Во последната рунда на крајно неизвесната група Е на ЕУРО 2020, лидерите Шведска ќе бидат задоволни и со бод на дуелот во среда против Полска. Натпреварот се игра во Санкт Петербург.
Иако Швеѓаните ќе напредуваат ако избегнат пораз, нивните противници мораат да победат, откако освоија само бод од првите два натпревари.
Шведска сака реми, но и со пораз може во следната фаза
Шведска гарантирано ќе се пробие во нокаут фазата на Европско првенство за прв пат откако се пласираше во четврт-финалето пред 17 години, ако не загуби од Полска на стадионот Крестовски.
Сепак, доколку избраниците на Јане Андерсон загубат, а другиот натпревар – помеѓу Шпанија и Словачка – заврши нерешено, тие повторно би ја минале групата. Дури и во друг случај, тие со четири бода многу веројатно ќе бидат меѓу најдобрите четири третопласирани селекции. Едноставно, се е наклонето кон нивни пласман во следната фаза.
А не импресионираа досега. Против Шпанија беа целосно немоќни, но беа одлични во одбраната за реми без голови. На вториот меч славеа над Словачка со минимални 1:0 во еден крајно израмнет натпревар. Играчот од средниот ред на РБ Лајпциг, Емил Форсберг беше прецизен од белата точка – додека Александар Исак беше прогласен за Играч на Натпреварот од УЕФА. Сега, повторно главната задача ќе му биде доделена на Исак, кој треба да ја оправда улогата – наследник на Ибрахимовиќ.
Можеби среќно, но швеѓаните дојдоа до четири бода кој би требало да се доволни за пласман во следната фаза.
Полска мора до три бода
Роберт Левандовски стана првиот играч на Полска кој постигнал гол на три Европски првенства со својот гол со глава за израмнување во саботното реми 1:1 против фаворитот во групата Шпанија, откако претходно успеа да постигне по еден гол на последните два турнири.
67-от гол на напаѓачот на Баерн Минхен на 121 настап во дресот на Полска – двата национални рекорди – им помогна на „орлите“ да ги сочуваат шансите за пласман во следната фаза.
На крај за нив може да пресуди почетниот пораз од Словачка со 2:1 кога очекуваа сигурна победа. Но ремито против Шпанија значи дека селекцијата на селекторот Пауло Соуса мора до победа против Шведска. Со четири бода ќе имаат огромни шанси за пласман во следната фаза.
Полјаците ќе поминат на второто место ако слатав над Шведска, а другиот натпревар од групата Е резултатски им одговара. Всушност, ако Полска победи, а натпреварот Шпанија – Словачка заврши нерешено, тие дури можат да ја освојат групата.
Полска го има Левандовски во нападот и Зиелински во средината, а со таков ков на играчи, јасно е дека шансите за пласман во следната фаза се големи.
Прогноза
Не очекувајте премногу интересен меч. Како играше Шведска на предходните два меча, така ќе биде и овој пат – дефанзивно, цврсто, борбено. Полска е таа која што треба да нападне и веројатно тие ќе го диктираат темпото на играта. Шведска ќе им го препушти теренот и ќе чека контри, а со Исак во нападот може до гол. Ќе му биде тешко на Левандовски против цврстата гранитна одбрана на Шведска, но тој може против секого.
Be the first to comment