Девет од 26-члената екипа на Португалија играат во англиската Премиер Лига, нешто што се нема случено никогаш предходно. Португалија има одличен состав, доволно искуство за да стигне далеку на овој шампионат.
Тука е и Кристијано Роналдо, кој ова лето би можел да го сруши рекордот на сите времиња кога во прашање се головите, а тука е исто така и ветеранот Пепе. Ова Европско Првенство и за двајцата веројатно ќе биде последното во нивните кариери.
Состав на Португалија за ЕУРО 2020:
Г: Ентони Лопес (Лион)
Г: Хозе Са (Олимпијакос)
Г: Руи Силва (Гранада)
Д: Жозе Фонте (Лил)
Д: Рубен Дијас (Манчестер Сити)
Д: Жaоао Канчело (Манчестер Сити)
Д: Нелсон Семедо (Вулверхемптон)
Д: Пепе (Порто)
Д: Нуно Мендес (Спортинг Лисабон)
Д: Рафаел Гереиро (Борусија Дортмунд)
С: Жaоао Мутињо (Вулверхемптон)
С: Данило Переира (ПСЖ)
С: Бруно Фернандес (Манчестер Јунајтед)
С: Ренато Санчес (Лил)
С: Рубен Невес (Вулверхемптон)
С: Серхио Оливеира (Порто)
С: Жaоао Палиња (Спортинг Лисабон)
С: Вилијам Карваљoо (Реал Бетис)
С: Жоао Феликс (Атлетико Мадрид)
С: Бернардо Силва (Манчестер Сити)
Н: Кристијано Роналдо (Јувентус)
Н: Андре Силва (Ајнтрахт Франкфурт)
Н: Педро Гонсалвес (Спортинг Лисабон)
Н: Гонсало Гуедес (Валенсија)
Н: Рафа Силва (Бенфика)
Н: Диого Јота (Ливерпул)
Европа треба да се пази од Португалија – актуелниот шампион има значително посилен состав отколку што имаше при подигнувањето на трофејот во 2016 година. Дали Португалија ќе има подобар тим ова лето, ќе зависи од способноста на селекторот Фернандо Сантос да ја пронајде хемијата на неговиот прв тим.
Иако Сантос е традиционален и конзервативен тренер и секогаш до сега знаел да отпише некое големо име од својот состав, тоа не се случи сега. Покажа знаци на олабавување па евентуален неуспех да се максимизира нападот на Кристијано Роналдо, Жоао Феликс, Диого Јота, Бернардо Силва и Бруно Фернандес би се окарактизирало како злосторство против фудбалот.
Како што Сантос знае добро, сепак, големите имиња не освојуваат големи турнири. По жрепката тој изјави дека ќе биде потешко да се мине групата во која уште се Германија, Франција и Португалија, отколку да се освои ЕУРО 2020.
Потенцијалниот проблем на Португалија може да биде во одбраната. 38-годишен Пепе останува клучен во срцето на одбраната, но замена за него е 37-годишниот Хозе Фонте. Голео искуство, но прашање е колку двајцата на таа возраст ќе можат да одиграат на едно големо натпреварување. Алтернатива секако е Рубен Дијас од Манчестер Сити кој би требало да блесне на овој шампионат.
Кој е најдобриот играч на Португалија?
Кристијано Роналдо, очигледно. Еден од најголемите играчи на сите времиња, талисманот кој ја води Португалија и како капитен и едвај покажува знаци на стареење дури и на 36 години.
И покрај тоа што го пропушти финалето на ЕУРО 2016, Португалија го подигна трофејот, но сега тој сака да игра во финалето. Секој збор повеќе за него е непотребен.
Кој е менаџер на Португалија?
Португалецот Фернандо Сантос управува со националниот тим, откако ја презеде функцијата во 2014 година по лошиот настап на Португалија на светскиот Мундијал. Овој 66-годишник ќе остане во историјата, водејќи ја Португалија до својот прв голем трофеј кога ја совлада Франција со 1:0 по продолженија на ЕУРО 2016. Потоа, Сантос го освои и првото издание на Лигата на нации во 2019 година, што го прави најуспешен менаџер на нацијата.
Кој е најдобриот дел на тимот?
Тоа зависи каде ќе го вметнете Роналдо, дали во нападот или во средината. Е знае дека одбраната е најслабата алка, но тешко е да се каже дали нападот или средината е подобра. Во нападот имаат неверојатни крила, иако им фали еден класичен шпиц, но се надеваат дека на овој шампионат ќе го добијат тоа во името на Андре Силва. Тие се европски бразилци, па за средината не треба да се трошат зборови. Имаат еден куп одлични техничари, проигрувачи … можеби едни од најдобрите и најкомплетните на овој шампионат.
Очекување
Сите во Португалија очекуваат барем финале, иако амбициите се одбрана на титулата освоена на минатото првенство. Иаат подобар тим од пред пет години, но тоа не е доволно за да се освои трофеј. Треба многу нешта да се поклопат, а во Португалија овој пат многу нешта ќе зависат од одбраната. Ако одбраната одигра на високо ниво, тогаш Португалија ќе стигне до крајот.
