Од 14-ти јуни до 15-ти јули фудбалот ќе биде главна тема во целиот свет, а се останато ќе биде споредно. Мундијалот се враќа на Стариот континет и ќе се одржи во Русија, поточно на 12 стадиони во 11 градови.
Натпреварите во групната фаза на Мундијалот 2018 ќе се играат од 14:00, 16:00, 17:00 и 20:00 часот по македонско време, а ќе има и еден кој ќе започнува од 12:00 часот.
Како што знаете нашата редакција секој ден ви претставува „лична карта“ на по една репрезентација. Откако завршивме со репрезентациите во групите „А“ и „Б“, денес стартуваме со групата „Ц“. Прва од оваа група е репрезентација која важи за еден од главните фаворити на овој Мундијал – Франција!
ФРАНЦИЈА
„Галските петли“ како што кажавме се сместени во групата „Ц“ каде и што јасно покрај Перу, Австралија и Данаска се апсолутен фаворит за првото место.
Французите својот пат на Мундиајлот го започнуваат на 16 јуни кога ги очекува натпревар против Австралија, пет дена подоцна на 21 јуни ќе се сретнат против селекцијата на Перу, а натпреварите во групната фаза ќе ги затворат со натпреварот против Данска.
Оваа селекција во својата историја забележала 14 настапи на светските првенства, а само еднаш успеале да стигнат до толку посакуваниот трофеј и тоа на Мундијалот во 1998 година, во 2006 година беа поразени од Италија во финалето. Во овој момент селекцијата предводена од Дидие Дешам се наоѓа на седмото место на ФИФА ранг листата.
Французите на Мундијалот се квалифкуваа од група во која беа фаворити. Беа сместени во група со Шведска, Холандија, Бугарија, Луксембург и Белурсија. Квалификациите очекувано ги завршија како првопласирани во групата со само еден пораз, седум победи и две нерешени средби, пред Шведска (се пласираше на Мундијалот во баражот против Италија). Интересно е што и покрај тоа што имаат фантастичен напад тие беа дури трета репрезентација по постигнати голови (18), зад Шведска (26) и Холандија(24) која не се пласираше во Русија.
Еден од првите фаворити за трофејот на овој Мундијал ќе настапува во гарнитура дизајнирана од „Најк“ која одлично си заврши работата.
Дешам веќе го објави официјалниот состав со кој неговата селекција ќе настапува на овој Мундијал, а без шанса за настап во Русија останаа голем број на фантастични фудбалери. Во продолжение погледнете го конечниот список на играчи на „Галските петли“.
ГОЛМАНИ:
Уго Лорис (Тотенхем)
Стив Манданда (Марсеј)
Алфонс Ареола (Пари Сент Жермен)
ДЕФАНЗИВЦИ:
Преснел Киммбеме (Пари Сент Жермен)
Рафаел Варан (Реал Мадрид)
Самуел Умтити (Барселона)
Џибрил Сидибе (Монако)
Лукас Ернандес (Атлетико Мадрид)
Бенџамин Павар (Штутгарт)
Адил Рами (Марсеј)
Бенџамин Менди (Манчестер Сити)
СРЕДЕН РЕД:
Пол Погба (Манчестер Јунајтед)
Тома Лемар (Монако)
Корентан Толисо (Баерн Минхен)
Нголо Канте (Челзи)
Блас Матуиди (Јувентус)
Стивен Нзонзи (Севиља)
НАПАД:
Флоран Тован (Марсеј)
Оливие Жиру (Челзи)
Антоан Гризман (Атлетико Мадрид)
Килиан Мбапе (Пари Сент Жермен)
Усман Дембеле (Барселона)
Набил Фекир (Лион)
Обложувалницата Coinbet24 веќе ги има коефициентите за сите натпревари во групата фаза, па очекувано Франција е фаворит во трете меча.
Во Coinbet24 коефициентот за победа на „триколорите“ над Австралија изнесува 1.23 за реми 6.10 додека за победа на „кенгурите“ коефициентот е 13.40.
Во вториот натпревар против Перу коефициентот во Coinbet24 за победа на Франција изнесува 1.35 за реми 4.80, а за победа на Перу коефициентот изнесува 9.70.
Најизрамнет се очекува да биде третиот меч против Данска. Коефициентот за победа на Франција во Coinbet24 изнесува 1.71 за реми 3.50 додека за победа на Данска коефициентот е 5.40
Be the first to comment