ЕУРО анализа: Австрија – МАКЕДОНИЈА, да се искористи моментумот за нов фудбалски земјотрес

MKD vs AUS

Срцата на два милиони во Македонија и на многу повеќе од оваа бројка во дијаспората ќе чукаат како едно, кога во недела на 13-ти Јуни во 18:00 часот по македонско време, за прв пат во историјата Македонија ќе почуствува како е да се биде дел од најпрестижното фудбалско натпреварување на стариот континент – Европското Првенство.

Каков само земјотрес би се случило доколку Македонија слави победа на воведниот меч против Австрија на Арена Наполитана во Букурешт. 18.360 гледачи ќе бидат присутни на прекрасниот стадион во главниот град на Романија. Многу македонци заминаа во Букурешт и јасно е дека најголемиот дел од навивачите на стадионот ќе бидат во црвено-жолта боја, а тоа само треба да биде ветер во грбот на и така залетаните македонски репрезентативци.

Да се искористи моментумот

Да почнеме со ред. Подемот на Македонија стартуваше пред неколку години, кога селекторот Ангеловски го создаде тимот кој сега ќе настапи на ЕУРО 2020. Во тимот имаше неколку староседелци врз кои се направи костурот заедно со голем дел од младинската фудбалска репрезентација до 21 година која тогаш штотуку настапи на Европско Првенство.

Македонија заврши на третото место во квалификациите, што воедно е највисок пласман на едни квалификации во историјата, зад Полска и Австрија, а пред Словенија, Израел и Латвија. Меѓутоа, во Лигата лесно се справи со Ерменија, Гибралтар и Лихтенштајн, потоа Косово и Грузија во финалето.

Македонија покажа заедништво и силна волја да ја исполни својата цел и сега на шампионатот ќе ужива, а македонските фудбалери го искористат моментумот, тогаш факт е дека ќе имаат шанси за пласман во следната фаза на ЕУРО 2020.

Пандев, Елмас, Барди, Алиоски …

Горан Пандев ќе ја предводи Македонија на овој шампионат на 37 годишна возраст. Неговата приказна е вистинска романса низ европските спортски медиуми. Пандев дебитираше пред две децении за репрезентацијата и размислуваше да се повлече од репрезентацијата, размислуваше за прекин на својата богата кариера. Тој остана исправен и успеа да ја одведе својата земја на ЕУРО.

Елиф Елмас е ѕвезда во подем која може да привлече големо внимание, незаменливиот во Леванте, Енис Барди е врвен специјалист во средниот ред, а неуморниот крилен фудбалер на Лидс, Езгјан Алиоски е незапирлив по левата страна.

Адеми е незаменлив и е можеби најважна алка во целата селекција. Неверојатен борец во дефанзива, со одличен преглед на игра на неверојатен начин ја врзува одбраната со нападот. Македонија никогаш немала подобар тим, особено средината која е клучната алка во успесите на земјата.

Елмас Барди

Австрија со големи амбиции, но во слаба форма

Австрија ова лето ќе се појави на само третото Европско првенство и ќе се надева дека ќе ги подобри своите претходни два обида да ја помине групната фаза.

Во двата големи турнири, тие беа елиминирани во групната фаза, загубија два и ремизираа еднаш од трите меча, што значи дека допрва треба да ја слават првата победа на европските шампионати.

Но Австрија никогаш немала посилна репрезентација од оваа сега. Франко Фода – кој ќе го предводи австрискиот тим на неговиот прв голем турнир како менаџер, верува дека неговиот тим има се што е потребно за да стигне до нокаут рундата, иако нивната форма треба да се подобри ако сакаат да ги исполнат своите цели.

Австрија не успеа да постигне гол или да победи на ниту еден од последните три натпревари. После поразот од 0:4 од Данска во квалификациите за пласман на СП, следуваше тесен пораз од Англија со 1:0 и реми без голови со Словачка на последниот натпревар пред ЕУРО, одигран минатата недела.

Австрија никогаш не била посилна

Австријците беа одлични во квалификациите и завршија веднаш зад Полска, а токму пред Македонија. Работите за нив во последните две години не се сменија преногу, или пак ако се сменија тогаш тие се на подобро.

Повреда на вкрстените лигаменти на Баумгартлингер беше кошмарен почеток на 2021 година, но тој сега е во тимот. Големо прашање е дали Давид Алаба ќе ја демонстрира својата способност за повеќе напаѓачка улога отколку што беше навикнат на клупско ниво со Баерн Минхен

Најголемата опасност кон голот на Македонија ќе доаѓа од средината. Во оваа селекција сите работи зависат од фудбалерот од средниот ред на Лајпциг, Сабицер. Тој се етаблираше како еден од најдобрите офанзивни средни играчи во германската Бундеслига. Со неколку сензационални натпревари на големата сцена во Лигата на шампионите и способност за постигнување на голови од слободен удар, тој поседува таков вид на технички квалитет и талент со кој Австрија одамна не можела да се пофали. Покрај него се неговиот клубски колега Лајмер со кого одлично се познаваат и Шлагер од Волфсбург. Ако меѓу овие тројца го вметнеме и Баумгартлингер кој дефинитивно не е подготвен целосно, тогаш јасно е зошто австријците се убедени во пласман во следната фаза.

Прогноза

Според букмејкерите, Македонија е најслабата репрезентација на ЕУРО 2020, но за македонските репрезентативци тоа ќе биде мотив плус, да покажат дека не случајно се најдоа на големото натпреварување. Потценувањето, на своја кожа најдобро го почуствува Германија кога во Март, Македонија на гости славеше со 1:2. Токму Австрија важи за втора Германија, особено што во нивната репрезентација без малку сите фудбалери доаѓаат од германската Бундеслига.

Но токму победата над Германија ќе биде предупредување за Австрија, која сигурно нема да влезе потценувачки во мечот.

Проблем за Македонија е што фудбалот кој го игра Австрија не и одговара. Тоа се виде в квалификациите кога Македонија во Скопје загуби со 1:4, а в Виена со 2:1. Тие два меча беа единствените во кои Македонија реално беше надиграна. Но од тогаш, македонските фудбалери собраа драгоцено искуство, па тие дуели не треба да се приказ за овој натпревар.

Австрија е фаворит и во тоа нема дилема, но Македонија покажа дека знае да игра и со далеку поголеми репрезентации и не е без шанси на овој меч. Јас очекувам дека Македонија на овој меч ќе го постигне првиот гол во историјата на големите натпреварувања.

ТИП: Двете екипи да постигнат гол @ 2.25 во Bet365

2 Trackbacks / Pingbacks

  1. Панче Ќумбев со прогноза за истироскиот меч, Австрија – Македонија – Kladenje.mk
  2. Панче Ќумбев со прогноза за истироскиот меч, Австрија – Македонија - Sportski

Leave a Reply

Your email address will not be published.


*