Ман.Сити – Арсенал: Премиер Лигата продолжува со големо дерби

Манчестер Сити – Арсенал, па и не можеше да се посака подобро продолжение на сезоната во англиската Премиер Лига по долгата пауза предизвикана од пандемијата поради КОВИД-19. Дерби за старт и можност за сите љубители на фудбалот повторно да уживаат во магијата на англискиот фудбал.

Широкиот ростер голема предност за Пеп Гвардиола

Фудбалерите на Пеп Гвардиола беа совладани со 2:0 кај градските ривали од „Олд Трафорд“ во нивниот последен настап пред долгата пауза поради пандемијата предизвикана од КОВИД-19. Веднаш потоа беше прогласен прекин на сезоната и сите во Сити се надеваа дека сезоната нема да се доигра и дека нема да се прогласи шампион. Зошто? Затоа што тие заостануваат со неверојатни 25 поени во однос на Ливерпул и немаат шанси да ги стигнат.

Но барем се сигурни во пласманот во Лигата на Шампиони и имаат предност од 12 поени од екипата која е на петтото место.

Сините од Манчестер не се на потребното ниво. Не се на нивото на кое се навикнавме да ги следиме во изминатите неколку сезони кога беа неприкосновени лидери. Голем проблем за граѓаните сезонава е тоа што не успеаја да освојат доволно бодови на оние важни дуели против ТОП-6 екипите од лигата, забележувајќи само три победи и пет порази во тие дерби мечеви.

Сепак, дуелот во среда го означува почетокот на една сосема нова мини-сезона и Гвардиола се надева дека барем до крајот неговиот тим ќе изгледа многу подобро. За еден вака пеколен распоред потребен е широк ростер на фудбалери, а тоа Манчестер Сити го има во изобилство и ќе се обие да го искористи како голема предност, ротирајќи и играјќи со свежината на фудбалерите.

Арсенал цели високо под водство на Артета

Арсенал претрпе голем пресврт оваа сезона со отпуштањето на Унаи Емери и назначувањето на Микел Артета. Тој се чини дека ги извади Топџиите од нестабилноста и катастрофалноста на резултатски план во кои се наоѓаа кога тој ја презеде функцијата во декември. Обновен е степен на стабилност и тимот има добра насока во овој момент, односно барем до пред прекинот на сезоната.

Арсенал и понатаму е далеку од местата кои водат во Лигата на Шампиони. Тие имаат заостанување од осум бода во однос на четвртиот Челзи и тешко дека ќе можат да ги стигнат сините од Лондон. Сепак, можат барем до Лигата на Европа. Арсенал годинава во Премиер лигата е непоразен во осумте натпревари забележувајќи по четири ремија и победи, а во таа серија тие четири пати ја запуваа својата мрежа недопрена.

Предводникот на Арсенал во Манчестер ќе биде без услугите на повредените Чемберс, Тореира и Соарес, но прашање е колку се спремни и Хектор Белерин, Киеран Тиерни и Роб Холдинг на кои им беше дадена дополнителна шанса да се вратат во целосен фитнес за време на принудната пауза.

Се е на страната на Сити

Бранителот на титулата, Манчестер Сити ги има освоено последните шест натпревари против Арсенал во сите натпреварувања и тоа со разлика од барем два гола, во просек постигнувајќи по 2.83 голови по натпревар.

Но интересно, од почетокот на минатата сезона, Манчестер Сити само еднаш имаше поголем коефициент за победа од овој сега ( 1.37 ) на „Етихад“ во Премиер лигата. За нивна победа коефициентот беше поголем од овој сега само против Челзи кога беше околу 1.55 и тоа во Февруари 2019 година.

Од друга страна, коефициентот за победа на Арсенал е дури 9.50. Има и еден застрашувачки податок врзан за Арсенал. Тие против ТОП-6 тимови во Премиер Лигата немаат победа на гости од јануари 2015 година, што е застрашувачка низа од 26 натпревари без успех (десет нерешени средби и 16 порази).