Вториот натпреварувачки ден на ЕУРО 2020 ќе го отворат Велс и Швајцарија и тоа на Олимпискиот стадион во Баку, Азербејџан. Овие две земји играат во групата А, каде уште и Италија и Турција кој својот меч го одиграа еден ден порано, на отварањето на шампионатот.
Јасно и за двете репрезентации е дека ова е повеќе од значаен меч, особено што и двете селекции можат да се надеваат на бодови од овој натпревар, многу повеќе од оној што треба да го одиграат со Италија, кој е апсолутен фаворит за пласман во следната рунда од оваа група.
Швајцарија можеби никогаш не била посилна
Фудбалерот на Арсенал, Гранит Џака се издвојува како најважен играч на Швајцарија, тој е капитен на тимот и е еден од најискусните фудбалери. Ако Џака одигра на високо ниво, многу полесен ќе биде патот на Швајцарија до својата цел. Со него во средината и со Фреулер од Аталанта, Закарија од Менхенгладбах, Соу и Зубер од Ајнтрахт, тие имаат селекција која може да парира на најдобрите. Во одбраната ги иаат Аканџи и Елведи, а Шаќири и Емболо во нападот.
Дефинитивно станува збор за селекција на фудбалери која важи за една од најквалитетните во швајцарскиот фудбал и не попусто од нив се очекува најдоброто на овој шампионат.
Швајцарија е фаворит за пласман во следниот круг
Тие се пласираа во осминафиналето и на ЕП 2016 и на СП 2018, пред да загубат од Полска и Шведска и стигнаа до финалето на Лигата на нации каде играа со Белгија. Сепак, умерениот успех на тие настапи и овие последни квалификации беше намален во 2020 година со серија од седум натпревари без победа.
Таа низа вклучуваше две нерешени средби против Германија и една со Шпанија – доволно за самоуверениот селектор на Швајцарија, Владимир Петковиќ кој изјави: „Не треба да се плашиме од никого“. Победничкиот март дополнително ја зголеми самодовербата, особено што во пријателските дуели пред шампионатот славеа на трите средби против Финска, САД и Лихтенштајн. Некако Швајцарија со овие последни три победи стигна до шест посбеди по ред.
Интересно за нив е тоа што немаат победено ниту еднаш во нокаут фаза на голем турнир уште од Светското првенство во 1938 година, пред да биде измислена групната фаза – па дури и тогаш им требаше поправен меч. Би требало на овој шампионат, да и дојде крајот на таа негативна традиција.
Велс со привремен менаџер на ЕУРО
Велс ќе биде енигма за многумина, па дури и за најупатените фудбалски експерти. Беа одлични под водство на Рајанг Гигс, пред тој да биде обвинет за физички напад ижпо што му беше прекинат договорот. Со тоа Велс стана првата селекција во историјата, која на Европско Првенство ќе патува со В.Д. селектор, во името на Роб Пејџ.
Сепак, тој добро ги знае фудбалерите бидејќи долги години е помошник во оваа репрезентација. Воглавно составот на Велс се состои од играчи на Чемпионшип, но има поголем број на нови играчи кои би требало да донесат свежина, иако имаше и некои изненадувачки отсуства на фудбалери. Тука пред се се мисли на херојот од 2016 година, Хал Робсон-Кану. Напаѓачот на Вест Бромвич неодамна постигна гол против Ливерпул, одигра добра сезона но сепак немаше место за него во тимот од 28 фудбалери.
Со Бејл во тимот, Велс не смее да се отпише
Сепак, Велс дефинитивно има огромен талент. Ова особено важи за средината, каде ииграат играчи од најдобрите екипи на островот, па и пошироко и токму тој дел од екипата е клучен за оваа селекција. Ампаду е одличен во дефанзивните задачи, а Робертс од Лидс како и Ремзи од Јуве во предходните дуели на Велс докажаа дека се неверојатни еден покрај друг. Ако на овие ги додадеме и бочните играчи како младиот Хари Вилсон, брзиот Левит па дури и бекот на Ливерпул, Нико Вилијамс кој е дефанзивец но знае одлично да одигра во напад, тогаш јасно е дека Велс може да изненади. Не смееме да го пропуштиме ниту Герет Бејл кој откако дојде во Тотенхем, се чини дека фудбалски оживеа.
Очекување
Швајцарија има поквалитетен состав и во тоа нема никаква дилема. Освен тоа одигра далеку подобро во подготовките за разлика од Велс кој прво загуби од Франција со 3:0, по што одигра нерешено со Албанија во Кардиф 0:0. Швајцарците како да ја темпираа формата за ЕУРО, па константно нивните игри се подобруваа од меч во меч. Кулминацијата треба да се случи на првенството и јас очекувам дека тие ќе стартуваат со победа. Велс е аутсајдер во групата иако никако не смее да се отпише пред време.
Be the first to comment