На Френдс Арената во Стокхолм во петок ќе играат Шведска – Италија. Ако овој дуел се играше пред неколку години, Италија ќе беше апсолутен фаворит. Но сега фаворит на овој меч според нас нема, иако букмејкерите им ја препуштаат таа улога на италијанците. Сепак очекувањата се дека ќе следиме неизвесен двомеч кој веројатно ќе се реши во Италија.
Ибра не игра, а е во фокусот на вниманието
Можеби е разбирливо тоа што голем дел од фокусот пред овој натпревар беше на играч кој нема да игра за Шведска. “Никогаш нема да сакам Ибрахимовиќ да игра против мене, дури ни со 40 години и со скршена нога”, изјави оваа недела Даниеле де Роси. “Фактот дека Ибрахимовиќ веќе не игра за Шведска е предност за секој кој мора да се соочи со нив”.
Сепак токму Италија делумно е одговорна за репрезентативното пензионирање на еден од најдобрите напаѓачи. Имено тие ставија крај на надежите на Шведска на Еуро 2016 година по што Ибра се повлече од репрезентацијата. Сега според швеѓаните мечот Шведска – Италија доаѓа во вистинско време, бидејќи е време е за одмазда. Но, иако домаќините на овој меч немаат ните една звезда во тимот, нивниот талисман ќе биде селекторот Џен Андерсон. Андерсон нема вистински лидер во селекцијата, но затоа тимската игра и кохезијата во тимот се на високо ниво и тоа е предноста на оваа репрезентација. Шведска сега се солидна колективна сила и е мошне мотивирана да се пласира на Светско првенство прв пат по 2006 година.
Форсберг е клучот на успехот на Шведска
Главната закана за домаќините е Маркус Берг, кој беше петти стрелец во квалификациите со 8 постигнати гола. Овој напаѓач игра одлично и во својот тим Ал Аин во ОАЕ и веќе докажа дека слабата лига во која настапува не е пречка за добри игри во дресот на Шведска. Старите и прекалени одлични скокачи Себ Ларсон и Андреас Гранквист се исто така важни алки во системот на Андерсон. Големото прашање е дали креативната улога на Емил Форсберг од Лајпциг ќе биде доволна за да се совлада репрезентацијата на Италија. Ако тој е надвор од форма или е добро покриен, нападот на Шведска може да изгледа еднодимензионален. Проблемот е што италијанците добро го знаат тоа, а се и доста умешни во затворање на просторот па Андерсон сигурно спрема и резервна варијанта.
Вентура наметна нов стил кај италијанците
Италија видно го смени начинот на игра откако селектор на оваа репрезентација е Вентура. Сега оваа репрезентаија многу повеќе размислува за противничкиот, отколку за сопствениот гол. Тоа во неколку наврати беше и меч со две острици, но Вентура не го смени своето размислување и затоа дојдоа и одличните резултати на репрезентацијата. Сепак во последно време дојдоа и разочарувањата, прво висок пораз од Шпанија па реми со Македонија за заслужен бараж. Сепак Вентура верува дека промената на стилот на игра на Италија е во добра насока. За тоа потврда ќе се добие сега, токму во овој бараж двомеч со Шведска.
Средниот ред е болна точка во оваа репрезентација
Фудбалските експерти веруваат дека промената на стилот дојде во погрешен момент, а имаат и добро образложеие за тоа. Италија во изминатите десетина години секогаш имала многу подобар среден ред и напад отколку сега. Во овој момент звездите во тимот ги има само во одбраната, а тоа тешко дека е доволно за големи резултати. Нападот и не е така лош, бидејќи тука се Имобиле и Белоти но тие двајца заедно не играат според очекувањата. Средината пак е најслабиот дел во тимот без ниту еден вистински плејмејкер и тоа е големиот проблем на Вентура.
Коефициентите на страната на Италија
За победа на Италија најдобар коефициент нуди Pinnacle – 2.37. Според тоа јасно е дека букмејкерите и ја препуштаат благата фаворитска улога на гостинската репрезентација. За реми најдобар коефициент има во Marathonbet – 3.20. За победа на Шведска пак најдобриот коефициент го нуди Bet365 – 3.53.
Наш предлог:
1 Trackback / Pingback