Реал Мадрид ќе го пречека Манчестер Сити во доста незгоден момент за тимот. Реал игра во својата најслаба форма сезонава во овој момент, додека Сити и Пеп крајно мотивирани патуваат во Мадрид сакајќи да ја искористат шансата која можеби е последна за тимот предводен од Пеп.
Тежок период за Реал Мадрид
Зад Реал Мадрид се две тешки недели па можам слободно да кажам дека овој меч за нив доаѓа во доста незгоден момент. Минатите две недели Реал се наоѓа во најслаба форма сезонава во која постојано беше лидер, но минатиот викенд го загуби лидерското место во Ла Лига по серијата негативни резултати и тоа против просечни екипи.
Серијата од 21 меч без пораз дојде на почетокот на овој месец со поразот во Копа дел Реј на домашен терен од Реал Сосиедад, во кој Реал имаше и негатива од 0:3, пред да се разбуди но само за да го заврши мечот со прифатлив пораз од 3:4. По тој пораз трпеше и падот во нивната форма во Ла Лига. По тој пораз, Реал славеше над Осасуна на гости, но потоа одигра реми 2:2 со Селта дома и загуби минатиот викенд од Леванте на гости со 1:0.
Хазард не може да го замени Роналдо
По оваа серија негативни резултати, Реал Мадрид го загуби водството во Ла Лига и сега Барселона е лидер со предност од два бода, по нивната победа во која Лионел Меси постигна четири од петте гола на Барса против Еибар. Во ерата на Реал по заминувањето на Роналдо, на тимот му недостасува таква фигура на теренот и иако сеуште се добар тим, нивните шанси во Европа, изгледаат многу мали.
Еден Хазард оваа сезона требаше да биде играчот кој ќе ја пополни празнината што ја остави Роналдо, но тој мака мачи со повредите. Паузираше долго време, се врати и одигра два меча но се повреди против Леванте и нема да игра на овој натпревар. Повреден е и Марко Асенсио, додека Герет Бејл има настинка но веројатно ќе биде спремен за настап.
Дали е ова последната шанса за генерацијата на Гвардиола!?
Победата во Лигата на шампионите секогаш беше приоритет на Пеп Гвардиола и Манчестер Сити, а така е и оваа сезона во која од сега е јасно дека немаат шанси во Премиер Лигата. Нивната можна двегодишна забрана за настап во Лигата на Шампиони овој приоритет го прави уште посилен.
Сити ќе поднесе жалба, но тие ќе треба да се подготват за некаква забрана, што може да ги натера некои од нивните најдобри играчи да размислат за својата иднина во клубот. Ова би можело да биде и последната можност за Гвардиола да ја освои Лигата на шампионите со оваа група играчи, кои настапуваа толку добро во текот на изминатите две сезони.
По објавувањето на забраната Манчестер Сити ги добија двата меча без да примат гол, совладувајќи го третопласираниот Лестер со 0:1 во саботата и предходно Вест Хем со 2:0. Ситуацијата е тешка, но сепак токму тоа може да биде и голем мотивирачки фактор потребен за клуб кој никогаш не цветаше во Лигата на шампионите, откако беше купен од Шеик Мансур во 2008 година.
Та на најсилниот состав со исклучот на Сане кој подолго е надвор од стројот. Рахим Стерлинг би можел да се врати по повредата, но прашање е колку ќе може да даде 100% од своите можности.
Be the first to comment