Составот на Холандија за ЕУРО 2020 беше првиот што беше потврден. Холандскиот шеф Франк Де Бур го скрати својот прелиминарен тим од 36 фудбалери, до последниот избор од 26 лица.
Останува најголемата вест дека дефанзивецот и капитен на ѕвездената Холандија, Вирџил ван Дијк нема да игра, бидејќи ја пропушти целата сезона на Ливерпул поради повреда – нешто што е голем удар за Лалињата.
Сепак, Холандија има изобилство на квалитетни фудбалери на секоја позиција и Де Бур би требало да најде соодветно решение за неговото отсуство.
Состав на Холандија за ЕУРО 2020:
Г: Тим Крул (Норвич Сити)
Г: Џаспер Силесен (Валенсија)
Г: Мартен Стекеленбург (Ајакс)
Д: Џоел Велтман (Брајтон)
Д: Патрик ван Анхолт (Кристал Палас)
Д: Нејтан Аке (Манчестер Сити)
Д: Џуриен Тимбер (Ајакс)
Д: Стефан де Вриј (Интер)
Д: Овен Вијндал (Азербејџан)
Д: Дејли Блинд (Ајакс)
Д: Дензел Дамфрис (ПСВ)
Д: Матијас де Лигт (Јувентус)
С: Теун Копмеинерс (АЗ Алкмар)
С: Мартен де Роон (Аталанта)
С: Георџинио Вајналдум (Ливерпул)
С: Рајан Грејвенберх (Ајакс)
С: Дејви Класен (Ајакс)
С: Дони ван де Бик (Манчестер Јунајтед)
С: Френки де Јонг (Барселона)
Н: Стивен Бергуис (Феенорд)
Н: Коди Гакпо (ПСВ)
Н: Мемфис Депај (Лион)
Н: Дониел Мален (ПСВ)
Н: Лук де Јонг (Севилја)
Н: Квинси Промес (Спартак Москва)
Н: Воут Вегхорст (Волфсбург)
Холандскиот состав овојпат е насочен кој пронаоѓање на вистинската дефанзива. Не само што легендарниот централен бек Роналд Куман го напушти селекторското место минатата година за работно место во Барселона, туку Холандија исто така го загуби капитенот Вирџил ван Дијк поради тешка повреда.
Можеби изненадување е изоставувањето на мласите ѕвезди како Мирон Боаду, Џстин Клајверт и Мохамед Ихатарен – сите присутни во меѓународните натпревари минатата есен. Сепак, тука е Рајан Грејвенберх од Ајакс откако во март го доби првиот позив.
Играчот за врска на Ливерпул, Вајналдум ќе биде капитен на екипата во отсуство на клупскиот колега Ван Дијк.
Кој е најдобриот играч на Холандија?
Ова е прашање на кое е многу тешко да се даде одговор. Холандија изобилува со ѕвезди во секоја линија од тимот. Сепак ако мора да се најде еден играч од кој зависат многу нешта во оваа репрезентација тоа е Вајналдум кој ќе биде и капитен на ЕУРО 2020. Целата средина се врти околу него, без разлика дали станува збор за дефанзива или офанзива. Доколку тој има добар ден, Холандија игра одличен фудбал. Според тоа ако Вајналдум е во добра форма на Европското првенство тогаш оваа селекција ќе стигне далеку.
Кој е менаџер на Холандија?
Де Бур нема големо тренерско искуство, но во досегашните натпревари под бегово водство Холандија покажа добри игри. Од 2006 година беше тренер во младинскиот тим на Ајакс, пред да го преземе сениорскиот тим на холандскиот гигант каде се задржа дури шест години. Имаше кратки одисеи во Интер Кристал Палас, Атланта Јунајтед и од минатата година го презеде селекторското место на Холандија. Сепак, станува збор за икона на холандскиот фудбал, на кого играчите му веруваат и тоа е голем плус за овој тим.
Кој е најдобриот дел на тиот?
Како никогаш досега Холандија има најсилна дефанзива. Без разлика што Ван Дијк е повреден а е клучен во тој дел од теренот Холандија има инзвонредни дефанзивци кој се лидери во своите екипи. Тука е клучниот играч на Интер, Де Вриј потоа еден од најталентирнаните млади дефанзивци Де Лихт од Јувентус Блинд од Ајакс Аке од Сити и уште неколкумина. Средината е одлична, нападот исто така но дефанзивата ќе биде тешко да се пробие.
Предвидување:
Холандија го има еден од најдобрите тимови на овој шапионат. Имаат неверојатен талент, искусни и млади фудбалери и се добро покриени во секој дел од теренот. Групата е добра, а голем плус е тоа што ќе играат на домашен терен на Амстерда арената. Коцките се некако поставени во нивна корист и тој факт мора да го искористат. Ќе ја минат групата, веројатно и некое елиминациско коло, но токму во елиминациите оваа група вкрстува со тешки ривали. Според играчкиот квалитет, Холандија најмалку може до полуфиналето.
