Европско првенство 2020 или Еуро 2020 е турнир кој се одржува на секои четири години и е наменет за европските фудбалски машки репрезентации. Истото е организирано од страна на УЕФА и оваа година за прв пат ќе се одржи во повеќе, односно во 12 земји.

Еуро 2020 е закажано од 12-ти јуни до 12 јули 2020 година, ќе се натпреваруваат 24 репрезентации и за прв пат ќе биде пуштена во употреба ВАР технологија.

Историја на европско првенство

Овој турнир за прв пат се одржал во 1960 година во Франција. Во таа година во финале се сретнале Советскиот сојуз против Југославија каде што Советскиот сојуз се јавува како победник. Најпрво се натпреварувале 8 репрезентации, па потоа бројката се зголемува на 16 и веќе сега од ова Европско ќе гледаме 24 репрезентации.

Формат на Европско првенство

За да се стигне до главниот турнир од европското првенство најпрво се играат квалификации. Право на квалификации имаат 55 репрезентации, а само 24 продолжуваат во финалниот турнир.

Откако ќе се оформат конечните 24 репрезентации започнува ждребот каде што се извлекуваат 6 групи по 4 репрезентации.

После групната фаза следува и елиминациона фаза каде што репрезентациите се сретнуваат по однапред одредени правила.

Стадиони

Обично Европското првенство се закажува за една земја, но оваа година тоа ќе биде историја. Овој пат Еуро 2020 ќе биде одржано во 12 држави, односно ќе се игра во 12 градови.

Европско првенство

Распоред

Европската куќа на фудбалот (УЕФА) на состаноко во Киев го одреди распоредот на натпревари на Европското првенство (ЕП), кое во 2020 година според новиот проект за првпат во историјата ќе се игра низ повеќе земји и ќе учествуваат 24 репрезентации.

Фудбалскиот собир од стариот континент ќе се игра во 12 града – Рим, Баку (група А), Санкт Петерсбург, Копенхаген (група Б), Амстердам, Букурешт (група Ц), Лондон, Глазгов (група Д), Билбао, Даблин (група Е) и Минхен и Будимпешта (група Ф).

Секоја земја чиј град е домаќин ќе игра најмалку два меча на домашен терен. Групната фаза ќе се отвори на стадионот „Олимпико“ во Рим на 12-ти јуни, а дневно ќе се играат два до четири меча, се до 24-ти јуни.

Слободни денови ќе бидат 25-ти и 26-ти јуни, а потоа почнува нокаут-фазата. Осминафиналињата ќе се играат во Лондон, Амстердам, Билбао, Будимпешта, Копенхаген, Букурешт, Глазгов и Даблин, па потоа 1-ви и 2-ри јуни ќе бидат слободни денови, додека четвртфиналињата се во Санкт Петерсбург, Минхен, Баку и Рим.

Полуфиналињата и финалето ќе му припаднат на Лондон. Најдобрите четири репрезентации ќе играат на 7-ми и 8-ми јули, па следат три слободни дена – 9-ти, 10-ти и 11-ти јули, додека големото финале е закажано на 12-ти јули со почеток од 21.00 часот на стадионот „Вембли“.

ЕП 2020 распоред

Групна фаза

Натпреварите од групната фаза ќе се играат на следните стадиони:

Група А: Рим и Баку
Група Б: Ст Петерсбург и Копенхаген
Група Ц: Амстердам и Букурешт
Група Д: Лондон и Глазгов
Група Е: Билбао и Даблин
Група Ф: Минхен и Будимпешта

Елиминациона фаза

Групна фаза, 16-на финале, полуфинале и финалето се закажани за Лондон
Групна фаза и четврт финале се закажани за Минхен, Баку, Ст Петерсбург и Рим.
Групна фаза и 16-на финале ќе се играат во Копенхаген, Букурешт, Амстердам, Даблин, Билбао, Будимпешта и Глазгов.

Ждреб за Еуро 2020

Ждребот ќе се одржи на 30 ноември во 13:00 во Букурешт, Романија. Таму ќе бидат извлечени шест групи со по четири репрезентации.

Состави

Секој национален тим, односно секоја репрезентација има право да земе 23 играчи во својот состав, од кои 3 од нив треба да бидат голмани.

Маскота

УЕФА официјално ја претстави маскотата за Европското првенство кое ќе се игра во 2020 година.

Тоа се случи синоќа пред почетикот на квалификацискиот дуел помеѓу Холандија и Германија, кој се играше во Амстердам и заврши со победа на „панцирите“ од 3:2.

Маскотата ќе го носи името Скилзи ( од англискиот збор skills). За претставувањето беа претсвени фристајл мајстории на Лив Кук и Тобиас Бекс, кои ја забавуваа публиката во Амстердам

Повеќето од коментарите на социјалните мрежи се нагативни, на фановите не им се допаѓа ниту како изгледа Скилзи, ниту името на маскотата.

Билети за Еуро 2020

Како и за секое европско првенство, така и за ова ќе бидат овозможени билети за следење на натпреварите. Ние ве советуваме, доколку сакате да присуствувате на одреден натпревар, вашиот билет да си го купите од официјалната страна на УЕФА која е наменета за продажба на билети.

Најевтините билети се со цена од 30 евра и се за натпревари во Баку, Букурешт и Будимпешта. Најскапите ќе бидат билетите за финалето во Лондон, кои чинат од 85 до 945 евра.

Првата фаза од продажбата започнува онлајн на 12 јуни и ќе трае точно месец, во кој треба да бидат продадени 1,5 милиони билети, доколку има поголеми барања билетите ќе се продаваат по принцип на лотарија.

Европското првенство 2020 година ќе се игра во 12 различни градови, отворањето ќе биде во Рим на 12-ти јуни, а финалето ќе се игра во Лондон на 12-ти јули.

Фаворити

Иако квалификациите за Европското првенство не се завршени, обложувалницата на Bet365 веќе излезе со коефициенти за победник на Еуро 2020.

Уште сега, најголем фаворит е селекцијата на Франција со квота 4.50. На второто место е Англија со квота 5.50, додека Белгија, Шпанија и Германија го делат третото место со квота 8.00. Потоа следуваат Холандија со квота 10, Италија и Португалија со квота 17 и Хрватска со квота 26. Најголеми аутсајдери се селекциите на Азербејџан, Латвија, Малта, Фарски Острови, Литванија, Грузија, Молдавија, Лихтенштајн, Андора, Гибралтар и Сан Марино со коефициент 4501.