Во четврток во Санкт Петерсбург ќе играат Зенит – Вардар. Ова е последен меч на гостински терен за македонскиот шампион, пред последниот уел дома против Розенборг. Се знае кој е фаворит на овој меч, но Зенит веќе обезбеди пласман во следната рунда, а Манчини најави ротации во составот па тоа е добра шанса за први бодови на Вардар.
Вардар треба уште да учи, па да освојува бодови во групната фаза
Вардар не игра на посакуваното ниво сезонава, ниту во домашниот шампионат ниту во Лига Европа. По добриот старт на сезоната и по одличните квалификациски средби во Лигата на Шампиони и Лигата на Европа апетитите пораснаа. Навивачите беа во делириум по историскиот успех и елиминацијата на гигантот Фенербахче, но уште по првиот дуел во групната фаза се виде дека Вардар е далеку од европската елита. Токму Зенит беше тимот кој го спушти на земја Вардар, откако во првото коло славеше со 0:5 во Скопје. Тој пораз пак, значеше и втроглав пад на формата на вардарци. Во домашниот шампионат беа наредени неколку порази во низа. Слична беше и ситуацијата во Лигата на Европа, каде Вардар постигна само еден гол досега. Гол разликата е катастрофална, само еден постигнат и дури 17 примени гола. Сега следи можеби најтешкото гостување и навистина е тешко за вардаровите навивачи да веруваат во освојување на историски први бодови во ова натпреварување. Но мораме да веруваме дека мечот Зенит – Вардар можеби доаѓа во вистински момент.
Тимот конечно се врати на победите
Вардар конечно почна да победува и врза три победи во низа во Првата Лига на Македонија. Она што уште повеќе импресионира во овие три дуели е нападот. Имено, Вардар постигна 9 гола, а прими само два. Штета што рускиот напаѓач Максимов не е регистриран за во Лигата на Европа. Но тука се Итало, Барсегијан, Блажевски … фудбалери кои можат да бидат опасни ко противничкиот гол, но само доколку се на нивото од квалификациските средби. На овој меч Вардар конечно ќе настапи и со поцврста одбрана, бидејќи во тимот се вратија Велковски и Муслиу. Овие двајца, заедно со Новак и Грнчаров конечно парават солидна дефанзивна линија.
Зенит веќе го обезбедија пласманот во следната рунда
Зенит веќе го обезбеди пласманот во елиминациските натпревари во Лига Европа. Русите се први во групата со 10 бода, со победи над Вардар и Сосиедад, како и со победа и реми со Розенборг. Постигнаа дури 12 гола досега, а интересно Зенит ги има и двата први стрелци во групната фаза Кокорин и Ригони кои имаат по 5 постигнати гола. Зенит е добар и во руската Премиер Лига каде се наоѓа на второто место, а во овој меч влегува по одличниот дуел и победата од 5:0 против Тосно.
Целта на Зенит е финале во Лига Европа
Целта на Зенит и Манчини сезонава е јасна, финале во Лигата на Европа и шампионска титула во Русија. За тие цели, во летниот преоден рок Зенит потроши 70 милиони евра на нови засилувања. Тоа е цифра со која сите македонски екипи од Првата Лига можат да функционираат со децении. Најскапиот трансфер беше оној на Леандро Паредес од Рома, трансфер вреден 23 милиони евра. Манчини исто така го купи и талентираниот аргентински стопер Емануел Мамана од Лион, а дека Аргентинците му се омилени покажаа и трансферите на Себастијан Друиси кој дојде од Ривер Плата, Емилиано Ригони од Индепендиенте и Матиас Краневитер од Атлетико Мадрид. Покрај петмината Аргентинци, Зенит успеа да доведе и петмина играчи од Ростов кој минатата сезона имаше одличен пласман.
Манчини ќе ги одмара најдобрите, а тоа е шанса плус за Вардар
Зенит е апсолутен фаворит на овој меч, тимот веќе има и обезбедено пласман во следната фаза па затоа Манчини на официјалната прес-конференција истакна дека неговиот почетен состав на дуелот Зенит – Вардар ќе биде видно изменет. Тој потенцираше дека во него ќе има голем број на играчи кои досега добивале помала минутажа.
„Да, се разбира дека ќе има измени. Сега не можам да кажам со кои играчи ќе го започнам мечот, но сигурно ќе има повеќе од една измена. Сакам да им дадам шанса на оние што помалку играат, за да го потврдат квалитетот. Лунев се чувствува добро по повредата од пријателскиот меч со Шпанија, но тој утре нема да брани. И Друиси ќе биде подготвен. Ќе видиме кој ќе игра, но без разлика на тоа сакаме победа против Вардар “, изјави Манчини.
На сите ни е јасно дека рускиот тим е голем фаворит во дуелот, но фактот дека нема да настапат некои од најдобрите фудбалери е од големо значење за Вардар.
Наш предлог:
Двете екипи да постигнат гол @ 2.45 во 10Bet
Да паднат Над 2.5 гола @ 1.33 во 10BetРегистрирај се на 10Bet
1 Trackback / Pingback