Дерби на денот: Ливерпул – Тотенхем, тактичка анализа и предлог тип

Ливерпул е фаворит против Тотенхем, тие се бркаат со Сити во битката за титулата, играат дома и се во подобра форма. Тотенхем долго време беше блиску до Ливерпул и Сити, но игра слабо во последно време и на последните четири меча има три порази и едно реми. Сега е тешко да се верува дека по една ртаква црна серија ќе можат да му откинат некој бод на Ливерпул кој не смее да си дозволи кикс ако сака да биде конкурентен со Сити.

Клоп нема да менува премногу

Клоп редовно ја користеше формацијата 4-2-3-1 до пред неколку месеци, но сега германецот е фокусиран само на 4-3-3. Алисон ќе започне зад одбраната, која веројатно ќе биде составена од Александар-Арнолд, Џоел Матип, ван Дијк и Енди Робертсон. Ако Александар-Арнолд не стартува, Милнер би можел да се врати од средниот ред во одбраната.

Поверојатно е тој да започне во средниот ред, заедно со Фабињо и Вијналдум. Адам Лалана ги започна последните два натпревари на Ливерпул во Премиер Лигата. Но против Тотенхем, Клоп би можел да оди со неговото најенергично трио од средниот ред. Кеита најверојатно ќе стартува на клупата.

Во нападот ќе биде вообичаеното трио Садио Мане, Роберто Фирмино и Мохамед Салах. Мане продолжува со блескавите партии и знае да повлече кога Ливерпул има лош период. Фирмино е тивок во последно време, но му помогна на Мане со самото тоа што привлекува противнички дефанзивци кон себе со своите движења. Салах пак како и секогаш, постојано создава шанси за соиграчите.

Повредите ја кројат формацијата и тимот на Тотенхем

Изборот на тимот на Маурисио Покетино ќе биде под влијание на проблемите со повредите. Ерик Даир се повреди на репрезентативниот собир со Англија и е надвор од стројот. Повреден е и десниот бек Серж Ауриер. Хари Винкс се жали на повреда како и Кајл Вокер-Петерс чии настапи се под знак прашалник.

Ова значи дека Киран Трипиер веројатно ќе започне на десната страна во одбраната. Но додека тој продолжува да нуди добро преклопување со постојани закани по неговата страна на противничката половина, тој честопати остава празен простор позади себе. Тоа би било погубно против екипа како Ливерпул, каде ќе треба да го штити просторот од брзите Салах и Мане.

Тоби Алдервирелд и Јан Вертонген остануваат на бековските позиции, додека Дани Роуз најверојатно ќе биде поставен лево на местото на досега стандардниот Бен Дејвис. Хуго Ллорис е уште еден проблем за Покетино. Неговата форма е во постојан пад и тој мора да ги подобри своите перфоманси, ако Тотенхем сака да го зачува третото место на табелата и да излезе од црната серија.

Покетино очајно се надева дека Винкс ќе биде способен да започне, бидејќи без него нема доволно опции во средниот ред и може да биде принуден да го користи Давинсон Санчез. Но во тој случај ќе се префрли на тројца одбранбени играчи. Така Спарс нема да може да парира со темпото на игра на Ливерпул.

Дијамантот на Покетино во средината може да биде клучен

Ако се биде во ред со Винкс, тој најверојатно ќе игра во основата на дијамантот со Муса Сисоко на десно и Кристијан Ериксен од лево. Деле Али треба да биде на позицијата веднаш зад напаѓачите со што ќе се комплетира дијамантот и ќе се обиде да работи во корист на Хари Кејн и Сон Хеунг-мин. Кејн со својата сила навлегува длабоко во шеснаесеттикот и ги привлекува кон себе дефанзивците, а Сон ја користи својата брзина за да се пробие низ отворот во одбраната. Нивната битка против Ван Дијк, можеби најдобриот дефанзивец во Премиер лигата оваа сезона, треба да биде фасцинантна.

Наш предлог:

Победа на Ливерпул @ 1.60 во 1хBet

Да паднат Над 2.5 гола @ 1.68 во 1хBet

Be the first to comment

Leave a Reply

Your email address will not be published.


*