Челси го пречекува Атлетико Мадрид на „Стемфорд Бриџ“ во реваншот од нивната битка во осминафиналето од Лигата на шампионите. „Сините“ со едната нога се веќе во четврт-финалето откако извојуваа важна победа со 0:1.
Мала победа со голот на Жиру, но голот на гости на реваншот ќе важи како два гола. Тухел е оптимистички настроен, но сепак е доста внимателен во своите очекувања.
Челзи има комотна предност
Голот на Жиру беше доволен на првиот меч за победа на Челзи. Но мора да се напомене дека Атлетико не беше домаќин во Мадрид. Поради строгите Ковид протоколи тие мораа да бидат домаќини надвор од Шпанија, а мечот се одигра во Букурешт. За разлика од тој меч, овој ќе се игра во Лондон и според тоа јасно е дека Челзи ќе има голема предност на овој меч.
„Сините“ на Тухел продолжуваат со одлични игри по неговото доаѓање во Лондон, па од мечот со Атлетико, Челзи одигра реми со Манчестер Јунајтед, славеше над Ливерпул и Евертон и минатиот викенд одигра реми со Лидс. Еден навистина тежок распоред според кој многумина очекуваа пад на формата на Челзи, но не и Тухел кој најави дека нема да застанат тука.
Стратегијата на ротација на германецот очигледно има и добри и лоши страни. Свежината секако е голем плус за нив во одредени дуели, но затоа го платија данокот со ремито против Лидс минатиот викенд.
Сепак, Тухел останува непоразен на 12 натпревари откако ја презеде одговорноста, освојувајќи осум победи и четири ремија во сите натпреварувања.
Има сепак еден доста чуден податок, Челси никогаш не успеал да напредува во Европа откако извојувал победа на гостувањето во првиот натпревар и Тухел се надева дека таа серија ќе запре токму на овој дуел.
Атлетико со пад во формата
Во една фаза од сезоната, екипата на Атлетико имаше и поубедлива преднос во Ла Лига во однос на Реал Мадрид и Барселона. Но и сега Атлетико е лидер и има четири бода предност во однос на Барса.
Избраниците на Диего Симеоне сепак го изгубија својот ритам во најлош можен момент. И покрај црвениот картон на Алан Нјом на 20 минути до крајот на дуелот, Гетафе успеа да остане непоразен минатиот викенд и Симеоне беше навистина лут по натпреварот.
Се на се, Атлетико на предходните седум натпревари во сите натпреварувања има само две победи, два порази и три ремија.
Атлетико не успеа да напредува во четвртфиналната фаза во Лигата на Шампионите четири сезони по ред, а минатата сезона беа елиминирани од Лајпциг. Сега, Симеоне спрема изненадување за Тухел, но реално ќе биде тешко да се надокнади негативата од првиот меч.
Be the first to comment