Светско Првенство 2026: Група А – Мексико, Чешка, Јужна Кореја, Јужна Африка

Групата А на овој Мундијал дефинитивно ќе ни донесе интересни дуели. Тука ќе имаме „судир“ на латино – американска креативност, африканската физичка спремност, како и азиска дисциплинираност и организација. Чешка и Мексико важат фаворити во оваа група, но останатите две селекции во никој случај не смееме да ги отпишеме.

Мексико

Селекцијата на Мексико на овој Мундијал влегува како прва земја која три пати била домаќин на СП. Стилот по кој се препознава Мексико е техничка прецизност, но и брзи транзиции, а во последно време бележат тактичка зрелост.

Чешка

Чесите имаат цврста организација на теренот, а и традиционално играат дефанзивно, но се доста успешни во поглед на контра – нападот. Сите овие елементи, Чешка ја прават да биде незгоден противник за секоја селекција. Во моментов оваа репрезентација е комбинација на искусни играчи и нова генерација таленти.

Јужна Кореја

Јужна Кореја е селекција која е позната по дисциплината, брзата тактичка организираност, а во моментов играат модерен и динамичен фудбал. Имаат искусни играчи од европските лиги, па на овој Мундијал не смеат да бидат потценети.

Јужна Африка

После 16 години „пост“, со огромна самодоверба на светската фудбалска сцена ќе настапи селекцијата на Јужна Африка. Тоа е тим кој игра со висок интензитет и цврста одбрана, а кај нив дефинитивно во моментов владее колективен дух.