ЕУРО2020-Австрија

Селекторот на Австрија, Франко Фода именуваше 26 играчи во својот тим, но мора да се напомене дека тој список беше разочарувачки за фудбалската јавност во Австрија.

Критики дојдоа од сите страни, особено што на списокот има само тројца фудбалери кои играат во австриската Бундеслига, која од година во година се развива се повеќе и има еден куп таленти низ своите екипи.

Состав на Австрија за ЕУРО 2020:

Г: Павао Перван (Волфсбург)

Г: Александeр Шлагер (ЛАСК)

Г: Даниел Бахман (Ватфорд)

Д: Александар Драговиќ (Баер Леверкузен)

Д: Давид Алаба (Баерн Минхен)

Д: Мартин Хинтерегер (Ајнтрахт Франкфурт)

Д: Стефан Лајнер (Борусија Менхенгладбах)

Д: Андреас Улмер (Ред Бул Салцбург)

Д: Кристофер Тримел (Унион Берлин)

Д: Стефан Пош (Хофенхајм)

Д: Филип Лиенхарт (Фрајбург)

Д: Марко Фридл (Вердер Бремен)

С: Џлијан Баумгартлингер (Леверкузен)

С: Стефан Илсанкер (Ајнтрахт Франкфурт)

С: Валентино Лазаро (Борусија Менхенгладбах)

С: Алесандро Шопф (Шалке 04)

С: Флоријан Грилич (Хофенхајм)

С: Конрад Лајмер (Лајпциг)

С: Луис Шауб (Луцерн)

С: Ксавер Шлагер (Волфсбург)

С: Кристоф Баумгартнер (Хофенхајм)

С: Марсел Сабицер (РБ Лајпциг)

Н: Мајкл Грегорич (Аугсбург)

Н: Карим Онисиво (Мајнц)

Н: Саша Калајџик (Штутгарт)

Н: Марко Арнаутовиќ (Шангај)

Австрија

Австрија влезе на ЕУРО 2016 како непоразена во квалификациите, а сепак надежите беа брзо уништени откако освои само бод во групната фаза.

Овој пат, ситуацијата е слична како пред тоа Европско Првенство. Беа одлични во квалификациите и завршија веднаш зад Полска, а пред Македонија со кого повторно е во група на овој шампионат.

Многу навивачи се жалеа на недостаток на создавање на шанси за гол и неподготвеност да ги вметнат во тимот помладите играчи, особено оние кои играат во австриските клубови. Сепак во Лигата на Нации, оваа селекција заврши прва во тешка група со Норвешка, Романија и Северна Ирска.

Повреда на вкрстените лигаменти на Баумгартлингер беше кошмарен почеток на 2021 година, но тој сега е во тимот. Прашалниците исто така ја опкружуваат формата и подготвеноста на Марко Арнаутовиќ кој игра во далечната Кина.

Големо прашање е дали Давид Алаба ќе ја демонстрира својата способност за повеќе напаѓачка улога отколку што беше навикнат на клупско ниво со Баерн Минхен

Кој е најдобриот играч на Австрија?

Сабицер

Многумина веднаш ќе кажат Алаба. И нема да погрешат, бидејќи тој е најпознатиот фудбалер во Австрија. Но во оваа селекција сите работи зависат од fудбалерот од средниот ред на Лајпциг, Сабицер. Тој се етаблираше како еден од најдобрите офанзивни средни играчи во германската Бундеслига. Со неколку сензационални натпревари на големата сцена во Лигата на шампионите и способност за постигнување на голови од слободен удар, тој поседува таков вид на технички квалитет и талент со кој Австрија одамна не можела да с епофали.

Кој е менаџер на Австрија?

Франко Фода е првиот германец кој ја води Австрија. Поранешниот шеф на Штурм, ја исполни својата примарна должност во квалификациите, но ништо повеќе од тоа, а неговиот конзервативен стил не придонесе за ентузијазам ниту од навивачите, ниту од стручните лица.

Речиси цела Австрија е свртена против него, а многумина го критикуваат дека форсира само фудбалери кои играат во неговата земја, во Германија.

Кој е најдобриот дел на тимот?

Австрија има неверојатна средина. Веќе кажавме за Сабицер кој е незаменлив во Лајциг и еден од најдобрите во Германија, а во Австрија покрај него се неговиот клубски колега Лајмер со кого одлично се познаваат и Шлагер од Волфсбург. Ако меѓу овие тројца го вметнеме и Баумгартлингер кој дефинитивно не е подготвен целосно, тогаш јасно е кој дел од тимот на Австрија ќе биде најголема опасност по противниците.

Предвидување:

Холандија е фаворит во оваа група, а останатите три селекции ќе се борат за пласман во следната фаза. Според играчкиот квалитет, Австрија е тука некаде со Украина, но никако не смее да се потцени ни Македонија. Ако Австрија ја водеше некои друг селектор, тогаш ќе бевме убедени во пласман во следната фаза, но со Фода на клупата и тоа се чини недостижно.