VPN е скратеница за Virtual Private Network и тоа е сервис кој обезбедува безбедно пренасочување на твојот интернет кон друг сервер.
Со користењето на VPN се сокрива вистинската IP адреса и како што кажавме се пренасочува кон друг сервер, па со тоа се добива впечаток дека вие сте во друга земја, поточно земја од која што сте ја избрале од каде што доаѓа серверот.
VPN е апликација која ја инсталирате на вашиот смартфон или компјутер и таа апликација ви нуди различни земји – сервери, па кога ќе изберете земја, се прикажува дека вашата IP адреса доаѓа од таму, а не од каде што всушност сте.
Треба да се нагласи дека VPN апликациите обично се платени, но имате и бесплатни верзии кои се ограничени на само неколку земји, а доколку сакате да го отклучите целиот потенцијал на ВПН апликацијата ќе мора да платите претплата која е неделна, месечна или годишна во зависност од софтверот.
Исто така со користењето на VPN се зголемува и приватноста, особено ако користите јавни Wi-Fi мрежи.
Каква е поврзаноста на спортското обложување со VPN сервисот?
На ова прашање ќе ви дадеме еден пример кој ќе ви објасни зошто љубителите на спортско обложување треба да користат VPN.
Многу страни за обложување се блокирани во одредени земји и со домашните IP адреси не можете да пристапете директно, па ако користите VPN со друга земја, таа обложувалница си функционира нормално и без ограничување.
Како да изберете добар VPN сервис?
Мора да признаеме дека конкуренцијата на ВПН сервисите е огромна и за тоа треба многу истражување. Според нашето истражување во продолжение ние ќе ви дадеме неколку предлози за VPN сервиси кои може безбедно да ги користите и да ги користите за да пристапите на онлајн обложувалници.
Топ 3 VPN за спортско обложување
Доколку одлучите да користите VPN за обложување, накратко ќе ви напишеме неколку сервиси, па крајниот избор нека биде ваш, а бидете сигурни дека кој сервис и да го одберете нема да погрешите.
Proton VPN
Proton VPN е сервис кој е развиен од Proton AG компанијата која е со седиште во Швајцарија. Самото тоа зборува дека станува збор за сервис кој е стабилен бидејќи доаѓа од земја каде што има строги закони.
Во однос на серверите, Proton има 13.800+ сервери во 122 земји, па изборот е огромен и дефинитивно ќе ви биде максимално корисен.
Нивната ориентација е насочена кон приватноста и има no-logs-policy што значи дека не чува историја за тоа што правите вие онлајн. Располага со одлична брзина и максимална стабилност.
Исто така има и напредни опции како Kill Switch што значи дека ако ВПН падне автоматски се исклучува интернетот и нема вие да пристапите на страната од вашата IP адреса.
Во однос на претплатата, ProtonVPN нуди бесплатна верзија која е многу ограничена и со послаба брзина, но доколку ви треба за долгорочно ве советуваме да си купите Premium plan.
Nord VPN
NordVPN е еден од најпознатите сервиси за Virtual Private Network. Регистрирани се во Панама и добро е тоа што таму нема закон за задолжително чување на податоци, па вашето сурфање на интернет останува максимално анонимно.
Можат да се пофалат со одлична брзина и 6000 сервери распоредени во 60+ земји, а исто така треба да нагласиме дека користат и воена енкрипција (AES-256-bit).
Nord VPN не нуди бесплатна верзија, па ќе мора да платите за да ги користите услугите на овој софтвер.
Дополнителни напредни оцпии се:
- Threat Protection – блокирање на злонамерни вебсајтови
- Double VPN – интернет конекцијата се шифрира преку два сервери со цел поголема безбедност
- Onion over VPN – интеграција со Tor мрежата
Со еден збор, Nord VPN е професионален сервис кој е наменет за корисници кои сакаат стабилна, брза и безбедна интернет конекција.
Express VPN
Express VPN е еден од најбрзите на пазарот, а исто така ги поседува и сите други елементи за да се најде во нашата листа.
Многу обложувачи го користат овој сервис поради тоа што нудат максимална безбедност поточно AES-256-bit, а и автоматски избира најбрз сервер во моментот.
Ни доаѓа од Британските Девствени Острови и познато е дека оваа територија не е дел од надзорот на некои институции.
Доколку одлучите да користите ExpressVPN ќе имате можност да изберете еден од 3000+ сервери кои ни доаѓаат од 60 земји.
Express VPN може да се пофали и со технологијата Trusted Server, а тоа во превод значи дека серверите работат само во RAM меморијата, а не во хард дискот, па податоци не се запишуваат никаде.
Овде доколку купите премиум верзија и не сте задоволни, имате право на рефундација во следните 30 дена, па тоа го прави уште попривлечно за корисниците.
Заклучок
VPN сервисите ги елиминираат гео ограничувањата, поточно како што и погоре кажавме ако во одредена држава се забранети одредени страни за обложување, преку ВПН можете безбедно и анонимно да ги користите во целост.
Важно е да напоменеме дека бесплатните верзии на VPN не ги нудат сите овие функции, па доколку одлучите да користите најдобро е да платите премиум верзија.
ВПН на некој начин е твој штит кој ти дава пристап до блокирани веб страни, ти нуди приватност и безбедност.
