ЕУРО анализа: Хрватска – Шкотска, само победникот ќе ја мине групната фаза

CRO vs SCO

Групата Д на ЕУРО 2020 е крајно интересна, а Хрватска и Шкотска се подготвуваат за вистинска битка на „Хампден парк“ во вторник. Меч од клучно значење за двете селекции. Меч кој мора да се добие за да се мине групата бидејќи нерешениот резултат ќе значи испаѓање и за двете селекции.

Хрватска досега разочара

„Коцкестите“ на минатиот меч со Чешка ремизираа 1:1 и тоа за нив беше вистински шок. На ЕУРО 2020 дојдоа како светски вицешампиони и беа убедени во минување на групната фаза, но сега зависат од последниот меч.

Избраниците на Златко Далиќ не можеа да се опорават од поразот од 1:0 од Англија во првото коло. Но тој пораз не смееше да ги растресе премногу.

Изразот на Дејан Ловрен кажува се за мечот со Чешка, бидејќи неговиот лакт кој заврши во Патрик Шик беше доволен за да се досуди пенал од ВАР. Според многумиња, раката на Ловрен била природно поставена и ВАР не смеел да досуди пенал. Среќа за хрватите што Перишиќ во една одлична соло акција во вториот дел постигна одличен гол за конечни 1:1. Се разбуди Хрватска во второто полувреме и имаше шанси и за победа, но будењето се случи доцна.

Математички е невозможно Хрватска да напредува како победник во групата, а победата на Англија над „Коцкестите“ на „Вембли“ значи дека фудбалерите на Далиќ мора да се надеваат дека Англија ќе им направат услуга против Чешка додека се обидуваат да ја совладаат Шкотска. Сепак, ако Хрватска победи, тогаш речиси сигурно без разлика на другиот дуел ќе биде една од четирите најдобро третопласирани селекции кои ќе се пласираат во следната фаза.

Се за ЕУРО 2021 на едно место, домаќини, групи, распоред, најава, анализа, очекувања, предлог типови, ковид протоколи, правила, рестрикции

Шкотите залетани најавуваат победа

Средбата на Шкотска со Англија во петокот вечерта заврши 0:0, а на крајот двете селекции беа задоволни. Веселата Тартан армија се радуваше на нивниот тим во главниот град на Англија, бидејќи мотивираната Шкотска ги спречи англичаните да слават победа во Лондон.

Избраниците на Стив Кларк имаа свои шанси, но не можеа никако до гол. Се покажа дека се задоволни со ремито, што е чудно по поразот од Чешка на првиот натпревар.

Сепак, со оглед дека Шкотска се уште го чека својот прв погодок на Европското првенство, избраниците на Кларк остануваат на дното со шансите за прогрес и мораат да се молат за исклучителни околности за да ги одржат своите надежи за минување на групната фаза.

Тимот на Кларк мора да најде напаѓачка инспирација, ако сака да го продолжи својот престој на турнирот. Сепак, тие се аутсајдери спротив Хрватска без разлика што се залетани во изјавите и најавуваат три бода.

Прогноза

Интересно, но историјата ги фаворизира Шкотланѓаните во овој натпревар, бидејќи Хрватска не успеа да победи на ниту еден од претходните пет средби со Шкотска, а двете неодамнешни пресметки меѓу селекциите во квалификациите за СП 2014, ги доби Шкотска со 0:1 и 2:0. Сепак, квалитетот е целосно на страна на Хрватска, која дефинитивно има тим за да ја помине групата. Можеби единствена предност на Шкотска покрај традицијата ќе биде домашниот терен во Глазгов.

ТИП: Хрватска – Шкотска – 1 @ 2.40 во Bet365

Be the first to comment

Leave a Reply

Your email address will not be published.


*