Германија

Во составот на Германија за ЕУРО 2020, изненадувачки се најдоа два повратници и тоа Томас Мулер и Матс Хумелс, две години откако најавија дека нивното време во националниот тим заврши.

Не изненадува фактот што германскиот тим се потпира на играчите на Баерн Минхен – осум члена од шампионот во Бундеслигата ќе играат на ова првенство, вклучувајќи го и 17-годишниот Мусиала, откритието во германската лига оваа сезона.

Состав на Германија за ЕУРО 2020:

Г: Мануел Нојер, (Баерн Минхен)

Г: Бернд Лено, (Арсенал)

Г: Кевин Трап, (Ајнтрахт Франкфурт)

Д: Робин Кох, (Лидс)

Д: Кристијан Гунтер, (Фрајбург)

Д: Матс Хумелс, (Борусија Дортмунд)

Д: Антонио Рудигер, (Челзи)

Д: Матијас Гинтер, (Борусија Менхенгладбах)

Д: Никлас Суле, (Баерн Минхен)

Д: Лукас Клостерман, (РБ Лајпциг)

Д: Марсел Халстенберг, (РБ Лајпциг)

Д: Робин Госенс, (Аталанта)

С: Емре Џан, (Борусија Дортмунд)

С: Тони Крос, (Реал Мадрид)

С: Џошуа Кимих, (Баерн Минхен)

С: Томас Мулер, (Баерн Минхен)

С: Илкај Гундоган, (Манчестер Сити)

С: Леон Горецка, (Баерн Минхен)

С: Лерој Сане, (Баерн Минхен)

С: Каи Хаверц, (Челзи)

С: Флоријан Нојхаус, (Борусија Менхенгладбах)

С: Јонас Хофман, (Борусија Менхенгладбах)

С: Џамал Мусиала, (Баерн Минхен)

Н: Тимо Вернер, (Челзи)

Н: Серж Гнабри, (Баерн Минхен)

Н: Кевин Воланд, (Монако)

Германија

Ако треба да избереме еден човек кој треба да биде благодарен што ЕУРО 2020 се одложи за една година, тоа дефинитивно е Јоаким Лев. Додека Германија мирно иташе кон турнирот минатото лето, пред КОВИД кризата, постоеше сериозна загриженост за повторување на нивниот очаен настап на СП 2018.

Се потроши премногу време на анализи за тој слаб резултат, а не се презеде ништо конкретно. Тоа е делумно затоа што германската федерација му додели на Лев нов сочен договор пред тоа Светско првенство, па потоа тешко можеше да се реши од него.

Освен пораз од Холандија, Германија во 2019 година беше во голема мера чекор до вистинската насока на теренот. Надвор од тоа, смелиот потег на Лев за пензионирање на Томас Мулер (29 години во тоа време), Матс Хумелс (30) и Џером Боатенг (исто така 30), се чини дека беше погрешна одлука.

Лев поголемиот дел од 2020 година го помина со тројца дефанзивци, наместо во стандардна формација со четворица, категоричен дека Германија треба да биде тактички флексибилна против врвните екипи. Можеби најголема лекција за своите грешки научи од Македонија во месец Март, кога Германија загуби со 1:2.

Веднаш се постави прашањето дали Лев ќе се присети на Мулер, или на другите кои што ги отпиша? Одговор на тоа прашање стигна брзо, со созставот за ова првенство.

Кој е најдобриот играч на Германија?

Може да кажете дека формата на Мануел Нојер навистина го држи овој тим на Германија, но ако има еден играч кој и дава најдобри шанси на неговата екипа да се снајде против секого, тоа е Кимих. Нема сомнеж дека во Германија има поголеми ѕвезди од него: Вернер, Хаверц, Крос, Сане, Гнабри, Гундоган … но 26-годишниот играч на Баерн стана еден од најкомплетните играчи во Бундеслигата, без разлика дали е во средниот ред или на позиција десен бек.

Германија

Кој е менаџер на Германија?

Петнаесетгодишниот престој на Јоаким Лев како шеф на Германија завршува без разлика што ќе се случи ова лето, но прво мора да се погрижи да не го врати развојот на неговиот тим неколку циклуси наназад. Веќе зборевме за Лев, а тој со признавање на своите грешки, буквално потпиша капитулација пед своите навивачи. Останува да направи нешто големо на ова првенство, за да остави добро наследство.

Кој е најдобар дел на тимот?

Средината е најдобриот дел на Германија. Можно е во средниот ред да игра Кимих, но секако сигурни варијанти се Крос, Горецка, Гундоган … Во офанзивниот дел од средината пак има неверојатен квалитет во имињата како Хаверц, Гнабри, Сане. Цврстината на германскиот тим, сега е надополнета со одлични техничари и може да се каже дека Германија ја има една од најсестраните средини на ова првенство.

Предвидување

“Фудбалот е игра во која на крајот секогаш победуваат германците” беше онаа легендарна изјава на Линекер. Сепак, многу проблеми се случуваа околу гебрманскиот состав во изминативе три години. Не се знае како тоа ќе влијае на теренот, но ако предходните дуели на Германија се приказ за тоа, тогаш тешко дека Германија ќе стигне до финалето. Германците секако одат на трофеј, секогаш тоа е така, но овој пат ќе имаат далеку потешка задача од предходните големи натпреварувања.