ЕУРО 2020 Македонија

Голот на Горан Пандев во 56-та минута во Тбилиси, со златни букви ќе остане врежан во македонската фудбалска, па и спортска историја. Тој гол значеше историски пласман на Европско Првенство, за прв пат во историјата на Македонија, гол кој предизвика неверојатна радост и еуфорија во целата земја.

Горан Пандев беше награден за неговата трпеливост и ќе ја предводи Македонија на овој шампионат на 37 годишна возраст. Но веќе многу пати е речено за него дека годините се само бројка. Неговата приказна е вистинска роанса низ европските спортски медиуми. Пандев дебитираше пред две децении за репрезентацијата и размислуваше да се повлече од репрезентацијата, размислуваше за прекин на својата богата кариера. Тој остана исправен и успеа да ја одведе својата земја на ЕУРО.

Селекторот Игор Ангеловски не експериментираше многу со составот за ЕУРО 2020 и ќе настапи со веќе испробаното, со веќе докажаното, со она со кое ја однесе Македонија кон височините.

Состав на Македонија за ЕУРО 2020:

Г: Столе Димитриевски (Рајо Ваleекано)

Г: Дамјан Сисковски (Докса)

Г: Ристо Јанков (Работнички)

Д: Стефан Ристовски (Динамо Загреб)

Д: Кире Ристевски (Ујпешт)

Д: Gjоко Зајков (Шарлероа)

Д: Езгјан Алиоски (Лидс Јунајтед)

Д: Висар Муслиу (Фехервар)

Д: Дарко Велковски (Риека)

Д: Егзон Бејтулаи (Шкендија)

С: Ферхан Хасани (Партизани)

С: Стефан Спировски (АЕК)

С: Енис Барди (Леванте)

С: Бобан Николов (Лече)

С: Тихомир Костадинов (Ружмоберок)

С: Елиф Елмас (Наполи)

С: Аријан Адеми (Динамо Загреб)

С: Дарко Курлинов (Штутгарт)

С: Марјан Радески (Академија Пандев)

С: Даниел Аврамовски (Кајсериспор)

Н: Горан Пандев (Genенова)

Н: Александар Трајковски (Мајорка)

Н: Крсте Велкоски (Сараево)

Н: Влатко Стојановски (Чамбли)

Н: Иван Триковски (АЕК Ларнака)

Н: Милан Ристовски (Спартак Трнава)

Елмас Барди

Подемот на Македонија стартуваше пред неколку години, кога селекторот Ангеловски го создаде тимот кој сега ќе настапи на ЕУРО 2020. Во тимот имаше неколку староседелци врз кои се направи костурот заедно со голем дел од младинската фудбалска репрезентација до 21 година која тогаш штотуку настапи на Европско Првенство.

Македонија заврши на третото место во квалификациите, што воедно е највисок пласман на едни квалификации во историјата, зад Полска и Австрија, а пред Словенија, Израел и Латвија. Меѓутоа, во Лигата лесно се справи со Ерменија, Гибралтар и Лихтенштајн, потоа Косово и Грузија во финалето.

Македонија покажа заедништво и силна волја да ја исполни својата цел и сега на шампионатот ќе ужива.

Елиф Елмас е ѕвезда во подем која може да привлече големо внимание, незаменливиот во Леванте, Енис Барди е врвен специјалист во средниот ред, а неуморниот крилен фудбалер на Лидс, Езгјан Алиоски е незапирлив по левата страна.

Според букмејкерите, Македонија е најслабата репрезентација на ЕУРО 2020, но за македонските репрезентативци тоа ќе биде мотив плус, да покажат дека не случајно се најдоа на големото натпреварување. Потценувањето, на своја кожа најдобро го почуствува Германија кога во Март, Македонија на гости славеше со 1:2.

Кој е селектор на Македонија?

Игор Ангеловски можеби нема големо искуство како тренер, но тоа не го спречи од Македонија да направи мало европско чудо. Со само две години во тренерскиот занает како предводник на Работнички, тој ја презема селекторската функција. Имаше скепса по неговото назначување, но тоа беше брзо демантирано од Ангеловски. За пет години како селектор, Ангеловски ја промени целосната слика на македонскиот фудбал и веќе почнува да го врти кон себе вниманието на европски екипи од најдобрите лиги.

Кој е најдобриот играч на Македонија?

Кога ќе се спомене најдобар, н еможе а да не се спомене Горан Пандев. Веќе напишавме за него и залудно е да се трошат зборови за неговата игра. Конечно, кога во прашање е Македонија, играта не зависи само од него како што тоа беше случај до пред две-три години. Сега тука се Елмас и Барди кои со своите игри се наметнуваат како лидери во репрезентацијата.

Кој е најдобриот дел на тимот?

Средината без сомнение е најдоброто во Македонија. Адеми е незаменлив и е можеи најважна алка во целата селекција. Неверојатен борец во дефанзива, со одличен преглед на игра на неверојатен начин ја врзува одбраната со нападот. Енис Барди со своите проигрувања е вистински мотор и дистрибутер на топки кон офанзивата. Неговата игра носи сигурност во играта на Македонија. Тука е и голеиот и неуморен борец Бобан Николов. Сепак, играта во офанзивниот дел највеќе зависи од Елиф Елмас кој прераснува во лидер на тимот и наследник на Горан Пандев. Неговата универзалност му носи безброј опции на селекторот кога во прашање е офанзивниот дел од средниот ред. Може да одигра на крило кога Македонија треба да нападне или како централен игран во дефанзива, но во некои опции играше и како класичен шпиц заедно со Пандев. Македонија никогаш немала подобар среден ред и токму овој дел од екипата е клучната алка во успесите на земјата.

Очекување

Групата со Холандија, Австрија и Украина е тешка. Можеше и потешко за Македонија, но можеше и полесно. Холандија е јасен фаворит и би требало тие да бидат сигурен патник во следната фаза. Австрија и Украина според букмејкерите се фаворити за второто и третото место, но Македонија според квалитетот може д аизненади. Со Австрија, Македонија има лош скор и токму од оваа земја беше нај надиграна во квалификациите, но ова е добра шанса за одмазда. Со Украина пак, Македонија секогаш играла добро и тој меч е најголема шанса за победа. Добро е што четири од најдобрите третопласирани селекции ќе минат во следната фаза и тоа е дополнителна шанса за Македонија. Како дебитанти, целта е успешен настап, добра игра против сите селекции, но ако Македонија одигра добро – онака како што знае, тогаш има голеи шанси за пласман во следната фаза.