Манчестер Јунајтед е домаќин на Вулверхемптон во рамки на 25-то коло на Премиер Лигата. Ова ќе биде трет меѓусебен дуел на двете екипи овој месец. Прво беше нерешено, па славеше Јунајтед. Но тие дуели беа во куповите, а овој е во лигата каде влогот за овој меч е огромен бидејќи и двете екипи имаат ист број на бодови.
Јунајтед добар во куповите, лош во лигата
Разочарувачката сезона на Манчестер Јунајтед веројатно беше надополнета со елиминацијата од Манчестер Сити во полуфиналето на Лига Купот. Ако ништо друго, барем славеа над Транмере во Фа Купот во 1/16 финалето.
Од една страна, избраниците на Оле Гунар Солскер заслужуваат по некој кредит за победата од 0:1 над Сити на „Етихад“ по втор пат оваа сезона и покрај тоа што победата не беше доволна за пласман во следната фаза. Едноставно, поразот од 3:1 на првиот меч значеше дека тие испаднаа. На крајот на краиштата, дури и да дојдеа до финале, повторно никој немаше да биде задоволен со пласман на петтото место на табелата во Премиер Лигата.
Пред овој меч, тие имаат ист број на бодови како и Тотенхем и Вулвс кои се на 6-то и 7-мо место, а се само еден бод пред Шефилд Јунајтед кој е осмото место. Со 34 поени кои се помалку за половината од оние поени на Ливерпул се е јасно.
Јунајтед на последниот меч на домашен терен се посрамоти против Барнли губејќи со 0:2, но сега се свесни дека влогот за овој меч е голем и евентуална победа може мнгу да значи за продолжување на сезоната.
Огромен проблем за Јунајтед ќе биде неиграњето на: Матич, Погба, Рашфорд и Мек Томинај.
Волците ја враќаат добрата форма
Постои чувство дека Волците веќе одиграа повеќе од 100 натпревари оваа сезона, поради нивното рано вклучување во Лигата на Европа.
Но, тие одиграа само три натпревари повеќе од Јунајтед. Тие одиграа 41 меч, а Јунајтед 38 и имаа убав и долг период за одмор пред овој натпревар. Тие немаат натпревар од 23-ти Јануари, период во кој Манчестер одигра два меча од Куповите. Последниот меч на Вулвс беше разочарувачки. Ги имаа фудбалерите на Ливерпул пред себе и можеа да освојат бодови, но наместо тоа примија гол во 85-та минута и загубија. Но сатисфакција мора да им биде добрата игра, бидејќи и статистички гледано беа речиси на исто рамниште како и Ливерпул.
Но ако се тргне на страна тој меч, Вулвс е во лоша серија и на последните седум меча има само една победа и веќе испадна од двата купа. Победата беше пред две кола над Саутемптон со 2:3 и тоа со целосен пресврт, откако губеа со 2:0.
Но и противниците беа тешки, имаат два пораза од Ливерпул, а во куповите испаднаа токму од Манчестер Јунајтед.
Be the first to comment