ЕУРО анализа: Чешка – Данска, дуел на двете изненадувања на првенството

CZE vs DEN

Двете изненадувања на ЕУРО 2020, Чешка и Данска во Баку во сабота од 18:00 часот, ќе бијат битка за пласман во полуфиналето на Европското Првенство.

Данска се пласираше во четвртфиналето благодарение на импресивната победа над Велс со 4:0, додека Чешка забележа изненадувачка победа од 2:0 против Холандија во осминафиналето на ЕУРО 2020.

Чешка потсетува на славните денови

Чешка имаше одличен почеток на својата мисија во групата Д, забележувајќи победа над Шкотска со 2:0 на 14-ти јуни, за по четири дена да и земе бод на Хрватска.

Избраниците на Јарослав Силхави загубија со 1:0 од Англија во нивниот последен натпревар во групата, што значеше пад на третото место зад Хрватска, со што добија тежок ривал во Холандија во осминафиналето.

Холандија беше самоуверена пред судирот во Будимпешта, но одличниот перформанс од Чешка беше неочекуван. Со головите на Томас Холс во 68-та минута и Патрик Шик во 80-та тие го направија едно од поголеите изненадувања на турнирот.

Чесите претходно во ова натпреварување биле вицешампион во 1996 година и исто така стигнаа до полуфиналето во 2004 година, но тие беа елиминирани во групната фаза на ЕУРО 2016.

Чешка, загуби само два од претходните 25 меча со Данска, иако пет од последните шест натпревари помеѓу двете репрезентации завршија нерешено.

Сепак, оваа Чешка на Силхави потсетува на онаа Чешка од минатата деценија во која беа играчи како Недвед, Поборски, Колер, Шмицер … а која сееше страв низ Европа. Долго време чекаа за повторен успех и ова првенство за нив е како остварување на сонот, или пак враќање во славното минато.

Се за ЕУРО 2021 на едно место, домаќини, групи, распоред, најава, анализа, очекувања, предлог типови, ковид протоколи, правила, рестрикции

Данска во се подобра форма

Данска го резервираше своето место во елиминациската фаза со тоа што заврши на второто место зад Белгија во групата Б и покрај тоа што загуби на два од трите меча.

Данците го загубија својот прв меч со 1:0 од Финска, но тоа беше неверојатно тежок натпревар за избраниците на Каспер Хјулманд, откако Кристијан Ериксен колабираше на теренот.

Данска загуби и од Белгија на 17-ти јуни, што ги остави во многу тешка позиција, но победата над Русија со 4:1 четири дена подоцна беше доволна за екипата да заврши на второто место со подобра гол разлика од Финска и Русија.

Екипата на Хјулманд одигра неверојатно во осминафиналето, забележувајќи победа од 4:0 над Велс во Амстердам, со одличниот Каспер Долберг кој погоди двапати. Ако се земе во предвид тоа што целосно ја надиграа Белгија во поразот од 2:1, па потоа беа одлични со Русија и лесно го елиминираа Велс, јасно е дека формата постојано оди во нагорна линија и е одлично темпирана пред оваа завршна фаза.

„Црвено-белите“ го освоија Европското првенство во 1992 година, но тие не беа во оваа фаза од натпреварувањето уште од 2004 година, бидејќи беа елиминирани во групните фази во 2012 година и всушност не успеаја да се пласираат на турнирот во 2008 и во 2016 година.

Прогноза

Данска е фаворит на овој меч. Оваа екипа која дотука стигна и со емоции играјќи за Кристијан Ериксен е во се подобра форма. Хјулманд одлично ја темпира формата на селекцијата и најави дека најдоброто следува на овој меч. Имаат фудбалери во најсилните европски лиги кои постојано играат силни и тешки натпревари и тоа е голема предност за нив. Чешка е цврста селекција и знае што прави на теренот. Важно им е да не примат гол и тоа го прават одлично. Ќе играат подефанзивно и на овој меч и свесно ќе им ја препуштат средината на данците. Но на тој начин славеа и против една Холандија која беше еден од фаворитите. Ќе биде тежок овој дуел за двете селекции, а ќе биде и крајно неизвесно.

ТИП: Чешка – Данска – ППХ @ 2.00 во Bet365

Чешка – Данска – Гостите да одат понатаму @ 1.57 во Bet365

Be the first to comment

Leave a Reply

Your email address will not be published.


*