Шкотска

Конечниот состав на Шкотска за ЕУРО 2020 со 26 играчи е познат пред нивниот прв турнир во последните 23 години.

Додека некои други земји се одлучуваа да објават проширен список на репрезентативци или резерви, шефот на Шкотска – Стив Кларк наместо тоа избра да го објави многу порано последниот состав од 26 лица за овој турнир.

Состав на Шкотска за ЕУРО 2020:

Г: Грејг Гордон (Херц)

Г: Давид Маршал (Дерби)

Г: Џон Меклафлин (Ренџерс)

Д: Лиам Купер (Лидс)

Д: Нејтан Патерсон (Ренџерс)

Д: Енди Робертсон (Ливерпул)

Д: Грант Хенли (Норвич)

Д: Скот Мекена (Нотингем Форест)

Д: Стивен О’Донел (Монтервел)

Д: Киеран Тирнеј (Арсенал)

Д: Деклан Галагер (Монтервел)

Д: Грег Тејлор (Селтик)

Д: Џек Хендри (Остенде)

С: Били Гилмур (Челзи)

С: Џон Мекгин (Астон Вила)

С: Калум Мек Грегор (Селтик)

С: Стјуарт Армстронг (Саутемптон)

С: Скот Мектоминај (Манчестер Јунајтед)

С: Дејвид Турнбул (Селтик)

С: Рајан Кристи (Селтик)

С: Џон Флек (Шефилд Јунајтед)

С: Рајан Фрејзер (Њукасл Јунајтед)

Н: Линдон Дајкс (Квинс Парк Ренџерс)

Н: Че Адамс (Саутемптон)

Н: Кевин Нисбет (Хиберниан)

Н: Џејмс Форест (Селтик)

Шкотска

Не дозволувајте никој да ви каже дека меѓународниот фудбал е модерна ирелевантност. Ако мислат така, покажете им го интервјуто на Рајан Кристи со Скај Спорт по натпреварот кога Шкотска конечно го заврши 23-годишно чекање за да се појави на голем меѓународен турнир.

Ѕвездата на Селтик даваше се од себе за да зборува – радост и огромно олеснување додека течеа солзите. Долго време чекаа за нешто такво, иако во изминатите две децении неколку пати беа блиску до големите натпреварувања.

Шкотска стигна на ЕУРО 2020 преку Лигата на Нации. Пред да патуваат во Белград во финалето беа отпишани но тие славеа на пенали против фаворитот Србија.

Тешката победа на Шкотска во Белград го продолжи нивниот учинок под водство на Кларк на девет натпревари без пораз – најдобрата серија во последните 44 години.

Кој е најдобриот играч на Шкотска?

Шкотска

Енди Робертсон е незаменлив во оваа селекција. Ова лето претставува уште едно поглавје во една од најголемите приказни за фудбалот. Ослободен од Селтик како дете затоа што бил премногу мек и мал, Робертсон со одлични игри во шкотскиот нисколигаш Квинс Парк стигна до Ливерпул. За Шкотска ја носи капитенската лента со огромна гордост. Неверојатен е по левата страна која ќе биде и најсилна страна во оваа селекција.

Кој е менаџер на Шкотска?

Стив Кларк го предводеше Вест Бромвич Албион до нивниот највисок пласман во Премиерлигата, стигнувајќи до првото полуфинале во ФА Купот во последните 88 години. Со Килмарнок рушеше рекорди во Шкотска, по што беше назначен за селектор во 2019 година. Под негово водство Шкотска игра модерен фудбал, но повторно најсилната нивна страна е скок играта и прекините.

Кој е најсилниот дел на тимот?

Иаат одлична дефанзива, но во средината се нивните најдобри и најпознати фудбалери. Џон Флек е диригент во двата правци, а покрај него има широк спектар на разновидни играчи.  Мекгин од Астон Вила, Амстронг од Саутемптон и идниот лидер на репрезентацијата – Мектоминај од Манчестер Јунајтед. Токму овој последниот се очекува да блесне на ова првенство, особено што по откажувањето на шампионатот доби дополнително една година за развивање и собирање искуство.

Предвидување

Ако Шкотска имаше малку повеќе среќа ќе ја поминеше групната фаза. Вака ќе биде многу тешко. Играат во тешка група со Англија, Хрватска и Чешка и без разлика што ќе играат на домашен терен се аутсајдери. Треба да се случи чудо за оваа селекција да патува во следната фаза. Очекувањата се дека можат да дојдат само до некој бод и тоа пред се поради домашниот терен.