Повторно во рубриката Тип на денот, имаме натпревар од Лигата на Шампионите. Германскиот гигант Баерн Минхен патува во Австрија на првиот натпревар од осминафиналето против Ред Бул Салцбург во среда навечер.
Домаќинот на првиот меч влегува во нокаут рундите како огромен аутсајдер, но тие можат да бидат охрабрени од изненадувачкиот пораз на Баерн во Бундеслигата од Бохум минатиот викенд.
Прва австриска екипа во нокаут фазата
Ред Бул Салцбург стана првата австриска екипа во историјата на Лигата на шампионите што стигнала до нокаут рундата. Тимот заврши на второто место во групата Д со 10 бода од нивните шест натпревари, со само еден поен зад победникот во групата Лил.
Освојувањето на седум поени од првите три натпревари го стави тимот во силна позиција да се квалификува во оваа фаза, пред двата порази од Волфсбург и Лил да ги стават на конец нивните надежи за пласман понатаму.
На момците на Матијас Џејсле им требаше најмалку бод против Севиља во последниот натпревар во групата за да се пласираат, но тие успеаја да ги обезбедат сите три бода благодарение на Ноа Окафор што предизвика бурна прослава во Австрија.
Џејсле прави големи нешта за Салцбург
На само 33-годишна возраст, Џејсле има навистина голема заслуга што го одведе својот тим Салцбург во осминафиналето и тоа во тандем со зголемувањето на нивната предност на врвот на табелата во австриската Бундес лига на 14 бода. Тоа значи дека сезонава Салцбург ита кон деветта последователна круна во Австрија.
Салцбург, кој победи само на еден од последните шест натпревари против германски екипи, сега се соочува со застрашувачка задача да се спротивстави на еден од фаворитите на турнирот.
Колку ова ќе биде тешка задача, или според многумина и невозможна мисија за екипата од Австрија, говорат двата меѓусебни натпревари од минатата сезона. Тогаш двете екипи играа во групната фаза, а Салцбург претрпе пораз во двата наврати и прими девет гола – 2:6 и 3:1.
Баварците се големи фаворити
Веќе 19-та последователна сезона, Баерн Минхен се пласира во нокаут рундата во Лигата на шампионите, откако ја заврши групната фаза со 100% учинок, подвиг што само два други тима го имаа оваа сезона.
Победите на домашен и на гостински терен против Барселона, Бенфика и Динамо Киев изгледаа како лесна задача за Баварците, постигнувајќи 22 гола во шесте меча, а примајќи само три гола.
И покрај тоа што нивната форма во Лигата на шампионите беше беспрекорна, Баерн во минатиот период покажа дека има и слаби страни. На последните пет дуели, се случија два порази – еден од Менхенгладбах на домашен терен и еден загрижувачки минатиот викенд од Бохум со 4:2. Сепак Баерн и понатаму има комотна предност од шест бода во однос на Борусија Дортмунд и реално би требало да дојде до тгрофеј во Бундеслигата.
Баерн руши европски рекорди
Натпреварот во Лигата на шампионите во среда ќе биде четврти пат Баерн Минхен да се соочи со австриски тим во нокаут фазата на едно европско натпреварување. Во секоја од нивните последни три двомеча, тие напредуваат во следната рунда, победувајќи ги Рапид Виена во Купот на победниците на куповите 1966-67 и Австрија Виена во последователните сезони на Европскиот куп во 1985-86 и 1986-87.
Сепак, интересно е тоа што Баерн не успеа да победи на ниту еден од трите гостувања против австриските тимови и се потпираше на домашни победи. Ваквата статистика ќе му даде самодоверба на Салцбург, бидејќи тие имаат 100% домашен ефект во натпреварувањето оваа сезона, победувајќи ги Лил, Волфсбург и Севиља во Австрија.
Во исто време, Баерн моментално може да се пофали со најдолгата серија во историјата без пораз на гостувањата во Европа. Баерн нена загубено ниту еден од последните 21 натпревар на гостински терен, а Баварците имаат добра можност да го зголемат рекордот кој ќе биде тешко достижен за било која екипа во Европа во иднина.
Be the first to comment