Англија имаше пет тима во елиминациската фаза од Лигата на шампиони, но останаа уште два, Ливерпул и Манчестер Сити кои ќе ги одмерат силите во четвртфиналето.

Двата тима ќе го пренесат ривалството од домашното првенство на европска сцена. Никогаш во минатото не се сретнале во европските турнири. Меѓутоа Ливерпул и Сити два пати се сретнале во елиминациски натпревари, во Лига Купот, и во двата случаи на крајот победници беа „црвените“.

Ливерпул е во четвртфиналето за прв пат после 9 години, а Сити е во оваа фаза само втор пат во својата историја.

Статистика и историја

Оваа сезона на „Енфилд“ Ливерпул не успеа да победи само против Севиља во Лигата на шампиони (2:2). Во четирите натпревари како домаќин „црвените“ постигнаа 12 гола, притоа се во импресивна серија од 14 меча без пораз на домашен терен во Европа (9 победи и 5 ремија). Последниот пораз го доживеаа од Ливерпул во 2014 година (0:3).

Сити оваа сезона победи на 5 последователни натпревари во ЛШ, но во последното коло од групната фаза загуби од Шахтјор (1:2). Со истиот резултат загуби и дома од Базел во осминафиналето, но после првата победа од 4:0. Меѓутоа, тимот на Гвардиола има само 4 победи на последните 11 гостување во Европа.

Општата статистика од натпреварите меѓу двата клуба е следната: 87 победи за Ливерпул, 45 реми и 46 победи на Сити. Оваа сезона во Премиер лигата „граѓаните“ го демолираа тимот на Клоп со 5:0, а Ливерпул му го нанесе единствениот пораз во првенството на „Енфилд“ (4:3).

Клоп и Гвардиола имаа свои дуели и во Бундес лигата во периодот од 2013 до 2015 година и Каталонецот е со минимална предност од 4:3. Во Англија балансот е две победи за Клоп, едно реми и една победа на Гвардиола.

Повреди и суспензии

И двата тренери немаат големи проблеми при составувањето на тимот. Клоп поради повреда нема да може да смета само на Матип и Лалана, а под знак прашалник е настапот и на Емре Чан, кој најверојатно ќе биде заменет со Милнер во средниот ред.

Што се однесува до Сити, покрај одамна повредениот Менди, Гвардиола нема да може да смета и на Серхио Агуеро, кој во нападот ќе биде заменет со Габриел Жесус. Под знак прашалник е и голманот Едерсон, па на негово место може во стартниот тим да биде Клаудио Браво.

Емре Чан е клучот за Клоп

Иако Германецот е под знак прашалник за овој дуел, веруваме дека Клоп ќе го стави во стартниот тим. Според карактеристиките Емре Чан е иделаниот човек кој може да ја прекине врската Фернандињо – Де Брујн – Силва – Жесус. Тоа ќе биде клучно за „црвените“ бидејќи акциите на Сити започнуваат од задната линија, а секоја пресечена топка ќе биде опасност за „граѓаните“.

Гвардиола знае дека ќе биде тешко да се запре Салах, па затоа на левата бековска позиција ќе игра Лапорте, кој е класичен стопер, притоа ќе биде потпомогнат од Сане.

Иако ова е дуел на два тима со исклучително добри и ефикасни напади, сметаме дека главната битка ќе се води на средината на теренот, а тука „граѓаните“ се во голема предност.

Веројатни состави:

Ливерпул: Кариус – Арнолд, Ловрен, Ван Дијк, Робертсон – Хендерсон, Милнер, Окслејд-Чемберлејн – Салах, Фирмињо, Мане.

Манчестер Сити: Едерсон/Браво – Вокер, Компани, Отаменди, Лапорте – Де Бријн, Фернандињо, Давид Силва – Стерлинг, Жесус, Сане.

Квоти и предлог тип

Според букмејкерите Манчестер Сити е фаворит во овој дуел, па така коефициентот во 10Bet за победа на „граѓаните“ изнесива 2.35, за реми 3.50, додека за победа на Ливерпул е 3.00.

Со оглед дека двата тима се исклучително ефикасни, нашиот предлог тип е „повеќе од 2,5 гола“, а тоа може да го одиграте во 10Bet со коефициент 1.65