Откако го забележаа брзото искачување на табелата во Серија А, фудбалерите на Џенова беа запрени изминатите две недели. Сепак, тие се надеваат дека во сабота против Удинезе ќе им се вратат на победите.
Од друга страна, нивните гости од Фриули, во овој период напредуваат на табелата и се во одлична форма играјќи над сите очекувања.
Балардини сака да се врати на победите
Џенова беше во навистина одлична форма, но на предходните пет натпревари нема победа, забележувајќи три ремија и два порази. Давиде Балардини започна да го расипува впечатокот во последните неколку недели и сега е пред императив да победи.
Но мора да се каже дека Џенова имаше тежок распоред, па двата порази во изминатите пет меча дојдоа од Интер и од Рома во последното коло. Како и да е, Балардини инсистира на тоа дека неговиот тим треба да гледа нагоре кон табелата, а сега целта е да заврши во горната половина на крајот од сезоната.
Џенова има пет бода помалку од Удинезе, против кои тие имаат особено лоши резултати во последно време.
Тие се без победа на последните девет натпревари во Серија А против Удинезе ( шест порази и три ремија ).
Постигнувајќи оскудни три гола во текот на последните пет натпревари, нивниот е трет најмалку ефикасен напад во лигата и е подобар само од Парма и Беневенто. Сепак, откако Балардини го стабилизираше тимот, сега тој ветува многу подобри офанзивни перфоманси. На овој меч, тој нема д аможе да смета на македонскиот капитен Горан Пандев и тоа секако е проблем во офанзивниот дел на екипата.
Џенова е омилен противник на Удинезе
Удинезе има само еден пораз на предходните девет натпревари, што го прави тимот да ја има една од најдобрите серии во Серија А. Поразот дојде од Рома, а во оваа серија Удинезе остана непоразен против Интер, Аталанта и Милан, а славеше над екипи како Фиорентина Верона, Сасуоло … Од долниот дел на табелата, сега тимот се искачи на 11-то место и не планира да застане тука.
Всушност, од почетокот на втората полусезона на оваа непредвидлива сезона, Удинезе собра 14 поени на седум натпревари и само Интер и Јувентус освоија повеќе поени во тој период.
Интересно, „бјанконерите“ минатиот викенд беа победници на домашен терен со Сасуоло со 2:0 и покрај тоа што имаа само 28% на топка. Додека екипата на Роберто Де Зерби го наградуваше поседот по секоја цена, момците на Лука Готи беа задоволни да издржат притисок и сконцентрирано ги чекаа своите шанси.
Тие повторно ќе се потпрат на несомнените креативни квалитети на капитенот Родриго Де Пол, кој постигна пет гола на девет натпревари против Џенова ( секој од нив доаѓа надвор од шеснаесетникот ). Во нападот ќе стартува Љуренте, а единственото прашање е дали покрај него да биде Переира или пак македонскиот репрезентативец Илија Несторовски.
Be the first to comment