ЕУРО анализа: Хрватска – Шпанија, светскиот вицешампион или подмладената Црвена фурија

CRO vs ESP

Шпанија конечно заигра фудбал во третото коло од групната фаза, па сега сите очекуваат црвената фурија да продолжи во ист стил и во осминафиналната пресметка против светскиот вицешампион, Хрватска.

Во понеделник во првиот термин од 18:00 часот, овие две селекции на Паркен стадионот во Копенхаген ќе одлучат кој ќе биде патникот во следната фаза.

Луис Енрике трпи критики и покрај високата победа над Словачка

Шпанија заврши на втората позиција во групата Е што беше доволно за пласман во нокаут рундата во ова натпреварување. Тимот на Луис Енрике трпеше големи критики во Шпанија по првите два меча и ремијата со Шведска и Полска. Но кога беше најпотребно, о третото коло одиграа онака како и што се очекува од нив. Славеа убедливо со 5:0 против Словачка.

Стрелци беа Ајмерик Лапорте, Пабло Сарабија и Феран Торес, додека на Енрике му помогнаа и два автогола од словачките репрезентативци.

Шпанците лицитираат за освојување на четвртото Европско првенство, што ќе ја направи нацијата најуспешна во историјата на шампионатите. Тие се израмнети со три трофеи со Германија, откако триумфираа на првенствата во 1964, 2008 и 2012 година.

Но според игрите досега, тимот на Луис Енрике тешко дека ќе може да ја оствари целта. Енрике трпеше еден куп критики по изборот на фудбалери, особено што нема фудбалери кои до пред ова првенство беа носители на играта, нема фудбалер со големо искуство, а тоа е многу значајно за вакви натпреварувања. Токму неискуството ќе биде најголема пречка за нив во овие елиминациски натпревари. АКо имаше Шпанија шанси за оправен во групната фаза, сега шанси за поправен нема.

Светскиот вицешампион со тешка задача

Хрватска ја започна својата мисија во групата Д со пораз од Англија со 1:0 на 13-ти јуни. Но финалистите од Светското првенство во 2018 година на крајот се изборија за минување на групата. Следеше реми со Чешка што беше уште едно разочарување за оваа селекција. Тоа ги остави во тешка позиција пред пресметката со Шкотска, но силниот перформанс од тимот на Златко Далиќ беше доволен за хрватите да слават со 3:1 во Глазгов, со головите Никола Власиќ, Лука Модриќ и Иван Перишиќ.

Победата на „Хемпден парк“ всушност сакаше Хрватска да се пласира пред Чешка на втората позиција во групата Д, што на крајот значеше тежок судир во осминафиналето против Шпанија.

И покрај силниот перформанс против Шкотска, тешко е да се замисли Хрватска како сериозен кандидат за трофејот без разлика што играа финале на минатото Светско првенство.

Се за ЕУРО 2021 на едно место, домаќини, групи, распоред, најава, анализа, очекувања, предлог типови, ковид протоколи, правила, рестрикции

Перишиќ позитивен на Ковид-19

Селекторот на репрезентацијата на Хрватска, Златко Далиќ ќе има сериозен проблем пред натпреварот со Шпанија затоа што нема да може да смета на услугите на еден од најдобрите фудбалери на „коцкестите“, Иван Перишиќ.

Фудбалерот на Интер доби позитивен тест на коронавирусот и ќе мора да се изолира во следните десет дена. Олеснителна околност по паниката во хрватскиот состав е што по позитивниот тест на Перишиќ веднаш беше спроведено вондредно тестирање на останатите хрватски репрезентативци, а тестовите од истото се негативни, па никој нема да мора да оди во изолација.

Иван Перишиќ досега постигна два гола на ЕУРО 2020 – во ремито 1:1 со Чешка и во победата над Шкотска со 3:1.

Прогноза:

Шпанија е фаворит според букмејкерите, но и според играчкиот кадар, амбициите … Единствено, двете селекции се тука некаде само според формата, која не е ветувачка ни за едните ни за другите. Дополнителен проблем за Хрватска е отсуството на Перишиќ з акого ЕУРО 2020 е завршено. Можеби единствената предност за хрватите е поголемото искуство на поединците во составот. Шпанија има еден куп млади и неискусни фудбалери и јасно е дека притисокот ќе биде врз нив, па прашање е како ќе се справат со него. Сепак, Шпанија и не е толку голем фаворит колку што укажуваат коефициентите кои се целосно на нивна страна.

ТИП: Хрватска – Шпанија – ГГ @ 2.11 во Bet365

Be the first to comment

Leave a Reply

Your email address will not be published.


*