Вечните гратски ривали Рома и Лацио играат во големото ромско дерби на стадионот Олимпико во недела навечер. Дерби дела Капитале зазема централно место викендов во Серија А и тоа е сосема очекувано – ова е едно од најголемите дербија во Италија во секоја смисла на зборот.
Римското дерби секогаш ја создава најжешката атмосфера во Калчото, а функционирањето во главниот град запира 90 минути додека двата градски гиганти се борат на Олимпико.
Рома заморена, но спремна за борба
Жозе Мурињо викендов повторно ќе се спротивстави на поранешниот тренер на Челзи, Маурицио Сари. И повторно Мурињо го привлече вниманието со горко жалење за подолгиот одмор на Лацио додека неговата екипа беше дел од европските натпревари во четвртокот навечер.
Рома против Витесе одигра само 1:1 на Олимпико, но сепак помина во следната фаза откако на гости славеше со 0:1. Израмнувачкиот гол за Рома беше дело на Тами Абрахам во 90-та минута.
Сега Рома е меѓу фаворитите за кревање на трофејот во првата сезона на новоформираната Европска конференциска лига, а сега момците на Мурињо ќе се соочат со Бодо/Глимт од кого беа декласирани во групната фаза.
Но да се вратиме на Серија А. Рома се наоѓа конечно во добра форма и нема пораз на осум меча по ред. Екипата последен пат имаше подолга серија без пораз пред речиси три години.
Можеби изминатиот викенд одиграа само нерешено 1:1 со аутсајдерот Удинезе, но израмнувачкиот гол на Лоренцо Пелегрини барем ја задржа нивната серија без пораз. Сепак, тимот на Лацио кој исто така е во супер форма сигурно ќе ја стави непобедливоста на Рома на тест.
Лацио целосно насочен кон Серија А
Пред 156-то Дерби Дела Капитале во историјата на Серија А, Лацио забележа само 40 победи наспроти 55-те на Рома, но тие триумфираа на првиот натпревар сезонава во Септември, кога Сергеј Милинковиќ-Савиќ, Фелипе Андерсон и поранешниот крилен напаѓач на Рома, Педро беа стрелци во победата од 3:2.
Под водство на Сари, Бјанкочелестите изненадија многумина од почетокот на годината со тоа што се трансформираа во доста цврста одбранбена екипа.
Досега во 2022 година, тие ја зачуваа својата мрежа шест пати во Серија А, а само Реал Сосиедад успеа да ја сочува својата мрежа повеќе во првите пет европски лиги за тоа време.
На другиот крај од теренот, ѕвездениот напаѓач Чиро Имобиле го постигна единствениот гол против Венеција во понеделникот, па со таа победа Лацио ја мина Рома на табелата.
Елиминацијата и од Купот на Италија и од Лигата на Европа го одбележа нивниот напредок во Серија А, а бидејќи се што им преостанува е да се борат за пласман во топ-шест, Лацио нема да сака да дозволи нивните најомразени ривали да им го одземат пласманот во Европа.
Be the first to comment