаа среќа во изведување на пенали. Малку е веројатно дека толку среќа ќе имаат и во Русија.
Но, секој ќе има многу почит кон нив. Не само поради тоа што се актуелни европски шампиони, туку поради големиот менаџер на клупата Фернандо Сантос и поради фактот што само уште неколку сеекции можат да се натпреваруваат со Португалија во однос на техничките способности.
Ах да, тие исто така го имаат и Кристијано Роналдо кој постигна повеќе од 50 гола оваа сезона за својот клуб и земја и не покажува знаци на слабост. Доколку Роналдо продолжи со добрата форма и на ова Светско Првенство, тогаш сите опции ќе бидат во игра.
Мароко може да биде нагазна мина
Мароко под водство на францускиот стратег Ренард игра неверојатно добро. Во буквална смисла се прошета во квалификациите и тоа во најтешката група во Африка со Брег на Слонова Коска, Габон и Мали. Мароко има одлични фудбалери во сите линии, но најдобар дел на тимот е одбраната. Во квалификациите Мароко не прими ниту еден гол на шесте натпревари, а тоа само по себе говори за цврстината на последната линија. Бенатија е вистински командант. До него е Саинс од Сандерленд, а на крилата во одбраната се Хакими од Барселона и Дирар од Фенербахче.
Ако на овие се додаде и младиот талент од Шалке Харит, Белханда во средината и Амбарат и Зијех во нападот, може да се каже дека селекцијата на Ерве Ренард ќе ги вознемири противниците ова лето.
Иран ја копира Грција
Дали Иран е новата Грција? Десетте натпревари без примен гол, само пет примени голови во 18 квалификациски натпревари и без порази во овие 18 натпревари сугерираат дека нивниот играчки план ќе биде многу сличен на грчкиот.
Слекторот Карлос Квироз учеше од сер Алекс Фергусон, беше кратко менаџер на Реал Мадрид и е поранешен селектор на Португалија, па тоа е уште еден голем плус за Иран.
Тие ќе играат дефанзивно, ќе се обидат да ги фрустрираат своите противници со спора игра, со додавања во дефанзивата, со тешко трчање. Сепак, играњето на 0:0 е секогаш оптоварено со опасност и е меч со две острици.
Наш предлог:
Во следната фаза оди Шпанија @ 1.07 во 10Bet
Во следната фаза оди Португалија @ 1.20 во 10Bet
За похрабрите:
Be the first to comment