Чешка

Чешката репрезентација на ЕУРО 2020 настапува со големи амбиции можеби неочекувани за многумина. Сепак, менаџерот Јарослав Силхави именуваше состав полн со познати лица од најдобрите пет европски лиги.

Искрено, оваа селекција на Чешка е веројатно најблиску до онаа генерација на Недвед, Поборски, Колер … која сееше страв низ Европа пред една деценија.

Состав на Чешка за ЕУРО 2020:

Г: Томас Вацлик (Севиља)

Г: Алеш Мандоус (Сигма Оломоуц)

Г: Јиржи Павленка (Вердер Бремен)

Д: Давид Зима (Славија Прага)

Д: Владимир Куфал (Вест Хем Јунајтед)

Д: Алеш Матеју (Бреша)

Д: Јан Борил (Славија Прага)

Д: Павел Кадерабек (Хофенхајм)

Д: Ондреј Целустка (Спарта Прага)

Д: Јакуб Брабец (Плзен)

Д: Томаш Калас (Бристол Сити)

М: Владимир Дарида (Херта Берлин)

М: Антонин Барак (Верона)

М: Лукас Масопуст (Славија Прага)

М: Јакуб Јанхто (Сампдорија)

М: Томас Соучек (Вест Хем)

М: Томас Холеш (Славија Прага)

М: Алекс Крал (Спартак Москва)

М: Петр Севчик (Славиа Прага)

М: Адам Хложек (Спарка Прага)

М: Јакуб Пешек (Либерец)

М: Михаил Садилек (Либерец)

Н: Мајкл Крменчик (ПАОК)

Н: Матеј Видра (Барнли)

Н: Патрик Шик (Баер Леверкузен)

Н: Томас Пехарт (Легија Варшава)

Чешка

Селекторот на Чешка додели три повици за играчи кои никогаш порано не настапиле за националната екипа. Филип Нгуен, Давид Зима и Патрицио Стронати но на крај во конечниот список остана само Зима.

Ѕвездите на Вест Хем, Владимир Куфал и Томас Соучек се дел од составот за овие квалификации и од нив ќе се очекува најмногу. Никој од напаѓачите не постигна повеќе голови за Чешка од Патрик Шик од Леверкузен, кој се надева дека ќе го постигне 11-от меѓународен гол на ЕУРО 2020.

Ова е селекција која ја краси цврстина и борбен дух и токму овие две особини им донесоа одлични резултати во последните две години. Во квалификациите завршија веднаш до Англија со која се повторно во група на овој шампионат и им го нанесоа единствениот пораз на англичаните во тие квалификации. Токму таа победа е дополнителен мотив пред ова првенство. Во Лигата на Нации завршија први во група со Словачка, Израел и Шкотска против која исто така ќе играат на ова првенство. Но ако победата над Англија ги мотивира, против Шкотска тие доживеаа два порази.

Сепак Чешка конечно има селекција која потсетува на нивните најдобри денови и ова Европско Првенство е голема можност за нив.

Кој е најдобар играч на Чешка?

Дали Томас Соучек или Шик? Но тоа веројатно е Томас Соучек од Вест Хем кој има неверојатна сезона во Премиер Лигата. Беше незаменлив во својот тим за кој одигра 32 меча и даде 10 гола. Токму Соучек е најзаслужен за високиот пласман на Вест Хем. Незаменлив е и во средината на Чешка и од него зависат многу нешта во играта на оваа селекција. Ако ги преслика игрите од Вест Хем и во Чешка тогаш чесите нема за што да се грижат.

Кој е менаџер на Чешка?

Јарослав Силхави дури осум години беше асистент на Чешка во периодот од 2001 до 2009 година. Имаше неколку ангажмани во послаби екипи од Чешка пред да дојде во Славиа Прага во 2016 година. Кратко се задржа и таму и од 2018 е селектор на својата земја. Неговиот стил постојано се променува, но тоа е проблем за противниците, не и за неговиот тим. Сигурно ќе има изненадувања од него на ова Европско Првенство.

Кој е најдобриот дел на тимот?

Одбраната има неверојатна цврстина, во нападот го имаат Шик, но во средината се најголемите ѕвезди. Веќе зборевме за Соучек, а покрај него се и Јанхто, Дарида и уште неколкумина од Славиа Прага кој сезонава низ европските натпревари покажаа дека се неверојатни фудбалери. Многу работи ќе зависат од средината на овој тим. Веројатно им фали креација но со борбеност и цврстина тоа не доаѓа до израз.

Предвидување

Тешка е групата на Чешка. Со Англија ќе играат во Лондон, со Шкотска во Глазгов и тоа е најголемиот проблем за нив. Третата селекција Хрватска ќе биде фаворит. Може да се случи изненадување бидејќи веќе покажаа дека можат да се носат со најдобрите, но нашите очекувања се дека после групната фаза ќе заминат дома.