Глазгов Ренџерс е домаќин на Бенфика во еден од најпривлечните натпревари во Лигата на Европа. На првиот меч во Португалија паднаа вкупно шест гола за поделба на бодовите – 3:3, а јас и овој пат очекувам офанзивен пристап од двете страни и секако голови.
Жерард и Ренџерс импресионираат сезонава
Ренџерс продолжи да импресионира и во неделата славеше уште една убедлива победа и тоа со 4:0 над Абердин во Шкотската Премиершип.
Победата на Аиброкс го одржа својот совршен рекорд на домашен терен. Ренџерс има 12 од 12 на последните домашни натпревари во сите натпреварувања, а уште поимпресивно е тоа што на овие последни 12 натпревари има примено само еден гол – против Галатасарај во октомври.
Уште еден рекорд е поврзан за домашен терен на шкотскиот гигант. Иманео Ренџерс исто така нема пораз на сите седум домашни натпревари од групната фаза во Лигата на Европа во изминатите три сезони – четири победи и три нерешени ( во тие последни седум меча, Ренџерс само на два примил гол ).
Нивната одбрана е цврста сезонава и на првите дв амеча н еприми гол, но на предходниот дуел со Бенфика прими три гола, во мечот во Португалија кои заврши 3:3.
Жерард овој пат и покрај тоа што ќе игра дома ќе биде претпазлив, бидејќи во Лисабон, „орлите“ постигнаа исто толку голови против Ренџерс, колку што оваа шкотска екипа прими во 15 првенствени натпревари оваа сезона. Освен тоа, Бенфика од 19-та минута на тој меч играше со играч помалку, а постигна три гола.
Бенфика нема победа во Шкотска
Бенфика изгледаше ранливо во последните неколку недели, откако победи само на еден од последните четири натпревари во сите натпреварувања.
Нерешениот резултат 3:3 со Ренџерс беше меѓу поразот од 3:0 од Боависта и домашниот пораз од Брага со 2:3 во Примера Лига.
Избраниците на Хорхе Хесус изгледаа посилни во Лигата на Европа, бидејќи ги совладаа Лех Познањ и Стандард Лиеж, постигнувајќи вкупно 10 гола на трите воведни натпревари.
Десетте гола на Бенфика од 38 удари се реализирани со стапка од 26,3%, што е најдобра стапка на реализација од која било екипа оваа сезона во Лигата на Европа.
Португалските гиганти, кои не успеаја да постигнат гол на последните четири гостувања против шкотските екипи – загубија три и ремизираа еднаш, секој пат против Селтик – веројатно ќе им биде тешко против Ренџерс.
Можна почетна постава на Глазгов Ренџерс:
4-3-3 – Мек Грегор; Таверниер, Голдсон, Балогун, Баришиќ; Арфилд, Џек, Камара; Хаџи, Морелос, Кент
Можна почетна постава на Бенфика:
4-4-1-1 – Влаходимос; Гонкалвес, Жардел, Вертонген, Грималдо; Рафа, Пирес, Тарабт, Евертон; Пици; Сеферовиќ
Be the first to comment