Сезонава Лигата на Шампиони ќе биде многу поинтересна и понеизвесна од минатата сезона, бидејќи најдобрите екипи ги засилија своите тимови и најавуваат преземање на титулата од Реал Мадрид, кој повторно е прв фаворит според фудбалските експерти и букмејкерите.
Реал Мадрид прв фаворит, но Барселона не смее да се отпише
Начинот на кој Реал Мадрид стигна до втората шампионска титула по ред минатата сезона, настапот во финалето и победата од 4:1 над Јувентус како и освојувањето на Супер Купот во Скопје остави впечаток дека шпанските шампиони се убедливо најдобриот тим на континентот. Сезонава Реал Мадрид нема значајни засилувања, но конечно Иско почна да го покажува сиот свој потенцијал, а тука е и појавата на Маркос Асенсио кој прераснува во еден од најдобрите шпански фудбалери. Според букмејкерите оваа екипа повторно е главен фаворит со коефициент 4.75 за освојување на титулата, но според погоре наведеното коефициентот е дури преголем.
“За првпат по девет години се чувствувам инфериорно”, изјави Џерард Пике по шпанскиот Супер куп. Загубата на Нејмар и целосниот недостиг на доверба во одборот што им дозволи на Лионел Меси и Андрес Иниеста да влезат во последната година од договорите, ја направи Барселона ранлива ова лето. Замената за Нејмар е Дембеле од Борусија Дортмунд, но и покрај неспорниот квалитет тој е многу млад и неискусен за веднаш да го замени Нејмар. Букмејкерите ги препознаа слабостите во тимот на Барса и нејзината ранливост па и доделија коефициент 8.00 во бет365, речиси со двојно помали шанси од Реал Мадрид. Но, дали ја потценуваме Барселона? Судејќи според нивните игри во Ла Лига оваа сезона, поранешните колеги на Нејмар се решени да докажат дека можат и без него. Меси останува најдобар играч во светот и постигна веќе 5 гола по 3 меча во Ла Лига, а Ернесто Валверде се чини дека малку ги освежи работите на Камп Ноу и според тоа би требало два пати да размислиме доколку се решиме да ја отпишеме Барселона.
Баерн Минхен трет фаворит
Баерн Минхен е трет фаворит според фудбалските експерти и букмејкерите со коефициент 8.00, ист како и оној на Барселона. Сепак, шампионите на Бундеслигата веќе не се на исто ниво како во предходните неколку сезони. Во последните неколку години најдобри беа под водство на Пеп Гвардиола, но ни тогаш не стигнаа до финалето на Лигата на Шампионите. Всушност, нивниот последен настап во финалето беше во 2013 година кога и го освоија трофејот. Единствена позитива за овој тим за разлика од предходните сезони е тоа што во преодниот рок беа повлечени неколку добри потези. Баерн успеа да ги купи двајцата најдобри играчи за врска на лани одличниот Хофенхајм, Себастијан Руди и Никлас Шуле, а во средниот ред го ангажираше и најдобриот фудбалер на Лион, Корентин Толисо со што средниот ред доби на цврстина, на креативност но и на неверојатно силна конкуренција. Сепак, како трансфер број еден се смета оној на Џејмс Родригез кој како позајмен фудбалер пристигна од Реал Мадрид. Со оглед на тоа што Баерн нема вистинска конкуренција во Бундеслигата, оваа екипа секогаш е спремна да го крене пехарот во Лигата на Шампиони, па вреди да се ризикува со коефициентот 8.00 во бет365.
ПСЖ најблиску до Реал Мадрид
ПСЖ сезонава ќе биде главен конкурент на Реал Мадрид. Минатата сезона ПСЖ беше запрен од Барселона во 1/8 финалето и тоа беше огромно разочарување за сопствениците на тимот, па богатите шеици од Катар се решија да го растресат трансфер пазарот и успеаа во тоа. Најдобрите фудбалери останаа во тимот, а со ангажманот на Нејмар и Мбапе овој тим моментално го има најдобриот напад во светот кога на овие двајца ќе се додаде и Кавани. Сопствениците на ПСЖ сега сосем реално се надеваат дека нивниот тим ќе победи во Лигата на шампионите пред нивната држава да биде домаќин на Светското првенство во 2022 година. Проблем за оваа екипа може да биде голманската позиција како и позициите на левата страна. Во средината на теренот имаат одличен квалитет, но се тенки и имаат малку фудбалери но ако се земе во предвид квалитетот на француската Лига 1 каде можат да ротираат со составот, веројатно тоа нема да претставува проблем во Лигата на Шампиони. Коефициентот за освојување на титулата на ПСЖ во бет365 е 7.50 што ја прави оваа екипа втор фаворит во Лигата на Шампионите.
