Вардар во четврток ќе ја заокружи својата историска авантура во Лига Европа. Во пресрет на последниот натпевар Вардар – Розенборг кој ќе се одигра на националната арена „Филип Втори“, двете екипи најавуваат победа. Вардар разочара сезонава, но овој меч нека биде пресвртница. Доколку може да се слави победа против некого во групата Л, тоа е Розенборг, но …
Вардар со очајна сезона досега
Вардар сезонава не игра на посакуваното ниво, ниту во домашниот шампионат ниту во Лига Европа. По добриот старт на сезоната и по одличните квалификациски средби во Лигата на Шампиони и Лигата на Европа апетитите пораснаа. Но од денешна гледна точка се гледа дека тие апетити беа неосновани. Во домашниот шампионат Вардар заостанува премногу од Шкендија и сезонава речиси и да ги загуби шансите за шампионска титула. Беа доживеани неочекувани порази, а уште еден шок беше последниот пораз во дербито против Шкупи. Гол разликата во Лига Европа е катастрофална, само 2 постигнати и дури 19 примени гола. Тоа го прави Вардар најслаб тим сезонава во Лигата на Европа.
Неискуство, замор, преголеми очекувања
Вардар, па и ниту еден друг македонски тим не е навикнат да игра натпревари во Европа во овој период од годината. Јасно е дека овој брз ритам и густ распоред создава големи маки кај вардаровите фудбалери. Тоа се осети на неколку натпревари во домашниот шампионат, а ниту ротациите на Чеде Јаневски не донесоа освежување во тимот. Нозете на фудбалерите се тешки, а Јаневски има ограничен број на квалитетни имиња за ротација, па најдобрите фудбалери на Вардар не одмараа ниту еднаш. Сите беа свесни дека пласманот во групите на Лигата на Европа ќе се одрази врз резултатите во домашниот шампионат. Сепак цената која ја плаќа Вардар со овој густ распоред е преголема и очигледно е дека стручниот штаб има голема вина за неуспесите на тимот сезонава.
Клучни проблеми во Вардар ?
Вардар има големи проблеми сезонава. Сепак најголемиот проблем е играта во одбрана по прекин и нападот. Чеде Јаневски се чини не донесе ништо ново во екипата. Очигледно е дека не ги склопи коцките на посакуван начин иако доби доста кредити и одврзани раце за работа. Скок играта на Вардар е катастрофална. Повеќето голови беа примени по прекин или по нафрлања во шеснаесеттикот. Во овој дел потфрли целокупната одбрана, без исклучоци. Фудбалерите се статични, не покриваат најдобро и тоа тешко дека ќе се смени на овој дуел. Нападот е катастрофален. Барсегијан не е класичен напаѓач, но во Европа игра како прв шпиц. Итало не се снајде најдобро во Вардар, а Блажевски во неколку наврати е премногу себичен и тоа негативно влијаеше досега. Единствена шанса на вардар остануваат контра нападите, но и за такво нешто треба некогаш да се притисни. Да не се игра во длабока одбрана, а Вардар го може тоа. Проблем на овој дуел ќе биде неиграњето на Хамбурџијан кој е суспендиран поради жолти картони. Тоа е голем удар за тимот, но екипа која игра во Лига Европа, мора да има резервна опција.
Розенборг повторно шампион на Норвешка
Норвешкиот шампионат веќе заврши. Последното коло се одигра на 26-ти Ноември и како по обичај Розенборг ја освои титулата. И оваа година овој тим немаше сериозна конкуренција, па дури и си дозволи порази во последните неколку кола кога ја имаше осигурано титулата. Розенборг заврши со само 5 порази и 7 ремија, наспроти 18-те победи но ќе беше и поубедлив доколку не ја осигураше титулата на неколку кола пред крајот. Гол разликата им е неверојатна, 57 дадени и 20 примени гола на 30 меча. Тоа значи дека речиси на секој дуел Розенборг постигнувал по два гола што е голрмо достигнување. Ова доволно говори за надмоќта на Розенборг во не така слабиот шампионат на Норвешка.
Амбициите сезонава останаа неиполнети
Розенборг оваа година прослави 100 години од своето постоење. Тимот од Трондхајм е основан на 19-ти мај 1917 година како Од, а во 1928 година го добива денешното име. Токму затоа сите инволвирани во тимот беа насочени кон успех во Европа, ако се знае дека титулите во Норвешка се нешто вообичаено за овој тим. Раководството на тимот, фудбалерите, навивачите и сите останати околу овој тим сакаа да имаат долга сезона во Европа, најдолга досега. Сепак тимот разочара во Лига Европа. Забележа само една победа и тоа токму над Вардар со 3:1 и едно реми со Зенит на домашен терен 1:1. Сега сите во тимот најавуваат дека ќе се обидат да ја завршат евро сезоната на најдобар начин и со три бода да се вратат од Скопје.
Розенборг неможе да го искаже потенцијалот во Европа
На евро настапите Розенборг не е истата екипа како од домашниот шампионат. Јасно е дека екипата поседува квалитет за многу повисоки дострели дури и на меѓународно ниво. Сепак никако не може да го искаже својот квалитет во Европа на вистински начин иако има огромно искуство со досега одиграни 239 натпревари во Европа. По тешкиот и трнлив пат од квалификациите за Лигата на Шампиони, Розенборг стигна во Лигата на Европа. На првиот меч во групите против Реал Сисиедат, Розенборг загуби со 4:0. Следеше победата на Вардар со 3:1 за подигање на амбициите, но потоа со истиот резултат дојде пораз од Зенит во Русија. Со истиот тим на домашен терен одиграа 1:1, а во последниот меч загубија од Сосиедад дома со 0:1.
Ослабени во Скопје
Розенборг ќе биде ослабен во Скопје ( Вардар – Розенборг) бидејќи капитенот на норвешкиот шампион Мике Јенсен, не допатува со остатокот од екипата. Причините се семејни, Јенсен очекува принова во следните денови, па 29-годишниот играч за врска доби дозвола од стручниот штаб да остане во Норвешка. Дозволата дојде по ситуација кога Розенборг во секој случај нема никакви шанси за пласман во следната рунда. Покрај Јенсен стратегот на Розенборг не може да смета ниту на Исланѓанецот Вилхјамсон, кој сезонава постигна седум погодоци за овој тим. Отсутен ќе биде и Де Ланлај, меѓутоа тој ионака не беше стандарден во дресот на Розенборг.
Букмејкерите ги намалуваат коефициентите за Вардар
Вардар – Розенборг, гостинот е фаворит на овој меч во секој поглед и затоа букејкерите му доделија коефициент 2.13 во Bet365. Сепак коефициентот пред неколку дена беше 1.80 што значи дека е во енормно растењеи се очекува да расте до почетокот на мечот. За реми коефициентот е 3.79 во Bet365. За победа на Вардар ако до пред неколку дена коефициентот беше 4.50, сега е паднат на 3.50 во 1xBet. Сепак ние очекуваме дека вардарци ќе направат се за да ги освојат првите историски голови во групната фаза на Лига Европа. Затоа подобра варијанта според нас е да се одигра на голови.
Наш предлог:
Двете екипи да постигнат гол @ 1.57 во 10Bet
Навивачки предлог:
Be the first to comment