Унгарија

Составот на Унгарија за Еуро 2020 беше еден од првите што беше објавен пред ЕУРО 2020. Менаџерот Марко Роси именуваше 30 играчи во својот привремен состав, кој го скрати на 26 пред крајниот рок на УЕФА на 1-ви јуни.

Соочени со една од најтешките групи на турнирот, заедно со три селекции кои ќе ја бркаат титулата Португалија, Франција и Германија, унгарците речиси и да немаат шанси за прогрес во следната фаза.

Состав на Унгарија за ЕУРО 2020:

Г: Питер Гулаци (РБ Лајпциг)

Г: Денес Дибуш (Ференцварош)

Г: Адам Богдан (Ференцварош)

Д: Бендегоз Бола (Фехервар)

Д: Герго Ловренчиќ (Ференцварош)

Д: Атила Фиола (Фехервар)

Д: Вили Орбан (РБ Лајпциг)

Д: Ендре Ботка (Ференцварош)

Д: Адам Ланг (Омонија Никозија)

Д: Атила Салаи (Фенербахче)

Д: Акос Кексс (Лугано)

С: Лоик Него (Фехервар)

С: Адам Наги (Бристол Сити)

С: Ласло Клајнхајлер (Осиек)

С: Филип Холендер (Партизан)

С: Давид Сигер (Ференцварош)

С: Даниел Газдаг (Хонвед)

С: Андраш Шафер (Дунајска Стреда)

С: Тамас Чесери (Мезоковесд)

С: Роланд Салај (Фрајбург)

С: Роланд Варга (МТК Будимпешта)

С: Адам Салаи (Мајнц)

Н: Немања Николиќ (Фехервар)

Н: Кевин Варга (Кашимпаша)

Н: Јанос Хан (Пакс)

Н: Саболц Шон (Далас)

Унгарија

Унгарците се уште убаво се сеќаваат на ЕУРО 2016. Тие се квалификуваа на нивниот прв голем турнир уште од 1986 година, наспроти очекувањата и требаше да бидат последни – само три порази беа логични на тој шапионат.

Но, не беше така. Наместо тоа, унгарците победија со 2:0 против Австрија, ремизираа со Исланд и поведоа трипати против Португалија пред натпреварот да заврши нерешено. Тие завршија на врвот на групата Ф, предизвикувајќи големи прослави низ целата земја. Тоа беше врвно достигнување што ја обедини нацијата, па дури и поразот од 4:0 против Белгија што следеше во следната фаза не го намали нивниот успех.

Некои се надеваа дека тие настапи ќе го променат унгарскиот фудбал на подобро, но ваквиот оптимизам се покажа како погрешен. Играчите не успеаја да го искористат тој интензитет за да дојдат на следното ниво. Во следните квалификации за СП 2018 дури доживеаа пораз од Андора. Завршија четврти во својата група за пласман на ЕУРО 2020, исто така, па тука стигнаа преку Лигата на нации.

Исланд беше фаворит во Будимпешта и беше во предност во поголемиот дел од натпреварот, но Унгарија изедначи на две минути пред крајот и на крајот славеа победа и пласман на континенталниот шампионат.

Унгарија се најде во најтешката група што може да се замисли со Франција, Португалија и Германија, но никој не им даде многу надеж ниту пред пет години. Работите се подобрија од квалификациите. Унгарците загубија само еден од осумте натпревари во 2020 година, се искачија на првото место во Лигата Б од Лигата на нации 2020-21 пред Русија и минаа девет натпревари без пораз.

Унгарија има стабилен и искусен голман во Питер Гулаши, плус многу сигурен централен бек во Вили Орбан. Заедно во РБ Лајпциг тие имаат неверојатно меѓусебно разбирање во текот на неколку години. Може ли ова дуо да и даде крилја на Унгарија и да предизвика вознемиреност на кај големите фаворити?

Кој е најдобриот играч на Унгарија?

Доминик Собошлаи е ѕвезда во подем, ѕвезда каква што унгарија не видела неколку децении. Неверојатно брз а размислува уште побрзо. Не попусто Лајпциг во јануари го донесе за 20 милиони евра. Собосшаи најпрво се проби во Салцбург и се покажа како неверојатен фудбалер, блескајќи во Лигата на шампионите. Многу работи во Унгарија на ова ЕУРО ќе зависат од неговите игри.

Унгарија

Кој е менаџер на Унгарија?

Италијанецот Марко Роси учеше од имиња како Мирчеа Луческу и Свен-Горан Ериксон, а потоа стана и добар менаџер. Ја освои титулата во Унгарија со Хонвед во 2017 година и е доста популарна личност во оваа земја. Цела нација верува во него, а што е најважно во него верува и целата репрезентација.

Кој е најдобриот дел во Унгарија:

Одбраната е најдобриот дел на тимот. Ценала игра на Унгарија се сведува на цврста и сигурна одбрана. Командант е Орбан кој на одличен начин го диктира темпото во дефанзивата. Предност за Унгарија е што повеќето играчи во овој дел од тимот играат заедно и во своите тимови и доаѓаат од два тима – Ференцварош и Фехервар.Одлично се познаваат мешу себе и ќе биде тешко за противниците да стигнат до голот на Гулаши.

Очекување

Што може да с еочекува од Унгарија кога селекцијата се најде во групата на смртта. Зарем треба да се очекува дека една од селекциите како Португалија, Франција и Германија ќе испаднат од групната фаза? Тешко дека ќе се случи тоа. Ако освои барем некој бод Унгарија би била презадоволна. Минување во следната фаза ќе биде рамно на светско чудо.