Третопласираниот Јувентус се обидува да изврши притисок врз водечките клубови од Милано и дефинитивно ќе успее во тоа доколку слави над Верона во саботата вечерта на стадионот Бентегоди.
Играјќи еден ден пред своите ривали за Скудетото, избраниците на Андреа Пирло ќе се сретнат со добра екипа која знае да ги изненади големите фаворити и затоа сите во Јуве се претпазливи во своите изјави пред овој меч.
Пирло под притисок да победува
Јуве загуби на две од последните три гостувања во Серија А и тоа против Интер и Наполи. Ако на ова се додаде и поразот во Португалија кај Порто со 2:1, тоа значи дека гостинските терен станува проблем за Старата дама.
Освен тоа, Верона е една од екипите против која Кристијано Роналдо игра доста слабо. Тој има само еден гол од неговите последни пет натпревари во лигата против оваа екипа. Но тој влегува во одлична форма и после двата гола минатото коло против Сасуоло, сега е лидер во листата на стрелци со 18 гола од 19 натпревари и има гол повеќе од Лукаку.
Веќе секој меч во продолжение од сезоната ќе биде од голема важност за Јуве, бидејќи секој кикс ќе ги одалечува се повеќе од трофејот кој како да се навикнаа да го освојуваат.
Иако притисокот врз тренерот Андреа Пирло останува интензивен, последната победа на неговиот тим заедно со ремито на Рома во Беневенто бешедоволно за да се искачи Јуве на третото место и да се фокусира на се послабиот Милан.
Позитива на Јуве е одбраната која прими само еден гол на последните пет дуели во Серија А, а сега ќе игра против најслабиот напад од екпите кои се во горниот дел на табелата.
Верона игра доста променливо
Избраниците на Јуриќ влегуваат во овој меч по нерешениот резултат 2:2 на гости кај Џенова. Доста променливо играа оваа екипа во последно време и тешко е да се предвидат нивните натпревари. Така на последните 10 натпревари имаат четири победи, четири порази и две ремија.
Венецијанската екипа го изгради својот релативен успех врз дисциплинирана бековска линија, која прима многу помалку голови од повеќето екипи во Италија. Помалку голови од нив сезонава примија само Наполи, Јувентус и Интер. Но на последните 17 натпревари против Јуве, Верона секогаш прима барем еден гол. Ќе биде тешко да ја зачуваат својата мрежа на овој меч, а уште потешко да постигнат гол против Јуве.
Be the first to comment