Коњаспор ја игра сезоната од соништата. Ако минатата сезона оваа екипа на моенти стравуваше и за опстанокот, сезонава размислуваат само на Европа и ништо помалкуод тоа.
Во овој меч во понеделник со Јени Малатијаспор, Коња влегува од третата позиција откако Фенербахче славеше викендов, но со победа ќе се врати на второто место на табелата во Супер Лигата на Турција.
Во меѓувреме, гостите неодамна паднаа во зоната за испаѓање како последица на неуспехот да победат на ниту еден од последните четири натпревари.
Коња со неверојатна сезона
Со тоа што Трабзонспор изгледа незапирливо на врвот на табелата со дури 12 бода повеќе од Фенер и 13 повеќе од Коњаспор – оваа екипа навистина не може да смета дека е вклучена во трката за титулата. Но во трката за излез во Европа секако дека е еден од главните фаворити, но според моменталната ситуација. Турската лига е неверојатно израмнета и никогаш не може да се биде на чисто, но Коња игра над сите очекувања сезонава.
Минатото коло Коњаспор загуби на госи кај Газиантеп со 3:2 во еден доста интересен меч, а со тоа беше и прекината серијата од четири победи по ред. Но веднаш се вратија на победите откако во текот на неделата славеа во Купот.
Албанскиот репрезентативен напаѓач Сокол Цикалеши се искачи на врвот на листата на стрелци во својата екипа, а во моментов е во одлична форма откако три од петте гола сезонава се од почетокот на ноември.
Малатија сака излез од опасната зона
Јени Малатјаспор исто така напредуваше во Купот, но тие одиграа дополнителни 30 минути против третолигашот Акисарспор. Но барем славеа победа од 3:1 и обезбедија прогрес.
Сепак, оваа екипа е очајна од почетокот на септември, губејќи осум од нивните 11 натпревари во Супер лигата за да паднат во зоната за испаѓање.
Позитивно е што изминатиот викенд одиграа исклучително респектабилно реми без голови против Галатасарај, но на Мариус Шумудица му требаат уште многу такви настапи од неговите играчи за да биде сигурен во опстанокот. Иако Малатија е аутсајдер, сепак не е без шанси откако сезонава одигра многу подобро на гости, отколку на домашен терен.
Be the first to comment