Англиските екипи секогаш имаат шанси
Во имињата на Кевин Де Брујн и Давид Силва, Манчестер Сити има два од најкреативните фудбалери во Премиер Лигата. Тука е и појавата на бразилскиот млад напаѓач Габриел Јесус како партнер или ривал за Серхио Агуеро. Лерој Сане по бавниот почеток минатата сезона летово доби голема подршка по страничните позиции во новите колеги Бенџамин Менди кој дојде од Монако, Кајл Вокер кој дојде од Тотенхем и Данило кој дојде од Реал Мадрид што укажува на тоа дека Гвардиола сезонава има екипа која ќе може да слави над било кој противник во Европа. Оваа сезона шпанскиот стратег форсира две формации од кои едната е невообичаена за него 3-4-1-2, со што ги збуни противниците, а фудбалските експерти сметаат дека тоа е припрема за настапите во Лигата на Шампиони. Коефициентот дека оваа екипа ќе слави во Лигата на Шампиони е 12.00 во бет365.
Манчестер Јунајтед пак предводен од Мурињо е фаворит од сенка, не толку поради квалитетот на екипата, колку поради Мурињо кој освојувал трофеи во Европа и со многу послаби екипи. Со оглед на тоа дека тој го предводеше својот тим до трофеите во Лигата на Европа и во Лига Купот во својата прва сезона, Жозе Мурињо оваа сезона може да биде задоволен само со висок пласман во Лигата на Шампиони и во домашниот шампионат. Може да се каже дека Јунајтед има најдлабок состав од сите останати фаворити во Лигата на Шампиони оваа сезона (иако не ги има најдобрите почетни единаесет). Немања Матиќ дојде да му даде на Пол Погба поголем простор во средниот ред. Засилувањето Виктор Линделоф е одличен млад бек кој веројатно ќе стане незаменлив во тимот на Мурињо, а Ромелу Лукаку кој дојде од Евертон е докажан стрелец во Премиер Лигата и може да биде најдобар стрелец и во европските натпреварувања доколку играчите околу него си ја завршат својата работа. Букмејкерите на оваа екипа и доделија ист коефциент како и на нивниот гратски ривал Сити, 12.00 во бет365.
Челзи и Конте во овој преоден рок повлекоа одлични потези, но за разлика од минатата сезона кога тимот играше само во Премиер Лигата и ја освои титулата, оваа сезона тимот ќе игра на неколку фронта што ќе биде проблем за оваа екипа. Сепак Конте го предводеше Јувентус до три последователни титули во Серија А, ја освои титулата и во Премиер Лигата а сега тој ги има сите потребни услови за обезбедување на титули и во Европа иако има многу прашалници околу можностите на овој тим во Европа. Коефициентот за Челзи во бет365 е 17.00.
Останатите две екипи од Премиер Лигата не се вбројуваат помеѓу кандидатите за освојување на трофејот, иако Ливерпул според коефициентот 21.00 во бет365 е многу блиску до тоа. Доколку се обложите на Тотенхем ќе добиете коефициент 41.00 во бет365.
Јувентус и Атлетико Мадрид се далеку зад најдобрите
Јувентус и Атлетико Мадрид кој изминатите сезони играа одлично во Лигата на Шампиони не се очекува да ги повторат резултатите и оваа сезона. Јувентус има одличен тим и минатата сезона играше во големото финале, но токму тој меч докажа дека овој тим сепак е далеку од титулата европски шампион и букмејкерите му доделија коефициент 15.00 што го право седми фаворит. Сезонава ќе имаат и многу потешка работа во Серија А, каде имаат многу поголема конкуренција од минатите сезони и тоа ќе биде уште еден проблем за оваа екипа.
Атлетико Мадрид под водство на Симеоне секогаш ќе биде меѓу екипите кои можат да изненадат, но сезонава оваа екипа има многу поголеми проблеми за разлика од минатите сезони и тешко дека ќе можат да се вмешаат во трката за титулата во Лигата на Шампионите. Коефициентот за тоа дека оваа екипа ќе стане европски шампион е 21.00 во бет365.
5 Trackbacks / Pingbacks