Мидлзборо во сабота попладне на домашен терен против Ридинг има за цел победа со која ќе го задржи притисокот врз тимовите кои се на плејоф местата.
Од друга страна, Ридинг гостува на стадионот Риверсајд по катастрофалниот пораз од 0:7 од Фулам, па тешко е да се верува дека по еден таков пораз ќе може да му парираат на Мидлзборо.
Боро сака во Премиер Лигата
Мидлзборо е тимот со најдобра форма во моментов во Чемпионшип и по доаѓањето на Крис Вајлдер има серија од шест победи и две нерешени од девет натпревари како е на чело на тимот. Може да се каже дека Вајлдер го препороди тимот и му донесе нешто што му фалеше на тимот – храброст и дрскост.
Боро се одмори од лигашките мечеви минатиот викенд и последниот нивни дуел е на 8-ми во рмки на ФА Купот со Мансфилд, кога екипата славеше со 2:3.
Додека Вајлдер брзо ги истакна амбициите и целито во лигата, тој тивко изгледа импресиониран од карактерот на неговите играчи. Ако вака продолжи екипата, Мидлзборо може да стигне далеку сезонава и немојте да се изненадите доколку следната сезона ги видите во Премиер Лигата.
Ридинг не може да биде полош
Во време кога Боро е во нагорна линија, не може да се каже истото за нивните противници кои продолжуваат да се соочуваат со очајни резултати.
Откако ја прокоцкаа предноста од 2:0 против ривалите Дерби Каунти на 3-ти јануари, се тргна наопаку за кралскиот клуб. Загубија од нисколигашот Кидеминстер со 2:1 во ФА Купот, за во минатото коло да дојде веќе споменатиот пораз од Фулам со 0:7 на домашен терен.
Во една фаза, Ридинг прими четири гола за 15 минути во второто полувреме, а нивните навивачи ги имаат сите причини да бараат промена на менаџерското столче, паи повеќе од тоа.
Сепак, Вељко Пауновиќ не може да биде единствено виновен за проблемите на Ридинг оваа сезона и како што Србинот постојано бара, колективниот напор и на теренот и надвор од него е единствената комбинација што ќе го задржи клубот надвор од зоната за испаѓање.
За жал, се чини дека во тимот се случуваат многу негативни работи зад затворени врати, надвор од теренот.
Be the first to comment