Полска

Новиот селектор на Полска, Пауло Соуса избра 26 играчи кои ќе патуваат на Европското Првенство, вклучувајќи голем избор на играчи многу познати во најсилните фудбалски лиги.

Предводени од капитенот, неверојатниот стрелец и носител на многу рекорди, Роберт Левандовски, Полска има причини да се надева на добар резултат.

Селекторот исто така избра пет резервни играчи кои треба да засилат во случај на повреди.

Состав на Полска за ЕУРО 2020:

Г: Лукаш Фабиански (Вест Хем)

Г: Војчех Шчесни (Јувентус)

Г: Лукаш Скорупски (Болоња)

Д: Камил Глик (Беневенто)

Д: Мачеј Рибус (Локомотив Москва)

Д: Бартош Березински (Сампдорија)

Д: Јан Беднарек (Саутемптон)

Д: Павел Давидович (Верона)

Д: Михал Хелик (Барнсли)

Д: Камил Пијатковски (Раков Честохова)

Д: Томаш Кодзиора (Динамо Киев)

Д: Тимотеус Пучач (Лех Познањ)

С: Пржемислав Франковски (Чикаго)

С: Гжегорж Криховијак (Локомотив Москва)

С: Пјотр Зиелински (Наполи)

С: Матеуш Клик (Лидс Јунајтед)

С: Камил Јозвијак (Дерби)

С: Јакуб Модер (Брајтон)

С: Пржемислав Плачета (Норич Сити)

С: Каспер Козловски (Погон Шчечин)

С: Давид Ковначки (Фортуна Дизелдорф)

С: Павел Давидович (Верона)

С: Карол Линети (Торино )

Н: Роберт Левандовски (Баерн Минхен)

Н: Аркадиуш Милик (Марсеј)

Н: Криштоф Пиатек (Херта Берлин)

Н: Карол Свидерски (ПАОК)

Н: Јакуб Свиерцок (Пјаст Гливице)

Полска

Поминаа три години од катастрофалното Светско првенство во Полска во Русија и тешко е да се каже дека самодовербата се врати во репрезентацијата.

Полска ја предводеше својата квалификациска група, но тешките дуели и слабите резултати во Лигата на нации ги намали очекувањата. Славеа тесни квалификациски победи против Летонија, Израел и Македонија, но во Лигата на Нации каде играа со тешки ривали завршија трети по Италија и Холандија.

Затоа дојде и селекторската смена. На прашањето за тактиката на тренерот Јержи Бржечек по поразот од 2:0 од Италија, капитенот Роберт Левандовски молчеше десетина секунди пред конечно да изработи одговор со кој сепак успеа индиректно да го критикува својот шеф.

Во средината на јануари, Бржечек беше заменет со португалскиот шеф Пауло Соуса. По неговото назначување, Соуса веднаш му се обрати на својот капитен и силно ги пофали неговите неодамнешни индивидуални успеси – сакајќи да ги избегне тензиите што го чинеа неговиот претходник неговата работа.

Сепак, Соуза на трите стартни меча од квалификациите за пласман на Светското Првенство славеше само над Андора. Одигра реми со Унгарија 3:3 и загуби од Англија со 2:1. Сепак, тоа беше смао подготовка за тоа шти ги чека на овој континентален шампионат.

За некои постари членови на селекцијата – Лукаш Фабиански, Камил Глик, можеби дури и на Левандовски – овој турнир може да биде последната шанса да се постигне нешто со Белиот орел на нивните гради. Во секој случај, барем на хартија, ова е најсилната полска екипа во последните две-три децении.

Кој е нивниот најдобар играч?

Јасно е – Роберт Левандовски. Повеќекратен најдобар стрелец во Бундеслигата и најдобар полски напаѓач на сите времиња. Играч на годината според ФИФА … Единственото место каде што Левандовски допрва треба да се покаже е еден голем турнир како Свропско или Светско првенство. На 32 години, тој можеби нема да добие повеќе шанси и ќе биде желен на овој турнир да го даде најдобро за себе и за својата држава.

Левандовски

Кој е менаџер на Полска?

Пауло Соуса е еден од селекторите со најмало искуство на првенството. Соуса имаше само три официјални натпревари пред ЕУРО 2020 и тоа е потенцијален проблем за него. Неговото играчко искуство треба да му донесе почит од тимот, но сепак тој допрва треба да се развива како тренер, како селектор.

Кој е најдобриот дел на тимот?

Нападот без сомнение е најсилен во Полска. Левандовски, Милик, Пиатек … и се е веќе кажано. Соуса има безброј опции во нападот и ќе биде интересно да се види дали ќе игра со еден класичен напаѓач или со двајца. Ќе имаат голема помош напаѓачите од средината каде диригент ќе биде Зиелински од Наполи. Поради него и останатите во средниот ред, јасно е дека напаѓачите ќе имаат многу шанси пред противничкиот гол.

Предвидување

Немаше среќа селекцијата на Полска при жрепката и с енајде во тешка група со Шпанија, Шведска и Словачка. Словаците се аутсајдери, но останатите три селекции ќе се борат за првите две места. Можеби Шпанија е лидер, но дуелот меѓу Шведска и Полска може да се покаже како одлучувачки. Сепак, поради форматот при кои од одредени групи во следната фаза ќе одат три селекции, веројатно од оваа група третиот ќе патува во следната фаза. Затоа, очекуваме дека Полска ќе ја мине групата.