Ливерпул загуби на првиот меч со Атлетико Мадрид со 1:0, но никој не може да го отпише тимот пред време. Поразот е незгоден, не постигнаа гол на гости и сега не само што мораат да нападнат, туку мораат да мислат многу повеќе и на сопствениот гол, а Атлетико се надева токму на тоа.
Формата на Ливерпул во надолна линија
Кога Ливерпул го загуби првиот меч во Мадрид, избраниците на Јурген Клоп се уште беа во ФА Купот и беа без пораз во Премиер лигата.
Загубата кај Атлетико предизвика три порази напоследните пет натпревари, во кои беше вклучен и поразот, односно испаѓањето од ФА Купот од Челси, по шокантниот пораз со 3:0 против Вотфорд, со што се уништија сите надежи дека ќе ја завршат сезоната во лигата без пораз.
Прашање е колку долго ќе трае овој проблем? Кога Бурнемут го презеде водството на „Енфилд“ во саботата, некои навивачи на „црвените“ започнаа да се плашат, но до крајот на мечот се беше во ред откако Ливерпул славеше со 2:1.
Ливерпул победи, а Сити загуби кај Манчестер Јунајтед со 2:0 и веќе немаше простор за грижи. Сега им се потребни само четири победи за да ја заокружат титулата во Премиер лигата.
Враќањето на победничките патеки секако ја подигнува самодовербата пред овој возвратен меч и без сомнение ја крена атмосферата н амаксимално ниво, ако таа беше воопшто разнишана во оваа неверојатно добра сезона за тимот.
Борбениот дух на Атлетико е најголема надеж за нив
Чувството дека Атлетико не беше на нивото на претходните години, беше ставено во чекална по првиот натпревар кога раниот гол на Саул Нигез се покажа како доволен.
Од тој момент, имаше многу математика на теренот. Атлетико имаше голема истрајност, врвна организација во одбраната и дојде до посакуваното – даде гол, а не прими.
Од победата над Ливерпул, Атлетико го совлада Виљареал со 3:1, па ремизираше 1:1 со Еспањол и одигра 2:2 дома со Севиља.
Тие губеа на сите три натпревари, но покажаа неверојатен борбен дух и се вратија во сите три меча, а тоа ќе им биде и повеќе од потребно на овој дуел со Ливерпул.
Be the first to comment