Италија – Шведска: најава, анализа, кој ќе оди на СП во Русија !?

Италија – Шведска е натпреварот кој предизвикува огромно внимание. Како да биде поинаку кога на првиот меч Шведска забележа победа од 1:0 што е доста незгоден резултат. Италија е фаворит, но има огромни проблеми во тимот. Од друга страна кохезијата во репрезентацијата на Шведска е на високо ниво и тоа е големата предност на скандинавците.

Шведска секогаш значи “несреќа” за Италија

Фудбалската репрезентација на Италија доживеа пораз од Шведска со 0:1 на првиот меч во Стокхолм и ќе има тешка задача на домашен терен обезбеди пласман на уште едно Светско првенство. „Азурите“ се редовни учесници на големите натпреварувања, а зад себе имаат четири трофеја. Досега во историјата се имаат одиграно 20 Светски првенства, а Италија има пропуштено само два. Но, кога за последен пат тие го пропуштија Светското првенство? Последен пат тие не играа на СП во далечната 1958 година, кое се одржа токму во Шведска. Дефинитивно ова е голема случајност, но можеби токму оваа скандинавска земја е голем баксуз за италијанците.

Италија не може да се навикне на стилот на Вентура

Италија видно го смени начинот на игра откако селектор на оваа репрезентација е Вентура. Сега оваа репрезентаија многу повеќе размислува за противничкиот, отколку за сопствениот гол. Тоа во неколку наврати беше и меч со две острици, но Вентура не го смени своето размислување. Од Контеовата 4-2-4, Вентура премина на 4-4-2. Целиот младински сектор на Италија игра во формација 4-3-3 и соодветно на тоа така ги спремаат за сениорски фудбал. Од таа причина играчите не успеваат да се пронајдат и селекторот за кратко време на собирите не може да очекува тие да ги исполнат неговите барања. Таа игра не им помогна и во Шведска. Италија попусто ја имаше топката во свои нозе, го диктираше темпото и имаше голем посед на топка. Тој стил не им донесе гол и очигледно дека Италија не може да се навикне на него. Сите сакаат да гледаат офанзивна игра со многу додавања во средината на теренот, но ова е погрешно време барем кога во прашање е Италија.

Вентура без разлика на исходот од мечот, си заминува !?

Лошите изданија на италијанската фудбалска репрезентација последниот период кулминираа со поразот во Шведска, а селекторот Џампјеро Вентура е пред отказ без разлика на исходот од реваншот. Медиумите на Апенините денеска тврдат дека Вентура ќе биде отпуштен дури и „аѕурите“ да успеат да го остварат посакуваниот резултат и да се најдат на мундијалот. Истите шпекулации најавуваат дека во тој случај, италијански селектор на СП во Русија би бил Карло Анчелоти кој во моментов е без ангажман. Како резервна варијанта се споменува Џиџи Ди Бјаџо кој ги води младинците и кој лесно би можел да ја вклопи својата омилена формација 4-3-3 кај сениорите. Токму таа е формацијата што фановите и медиумите одамна ја бараат од Вентура.

Селекторот Андерсон е талисманот на Шведска

Швеѓаните секогаш низ историјата имале големи ѕвезди во својата репрезентација. Ларсон, Љумберг, Ибрахимович се оние последни во редот. Сепак сега немаат ните една звезда во тимот, но нивниот талисман е селекторот Џен Андерсон. Андерсон нема вистински лидер во селекцијата, но затоа тимската игра и кохезијата во тимот се на високо ниво и тоа е предноста на оваа репрезентација. Швеѓаните играат како еден, дишат заедно и тоа се рефлектира на теренот и на резултатите на селекцијата. Шведска сега е солидна колективна сила и е мошне мотивирана да се пласира на Светско првенство прв пат по 2006 година.

Знаат што сакаат и не ги интересира како ќе дојдат до тоа

На првиот меч во Шведска најдобро се виде стилот на игра на домаќините. Едноставно нив не ги интересира играта, ги интересира само резултатот и не им е битно на каков начи ќе дојдат до него. Нападите, многу често им стартуваат од бековите Гранвист и Линделоф ( првиот имаше 94% прецизност, а вториот 72% прецизност во додавањата ). Токму високиот процент на реализирани успешни додавања, не им дозволуваше на италијанците висок пресинг. Во средниот ред царуваат Екдал и Форсберг со преку 90% успешни додавања.

Форсберг е клучот на успехот

Токму Форсберг ја прави разликата на теренот. Ако тој е надвор од форма или е добро покриен, нападот  на Шведска може да изгледа еднодимензионален. Проблемот е што италијанците добро го знаат тоа, а се и доста умешни во затворање на просторот па Андерсон сигурно спрема и резервна варијанта. Иако на првиот меч Форсберг беше незапирлив. Доколку повторно тој има добар ден, лошо им се пишува на Бонучи, Барзагли и Киелини. Дури и да биде добро покриен, може со леснотија да го направи она што најдобро го прави во својот Лајпциг. Да влетува во празниот простор пред противничкиот гол незабележано, а и во тој случај ќе има предност поради спорите бекови на Италија.

И покрај се, тешко е да се отпише Италија

Според горе напишаното, се доаѓа до заклучок дека реално би било да очекуваме Шведска да оди на Светско Првенство. Сепак тешко е да се отпишат фудбалери како Киелини, Бонучи, Буфон, Де Роси, како и помладите Имобиле, Белори, Верати … Првите се фудбалери кои знаат како да се постават пред помладите, знаат како да ги мотивираат. Вторите пак, ќе можат сето тоа да го пренесат на терен во буквална смисла на зборот. Слично размислуваат и букмејкерите. Најголемиот коефициент за победа на Италија можете да го најдете во Pinnacle и е 1.55. За реми најголемиот коефициент е 4.20 и го нуди Bet365. За победа на Шведска Marathonbet го има најголемиот коефициент и тоа 7.70.

Наш предлог:

Победа на Италија @ 1.55 во Pinnacle

Да паднат помалку од 2.5 гола @ 1.62 во Bet365

Доколку го следите натпреварот Италија – Шведска во живо и домаќинот постигне гол во првиот половина час, можете да пробате и со играта Двете екипи да постигнат гол при обложување во живо.