Најинтересниот меч оваа недела во Лигата на Шампиони ќе се одигра во Минхен. Баерн Минхен – Ливерпул, во битка за пласман во следната рунда. Ќе следиме крајно неизвесен меч, со многу борба на теренот, а победникот ќе го решат мали нијанси.
Во очајна сезона, Баерн повторно е блиску до сите трофеи
Во сезоната која требаше да биде транзиција под водство на младиот и амбициозен тренер Нико Ковач, Баерн изгледаше очајно. Сезоната досега беше една од полошите за нив во последно време, со многу киксови против просечни екипи. Но и покрај тоа, Баерн се уште има потенцијал да има една од нивните најдобри сезони досега.
Тие сега се на врвот во Бундеслигата (беа девет поени зад своите ривали Борусија Дортмунд во еден момент од сезоната), тие ќе се соочат со второлигашот Хајденхајм во четврт-финалето на Купот и имаат можност да продолжат понатаму и во Лигата на Шампиони. Сепак и тоа како е видлив притисокот врз тренерот на Баерн. Неуспехот да се стигне барем до ¼ финалето во главната конкуренција на Европа ќе се смета за огромно разочарување. Тоа ќе биде разочарување без оглед на евентуална титула во Бундеслигата.
Баерн во добро расположение ќе влезе во овој меч, откако на предходните два натпревари во Бундслигата постигна 11 голови и тоа против одличниот Менхенгладбах и против Волфсбург ( победи од 1:5 и 6:0 ).
Нападот почна да функционира, а мотиви има еден куп
Една од критиките на Ковач од внатрешноста на клубот, но и од навивачите беше неговиот неуспех да излезе на крај со дефанзивните екипи, но германските шампиони почнаа да изгледаат многу поопасно во последно време.
Од друга страна ѕвездата на тимот Роберт Левандовски, во своите последни две средби постигна по два гола, а сезонава стигна до бројката од 29 голови во сите натпреварувања. Томас Милер, Џером Боатенг и Матс Хамелс имаат дополнителна мотивација да импресионираат, откако селекторот на Германија, Јоаким Лев не ги повика во репрезентацијата за престојните квалификациски дуели. Тие пак, како во хор најавија дека се разочарани и дека ќе размилат за ставање крај на репрезентативната кариера.
Одбраната може да биде од клучно значење
Баварците покажаа дека можат да играат на резултат и на првиот меч во ливерпул. Сепак, тие ќе мора да одиграат на многу повисоко ниво, бидејќи нивната слабост сезонава се појавува во транзиција против тимови со добар квалитет во нападот. Дортмунд, Борусија Менхенгладбах и Баер Леверкузен го совладаа Баерн во лигата сезонава, а сите тие постигнаа по три гола во мрежата на Баерн Минхен.
Влијателниот десен бек Џошуа Кимих е суспендиран, па ветеранот Рафиња најверојатно ќе го замени на позицијата десен бек. Милер, исто така нема да игра поради суспензија, а летачкиот холанѓанец Арјен Робен се уште е надвор од стројот поради повреда. Давид Алаба и Кингсли Коман се вратија на тренинзите и на Баерн ќе му дадат многу поголема широчина. Џејмс Родригез најверојатно ќе започне во првиот тим, откако имаше видлив напредок во формата.
Ливерпул руши дефанзивни рекорди
Имаше големо разочарување во екипата на Ливерпул по неуспехот да се постигне гол против Баерн во првиот натпревар. Но можеби уште поважно е тоа што ја сочуваа својата мрежа без суспендираниот Вирџил ван Дијк. Ливерпул одиграа три натпревари без голови во последните пет натпревари. Но додека тоа е загрижувачко за многумина, има нешто што треба да ги радува нивните навивачи – Ливерпул не прими гол на пет од последните шест меча. Ливерпул има најдобра дефанзива во Премиер Лигата (17 примени голови). Тие исто така не примиле повеќе од еден гол на гостински терен по поразот во ФА Купот од Вулвс во почетокот на јануари.
Нападот во мала криза
Кога гледаме на работите од напаѓачки аспект, Мохамед Салах постигна само еден гол во последните осум настапи. Роберто Фирмињо пак ја пронајде мрежата само на два пати од последните десет натпревари во сите натпреварувања. Двајцата играчи ќе треба да ја подигнат својата форма во среда вечер ако Ливерпул сака да напредува во европската елита. Салах изгледаше многу остро, многу мотивирано во победата од 4:2 во неделата против Барнли. Еден играч кој не падна со својата форма е Садио Мане. Сенегалскиот напаѓач е неверојатен, постигнувајќи осум гола во последните девет натпревари.
Ван Дијк се враќа по суспензија, а Клоп нема нови проблеми со повредите. Адам Лалана силно притискаше на тренинзите пред овој меч, а имаше и блескав меч против Барнли, но Јирген Клоп сепак би можел да започне со повеќе одбранбена опција, со Џејмс Милнер или Џордан Хендерсон.
Наш предлог:
Be the first to comment