Последната група Ф на ЕУРО 2020 е шлагот на тортата. Дефинитивно оваа група го оправдува епитетот Група на смртта. Има три селекции кои на ЕУРО одат со една цел – злато и тоа Франција, Германија и Португалија и еден голем аутсајдер, Унгарија.
Кога во иста група се селекции како Франција, Германија и Португалија, тоа е исто како да следиме полуфинале. Добро за нив е тоа што сега форматот е променет и во следната фаза ќе патуваат четири најдобро третопласирани селекции, па можеби во следната фаза ќе се најдат сите три.
Унгарија немаше среќа на жрепката. Имаат солиден тим, но во оваа група немаат шанси. Ако Унгарија обезбеди пласман понатаму, тоа ќе биде светско чудо.
Откако го освои Светското првенство пред три години, Дешамп има на располагање вистинско богатството и мораше да изостави голем број на фудбалски ѕвезди вклучувајќи ги Ферланд Менди од Реал Мадрид и Тангуј Ндомбеле од Тотенхем. Франција сака да ги обедини двете титули и има одлична можност за тоа. Дешамп има фудбалери со кои што може да состави два тима и со двата да атакува на златото. Франција е фаворит број еден на шампионатот и јас очекувам дека тие ќе ја минат групата, а веројатно ќе бидат и лидери.
Актуелниот шампион Португалија пак, има значително посилен состав отколку што имаше при подигнувањето на трофејот во 2016 година. Сепак, дали Португалија ќе има подобар тим ова лето, ќе зависи од способноста на селекторот Фернандо Сантос да ја пронајде хемијата на неговиот прв тим.
Иако Сантос е традиционален и конзервативен тренер и секогаш до сега знаел да отпише некое големо име од својот состав, тоа не се случи сега. Покажа знаци на олабавување и не отпиша ниту една ѕвезда иако знае дека ѕвездите не ги носат трофеите, па евентуален неуспех да се максимизира нападот на Кристијано Роналдо, Жоао Феликс, Диого Јота, Бернардо Силва и Бруно Фернандес би се окарактизирало како злосторство против фудбалот.
Германија има најголеми проблеми од овие три селекции во групата. Никој веќе не му верува на Јоаким Лев, веројатно не му веруваат ниту фудбалерите, а тоа е голем проблем за нив. Можеби најголема лекција за своите грешки научи од Македонија во месец Март, кога Германија загуби со 1:2. Веднаш се постави прашањето дали Лев ќе се присети на Мулер, или на другите кои што ги отпиша? Одговор на тоа прашање стигна брзо, со составот за ова првенство.
Сепак, “Фудбалот е игра во која на крајот секогаш победуваат германците” беше онаа легендарна изјава на Линекер. Германците секако одат на трофеј, секогаш тоа е така, но овој пат ќе имаат далеку потешка задача од предходните големи натпреварувања.
Коефициенти: Да биде прв Да се пласира понатаму
Франција 2.37 во 1хBet 1.12 во 1хBet
Германија 2.25 во 1хBet 1.08 во 1хBet
Унгарија 41.00 во 1хBet 4.50 во 1хBet
Португалија 4.50 во 1хBet 1.28 во 1хBet
