За разлика од првиот ден кога немаше вистински дерби меч со исклучот на дуелот Нигерија – Русија, вториот ден од Светското Првенство во кошарка ни носи многу поинтересни натпревари. Канада – Австралија и пред се европското дерби меѓу Франција и Германија се натпреварите на денот.
ГРУПА Е
Турција – Јапонија – 2 со АХ -15.5 @ 1.45 во Bet365
Турција е фаворит на овој меч, но не толку голем како што многумина мислат, па и не толку голем како што навестуваат коефициентите. Предводени од охриѓанецот Осман, Турција има солидно НБА педигре, одлични индивидуи, но не изгледа толку страшно на терен. Јапонија има шанси како никогаш досега. Има генерација полна со квалитет која може да изненади. Дуото Руи Хачимура од Вашингтон и Јута Ватанабе, заедно со Ник Фазекас е неверојатно и може да се носи со сите во групата, секако со исклучок на САД.
Чешка – САД – 2 со АХ +19.5 @ 1.33 во Bet365
Нема што премногу да се филозофира за овој натпревар. Се знае кој е кој и прашање е само како ќе заврши натпреварот, односно со колкава разлика ќе победи тимот на САД. Ова за нив ќе биде само воигрување и подготовка за она што ги чека во продолжение од шампионатот.
ГРУПА Ф
Нов Зеланд – Бразил – +164 коша @ 1.63 во Bet365
Ова ќе биде интересен меч, во кој Бразил ја има фаворитската улога но само поради своето педигре. Искрено, Бразил никогаш не дошол послаб на едно Светско Првенство како сега. Селекторот Ацо Петровиќ се надева дека искуството ќе пресуди, а искрено нивното искуство е огромно со играчи како Варежао, Барбоса и Алекс Гарсија. Нов Зеланд е аутсајдер но со добри шанси за пласман во следната фаза. Ако им тргне шутот за три поени, ќе им биде тешко на бразилците.
Грција – Црна Гора – 1 со АХ -7.5 @ 1.40 во Bet365
Грција со Јанис може против секого. Нивната цел на шампионатот во Кина е медал и искрено според имињата на кошаркарите во ростерот, не се далеку од тоа. Црна Гора се крсти во Вучевиќ, но тој сам неможе премногу. Тимот на Грција изгледа спремен за да стигне далеку, можеби и до самиот крај на шампионатот и ќе стартува со победа.
ГРУПА Г
Доминиканска Република – Јордан – 2 со АХ -17.5 @ 1.36 во Bet365
Ако за Доминиканска Република играа Ал Хорфорд и Ентони Таунс, тогаш оваа селекција ќе беше рамо до рамо со Германија и Франција. Но без нив треба да стратува од пораз и од Јордан, кој реално е аутсајдер во оваа група. Јорданците се предводени од иконата за земјата Заид Абас, натурализираниот играч Дар Такер и центарот на Фенербахче Ахмад Ал-Дваири, па имаат солиден тим но немаат длабочина. Ќе следиме интересен меч во кој очекуваме и неизвесност.
Франција – Германија – -161.5 коша @ 1.32 во Bet365
Ова е еден од најинтересните дуели на вториот ден од Светското Првенство во Кина. Франција е фаворит, но и во двата тима има еден куп кошаркари со НБА искуство. Ќе следиме голема борба, во која тешко е да се предвиди победникот, па добро е да го избегнете овој меч на вашите тикети. Но ако сакате да го играте, одиграјте на малку кошеви.
ГРУПА Х
Канада – Австралија – 2 @ 1.32 во Bet365
Во анализата пред СП, наш фаворит во оваа група на смрта беше Австралија и тоа пред Литванија. Според тоа, јасно е дека очекуваме победа против Канада. Имаат НБА играчи, големи мотиви, а славеа над САД во подготовките нанесувајќи им го првиот пораз на дрим тимот после 2006 година. И Канада има еден куп играчи од НБА, но на терен не изгледаат исто како на хартија. Може да изненади оваа селекција па дури и да биде прва во групата, но може и последна.
Сенегал – Литванија – 2 со АХ +14.5 @ 1.32 во Bet365
Селекциите од Африка немаа добар старт на шампионатот, а таа низа на порази треба да ја продолжи и Сенегал. Литванија секогаш е при врвот на фаворитите, а тоа не е исклучок и сега иако на првенството дојдоа без голема ѕвезда. Сенегал нема што да бара во оваа група и веројатно ќе забележи три порази.
Be the first to comment