Во терминот од 18:00 часот во сабота на ЕУРО 2020 се игра натпревар на Паркен стадионот во Копенхаген, каде домаќинот Данска ќе го отвори шампионатот против Финска.
Ова скандинавско дерби привлекува огромно бнимание, особено во тој дел од Европа, но во мечот Данска влегува како голем фаворит за победа и поради играчкиот кадар и поради домашниот терен.
Данците се во одлична форма
Составот на Данска нема премногу изненадувања, а Хјулманд се држеше до испробаните и доверливи фудбалери. Данска во последно време го сени начинот на игра, сега игра атрактивно, убаво за око, модерно и на ова првенство има високи амбиции. Менувањето на системот дојде природно, особено што Данска изобилува со фудбалери кои играат во најсилните европски лиги. Ериксен е моторот на екипата, но за разлика од предходно, тој сега има огромна помош во средината каде се Делејни од Борусија Дортмунд и Хојбјерг од Тотенхем. Има уште многу играчи во Данска кои можат да одиграат на високо ниво против најдобрите и јас немам сомнеж дека оваа селекција има капацитет кој ветува во најмала рака пласман во следниот круг.
Данска руши дефанзивни рекорди
За одбаната не треба да се трошат зборови – Кјаер од Милан, Кристенсен од Челзи и Вестергард од Саутемптон ќе бидат бедем пред голот на Шмајхел. Колку силна е одбраната на Данска говори и фактот што на последните 18 натпревари, Данска прими голови само на пет од нив. Дефинитивно, станува збор за селекција која може многу на овој шампионат. Ова е рекорд кога во прашање е оваа селекција, а за тоа заслужен е и селекторот Хјулманд кој важи за еден од најпреспективните фудбалски тренери во тој дел од Европа.
Финска може да направи проблеми во групата
Долго време чекаше Финска на настап на едно големо натпреварување. Сепак, без разлика што станува збор за селекција која долго време немала пласман на големите турнири, станува збор за еден доста интересен тим кој може да им направи проблеми на поголемите селекции.
Интересно, но голем број клучни играчи имаа корист од несаканото чекање да стартува Европското Првенство. Лукас Храдецки од Баер Леверкузен го искористи времето да се етаблира како еден од најдобрите голмани во Бундеслигата. Глен Камара имаше значајна улога во Ренџерс во нивната прва титула по повеќе од 10 години, Тему Пуки повторно ја пронајде формата што се чинеше дека го напушти по испаѓањето на Норвич од Премиер Лигата.
Се на се, станува збор за една доста цврста и силно поврзана екипа со многу хармонија и хомогеност меѓу играчите и токму тоа ќе биде најсилното нивно оружје на овој шампионат.
Очекување
Во оваа група Белгија е апсолутен фаворит, а Финска аутсајдер. Тоа значи дека би требало Данска и Русија да бијат битка за второто место, или пак да се надеваат дека ќе бидат едни од најдобрите третопласирани селекции. Во тој случај, јасно е дека овој меч со Финска за Данска е од огромно значење. Тие мораат да слават победа за да ги исполнат своите цели, а играат и пред своите навивачи.
Но и Финска се надева на бодови против Данска. Голем проблем за финците е нивниот голем пад во формата и тоа во најлошо време. Тие немаат победа на шест натпревари по ред. Одиграа два пати нерешено на стартот на квалификациите за Светското Првенство, а ги загубија трите пријателски меча пред ЕУРО и тоа против Швајцарија, Шведска и против Естонија – поразо кој беше окарактеризитран како голем срам во оваа земја.
Се е наклонето кон домаќинот и јас сепак очекувам нивна победа на овој меч, но сепак не толку лесна како што повеќето очекуваат.
2 Trackbacks / Pingbacks