Во вторник ќе се одиграат последните натпревари од групната фаза во групите А, Б, Ц и Д во Лига на Шампиони. Има доста интересни натпревари, дуели со голема важност но и дуели кои немаат никакво значење. Во продолжение ќе ја објасниме математиката и варијантите за тоа кој има шанси за пласман во следната рунда. Кој има шанси за пласман во Лигата на Европа, а кој ќе ги заврши евро настапите.
Група А
Можеби Манчестер Јунајтед во последното коло доживеа пораз од Базел на големо изненадување на сите, но тие повторно се лидери и ќе завршат на првото место. Мурињо знае што прави, има големо искуство и е неверојатен стратег кога се работи за европски натпревари. Тие се домаќини на ЦСКА Москва која ќе треба да победи со шест гола разлика за да ги исфрли црвените ѓаволи од првото место. Во тој случај Базел ќе треба да ја совлада Бенфика, па Јунајтед да извиси. Тоа е невозможна мисија.
Јасно во оваа група е дека Бенфика нема да продолжи со евро настапи и сега прашање е кој ќе оди во елиминациите на Лига на Шампиони. Исто така прашање е кој ќе оди во Лигата на Европа. Базел се наоѓа во пол позиција но мора да забележи подобар резултат против Бенфика, од ЦСКА против Манчестер. Бенфика нема никакви мотиви и веќе целосно се насочи кон домашниот шампионат. Затоа сметаме дека на Базел ќе му биде полесно отколку на ЦСКА.
Група Б
Париз Сен Жермен и Баерн Минхен имаат загарантирано прво и второ место во групата Б. Сепак французите уживаат во најдобар рекорд во оваа фаза од Лига на Шампиони во историјата. Тие постигнаа 24 гола, а примија само еден гол, но сега имаат тешко гостување во Баварија. Сепак мотивот е голем и се надеваат дека ќе ја завршат својата групна кампања со голем рекорд. Екипата на Јуп Хајнкес треба да постигне најмалку четири гола за да заврши пред ПСЖ и да победи со разлика од три или повеќе голови што е малку веројатно.
Иронично, многу поодлучувачки и поважен меч од овие гиганти ќе одиграат Селтик и Андерлехт. Тие се во директна пресметка за продолжување во Лигата на Европа, односно освојување на третото место. Шкотските шампиони удобно се сместени на третата позиција со оглед на тоа што славеа во Белгија со 0:3. Поради тоа сега белгијците треба да слават со подобра разлика, односно со минимум 4 гола во Глазгов па да избијат на третото место.
Група Ц
Челзи го осигура пласманот во 1/16 финалето, но Конте најавува дека нема да пропушти ништо на случајноста и ќе се обиде да заврши на првото место. Тие ќе го сторат тоа ако го совладаат Атлетико Мадрид, но можат да си дозволат и кикс ако Рома се лизне дома против Карабаг. Италијанците можат да бидат на врвот на табелата со победа над азербејџанците ако Челзи не успее да ја победи екипата на Диего Симеоне.
Атлетико Мадрид може да извиси и испадне од групната фаза за прв пат под водство на Симеоне. Атлетико треба да слави победа над Челзи, а азербејскиот шампион Карабаг да победи во Рим против Рома за Атлетико да биде втор. Но тоа е речиси невозможно да се случи. Ако ништо друго, барем Атлетико има загарантирани европски натпревари во Лигата на Европа со освојување на третото место.
Група Д
Барселона веќе го резервира своето место во следниот круг како победник во групата со супериорната победа над Јувентус. Италијанскиот шампион пак сеуште се бори за второто место со Спортинг. Јувентус му бега еден бод на Спортинг и сега во последното коло треба да слави победа над Олимпијакос во гости за да го осигура првото место. Грците немаат шанси ни за во Лигата на Европа но одиграа без голови против Барса на домашен терен и ќе сакаат да ја завршат европската сезона со некој бод.
Сепак Спортинг има уште потешка задача. Треба да слави победа во Каталонија против Барселона и да се надева на кикс на Јуве за да заврши како втор. Тешко дека е можен таков расплет на настаните. Но Спортинг во најмала рака ќе продолжи во Лигата на Европа како третопласиран тим дури и со пораз од Барселона.
Предвидување
Дефинитивно тешко е да се направи тикет од овие натпревари. Оние “сигурици” се со премали коефициенти. Некои натпревари се небитни, а на некои натпревари не се знае со какви состави ќе истрчаат тимовите. Сепак ќе се обидеме да издвоиме неколку дуели на кои може да се заработи.
Рома – Карабаг – 1-1 ( 1.35 во 10Bet )
Be the first to comment